MWAKYEMBE AFUNGUA TAMASHA LA SANAA BAGAMOYO.

Waziri wa Habari, Utamaduni, Sanaa na Michezo Dkt. Ha Harrison Mwakyembe, akizungumza wakati wakufungua rasmi Tamasha la 38 la Kimataifa la Sanaa na Utamaduni, Ukumbi wa Taasisi ya Sanaa na Utamaduni Bagamoyo (TaSUBa) mjini Bagamoyo.
.....................................

Waziri wa Habari, Utamaduni, Sanaa na Michezo Dkt. Ha Harrison Mwakyembe ametaka kiswahili kitumike katika kufundisha sanaa hasa zile zenye maudhui ya kiswahili ili kukuza lugha hiyo ndani na nje ya Tanzania.

Dkt. mwakyembe ameyasema hayo leo Oktoba 19, 2019 kwenye uzinduzi  wa Tamasha la 38 la Kimataifa la Sanaa na Utamaduni uliofanyika Ukumbi wa Taasisi ya Sanaa na Utamaduni Bagamoyo (TaSUBa) mjini Bagamoyo.

Alisema chuo hicho cha sanaa ambacho ni kikongwe hapa nchini kwa kutoa elimu ya sanaa za aina mbalimbali, ni vyema sasa kikatumia kiswahili katika ufundishaji wake.

Aliendelea kusema kuwa, mataifa mbalimbali hufika chuoni hapo kujifunza sanaa hivyo wanapofundishwa kwa lugha ya kiswahili itakuwa rahisi nao kuitangaza lugha hiyo kwenye nchi zao.

Alisema katika kukuza utamaduni wa mtanzania kiswahili na sanaa ni vitu vinavyoenda pamoja na kamwe haviwezi kutenganishwa.

Dkt. Mwakyembe ameupongeza uongozi wa Taasisi ya Sanaa na Utamaduni Bagamoyo, (TaSUBa) kwa kufanikiwa kuandaa Tamasha hilo ambalo limejumuisha watu kutoka nchi mbalimbali.

Alisema kitendo cha kuandaa Tamasha hilo kisha kuhudhuriwa na watu kutoka mataifa mbalimbali huku mkiungwa mkono na wadhamni wa mbalimbali katika kufanikisha ni ishara kuwa chuo hicho kina kubalika kwa wakazi wa Bagamoyo, watanzania wote na nchi mbaalimbaali duniani.

Aliongeza kwa kusema kuwa, matamasha kama hayo ni muhimu katika kukuza Uchumi wa nchi, Utalii, mahusinaao mema baina ya Tanzania na nchi marafiki kwa kuwaalika na kuhudhuria kwao.

Alitumia nafasi hiyo kuwataka wakazi wa Bagamoyo kuhudhuria katika tamasha hilo katika siku zote za maonyesho ili  waweze kujionea mambo mbalimbali yanayofundishwa katika chuo hicho yakionyeshwa kwa vitendo.

Kwa upande wake Mtendaji Mkuu wa Taasisi ya Sanaa na Utamaduni Bagamoyo (TaSUBa) Dkt. Herbert Makoye amesema amesema anawashukuru wale wote walioshiriki katika kufanikisha Tamasha hilo.

Alisema lengo kuu la Tamasha hilo ni kuendeleza na Kudumisha utamaduni wa Mtanzania, kubadilishana uzoefu na kujifunza kutoka kwa mataifa mengine kupitia warsha, kongamano na maonyesho mbalimbali.

Aidha, aliongeza kuwa pia Tamasha hilo linatoa fursa kwa wasanii, wa ndani na nje ya nchi pamoja na watanzania kwa ujumla kukutana na kuenzi utajiri wa utamaduni wao unaowatoafutisha na mataifa mengine. 

Nae Mbunge wa Jimbo la Bagamoyo, Dkt. Shukuru Kawambwa, amewataka washiriki wa tamasha hilo kutembelea vivutio mbalimbali vilivyopo katika wilaya hiyo ili waweze kujionea mambo mbalimbali ikiwemo historia pamoja wanyama wanaopatikana katika mbuga yaa Saadani.

Alisema Bagamoyo ni mji mkongwe ambao watu wake ni wakarimu hivyo wageni waliofika katika tamasha hilo wanaweza kutembea hali ya kuwa huru katika maeneo mbalimbali ya Bagamoyo.

Akizungumza kwa niaba ya Mkuu wa Wilaya ya Bagamoyo, Afisa Tawala wa wilaya ya Bagamoyo,  (AO) Zubeda Omari amesema Kamati ya Ulinzi na Usalama imeimarisha ulinzi katika kipindi chote cha tamasha na kwamba wageni wasiwe na hofu ya aina yoyote.

Tamasha la kimataifa la sanaa na utamaduni hufanyika kila mwaka ambapo mwaka huu ni la 38 ambalo limebeba kauli mbiu isemayo "Sanaa na Utamaduni Ajira yangu"

 

 Waziri wa Habari, Utamaduni, Sanaa na Michezo Dkt. Ha Harrison Mwakyembe (katikati) akiangalia kazi mbalimbali zilizofanywa na wasanii katika mabanda yaliyopo viwanja vya Taasisi ya Sanaa na Utamaduni Bagamoyo (TaSUBa) mjini Bagamoyo leo Oktoba 19, 2019, kulia ni Naibu Katibu Mkuu wa Wizara ya Habari, Utamaduni Sanaa na Michezo, Dkt. Ally Possi, na kushoto ni Mtendaji Mkuu wa Taasisi ya Sanaa na Utamaduni Bagamoyo (TaSUBa) Dkt. Herbert Makoye.

 
Mtendaji Mkuu wa Taasisi ya Sanaa na Utamaduni Bagamoyo (TaSUBa) Dkt. Herbert Makoye, akizungumza katika ufunguzi wa Tamasha la 38 la Kimataifa la Sanaa na Utamaduni uliofanyika Ukumbi wa Taasisi ya Sanaa na Utamaduni Bagamoyo (TaSUBa) mjini Bagamoyo, leo Oktoba 19, 2019.

 

 Mbunge wa Jimbo la Bagamoyo, Dkt. Shukuru Kawambwa, akizungumza wakati wa ufunguzi wa Tamasha la 38 la Kimataifa la Sanaa na Utamaduni uliofanyika Ukumbi wa Taasisi ya Sanaa na Utamaduni Bagamoyo (TaSUBa) mjini Bagamoyo, leo Oktoba 19, 2019.

 

 Afisa Tawala wa wilaya ya Bagamoyo,  (AO) Zubeda Omari, akizungumza kwa niaba ya Mkuu wa wilaya hiyo, kwenye ufunguzi wa Tamasha la 38 la Kimataifa la Sanaa na Utamaduni uliofanyika Ukumbi wa Taasisi ya Sanaa na Utamaduni Bagamoyo (TaSUBa) mjini Bagamoyo, leo Oktoba 19, 2019.

 
Waziri wa Habari, Utamaduni, Sanaa na Michezo Dkt. Ha Harrison Mwakyembe, akipiga ngoma kuashiria kufunguliwa kwa Tamasha la 38 la Kimataifa la Sanaa na Utamaduni katika Ukumbi wa Taasisi ya Sanaa na Utamaduni Bagamoyo (TaSUBa) mjini Bagamoyo, leo Oktoba 19, 2019.

 
Wageni mbalimbali kutoka ndani na nje ya nchi waliofika kwenye Tamasha la 38 la Kimataifa la Sanaa na Utamaduni, katika Ukumbi wa Taasisi ya Sanaa na Utamaduni Bagamoyo (TaSUBa) mjini Bagamoyo, leo Oktoba 19, 2019. 

Waliokaa meza kuu katikati ni Waziri wa Habari, Utamaduni, Sanaa na Michezo Dkt. Harrison Mwakyembe, kutoka kulia ni Naibu Meya wa Jiji la Ahlen nchini Ujerumani, Mrs. Rita Poeppinghaus, wa pili ni Mtendaji Mkuu wa Taasisi ya Sanaa na Utamaduni Bagamoyo (TaSUBa) Dkt. Herbert Makoye, na watatu ni Naibu Katibu Mkuu wa Wizara ya Habari, Utamaduni Sanaa na Michezo, Dkt. Ally Possi.

Kutoka kushoto wa kwanza ni Mbunge wa Jimbo la Bagamoyo, Dkt. Shukuru Kawambwa, wapili ni Mwakilishi wa Mkuu wa wilaya ya Bagamoyo, Zubeda Omari, na watatu ni Mwenyekiti wa bodi ya ushauri ya TaSUBa, Bw. George Yambesi

PICHA ZOTE NA SELESTINE JAMES.