BAGAMOYO KWANZA BLOG

  TAKUKURU  KAGERA YAOKOA  ZAIDI YA  MILIONI 277. Na Alodia Babara, Bukoba.  Taasisi ya Kuzuia na Kupambana na Rushwa (TAKUKURU) Mkoa wa Kagera imefanikiwa kurejesha jumla ya Sh 277.8 milioni zilizokuwa zimeporwa katika taasisi mbalimbali za umma na vyama vya ushirika, katika kipindi cha Aprili hadi Septemba 2026. Katika kipindi hicho, taasisi hiyo pia imefanikiwa kushinda kesi 45 kati ya 50 zilizofikishwa mahakamani, hatua inayoonesha mafanikio katika mapambano dhidi ya vitendo vya rushwa na ubadhirifu wa mali za umma. Kaimu Mkuu wa TAKUKURU Mkoa wa Kagera, Hajinas Onesphory, amesema hayo Novemba 11, 2026, wakati akizungumza na waandishi wa habari kuhusu utekelezaji wa majukumu ya taasisi hiyo kwa kipindi cha Aprili hadi Septemba mwaka huu 2026. "Miongoni mwa fedha zilizorejeshwa ni Sh milioni 100 zilizohusishwa na ubadhiliu wa fedha za mradi wa maji katika Kijiji cha Katare, Wilaya ya Bukoba Vijijini"amesema Onesphory Fedha nyingine ni Sh 25.8 milioni zilizoto...

  MADAWATI 120 KUBORESHA ELIMU BAGAMOYO, SUBIRA MGALU ASISITIZA USIMAMIZI MZURI WA FEDHA ZA UMMA Na Albert Kawogo, Bagamoyo. WANAFUNZI wa Shule za Msingi Chambezi na Gongoni wilayani Bagamoyo wanatarajia kunufaika na mazingira bora zaidi ya kujifunzia kufuatia utengenezaji wa madawati 120 yaliyogharamiwa na fedha za Mfuko wa Jimbo.  Hatua hiyo ni sehemu ya jitihada za kuboresha miundombinu ya elimu na kuhakikisha wanafunzi wanapata mazingira rafiki wanapotekeleza majukumu yao ya kila siku ya kujifunza. Mbunge wa Jimbo la Bagamoyo, Mhe. Subira Mgalu, ameyasema hayo wakati wa ziara ya kukagua madawati hayo katika shule za msingi Chambezi, iliyopo Kata ya Kiromo, na Gongoni, ambapo amepongeza matumizi ya fedha za Mfuko wa Jimbo katika kutekeleza miradi iliyokusudiwa. Katika utekelezaji wa mpango huo, Shule ya Msingi Chambezi ilipatiwa Shilingi milioni 8, zilizowezesha kutengenezwa kwa madawati 80, huku Shule ya Msingi Gongoni ikipokea Shilingi milioni 4 na kufanikisha utengenezaj...

  CCM YAKERWA NA WATUMISHI WASIOJALI WANANCHI Na Allan Kitwe, Tabora CHAMA Cha Mapinduzi (CCM) kimewataka watumishi wa umma kuwa mstari wa mbele kushughulikia kero zinazowakabili wananchi na sio kusubiri hadi waelekezwe na Viongozi wa ngazi za juu wanapofanya ziara Mikoani. Hayo yamebainishwa na Mwenyekiti wa CCM Wilaya ya Tabora Mjini Mohamed Katete alipokuwa akitoa salamu za Chama kwenye kikao cha Madiwani, Wataalamu na Watendaji wa Kata zote kilichofanya leo Mjini hapa. Ameeleza kuwa baadhi ya watumishi wanafanya vizuri katika utumishi wao kwa wananchi lakini wengine hawatambui dhamana waliyopewa na serikali, wanachojua ni kukaa ofisini tu na kufanya kazi za kwenye makaratasi au komputa. ‘Moja ya jukumu la mtumishi yeyote wa umma ni kushughulikia kero za wananchi, haipendezi kuona kero za wananchi zinasikilizwa na kutatuliwa Viongozi wa ngazi za juu wanapofanya ziara tu, hili sio sahihi’, ameeleza. Katete amesisitiza kuwa wananchi hawapaswi kulalamikia changamoto zao kwenye miku...

  DED BAGAMOYO ATAKA KUHARAKISHA UJENZI WA FREMU ZA KIBIASHARA. Na Albert Kawogo MKURUGENZI Mtendaji wa Halmashauri ya Mji Bagamoyo, Ndg. Shauri Selenda, ametoa maelekezo kwa Mhandisi wa Ujenzi pamoja na wasimamizi wa ujenzi wa fremu za kibiashara kuhakikisha wanasimamia kwa umakini kila hatua ya utekelezaji wa mradi huo ili kuhakikisha kazi inafanyika kwa viwango vinavyotakiwa. Aidha, Mkurugenzi ameitaka Kamati ya Mapokezi kuhakikisha inakagua kwa umakini vifaa na bidhaa zote zinazonunuliwa kabla ya kuzipokea, na kuchukua hatua stahiki pale itakapobainika kuwa bidhaa hizo hazina ubora unaotakiwa. Akisisitiza suala la muda, Ndg. Selenda ameelekeza kuwa ujenzi wa jengo hilo ukamilike haraka kabla ya Novemba 15, 2026, ili kuwezesha kuanza kwa mchakato wa kutangaza fremu hizo kabla ya Desemba 1, 2026. Hatua hiyo inalenga kuhakikisha wafanyabiashara wanapata fursa ya kuanza kufanya biashara katika fremu hizo kwa wakati uliopangwa. Vilevile, Mkurugenzi amemtaka Mhandisi wa Ujenzi kuanga...

  Na Victor Masangu,Pwani  Viongozi wa Chama Cha Mapinduzi wametakiwa kuachana kabisa  na vitendo vya kuwa na  makundi, magonvi na mivutano hali ambayo  inayoweza kusababisha kubomoa misingi imara  iliyoachwa na waasisi  waliotangulia.  Kauli hiyo imetolewa na Makamu wa pili wa Rais wa  Zanzibar Mhe.Hemed Suleiman Abdulla Hayo yamesemwa wakati akiwahutubia Wajumbe wa Halmashauri Kuu ya CCM Mkoa wa Pwani katika Ukumbi wa Shule ya Uongozi ya Mwalimu Julius Nyerere uliopo eneo la kwa mfipa Halmashauri ya Manispaa ya Kibaha Mkoa wa Pwani. Makamu huyo wa pili wa Rais pia ndiye mlezi mpya wa chama cha mapinduzi (CCM) Mkoa wa Pwani ambapo pia ameahidi kushirikiana na viongozi na wanachama wa CCM katika kukijenga chama pasipo kuwa na makundi. "Chama chetu ni chama ambacho ndio kipo madarakani na kinapendwa sana na wananchi lakini hakiwezi kujengwa kwa makundi,makundi,wala mvutano, amebainisha Mhe. Abdulla  Amesema hakuja Pwani kulea makundi bali...

  TAKUKURU MKOA WA PWANI YAFANIKIWA KUOKOA ML.29 KUTOKA KWA WAKUSANYA USHURU WILAYA YA  MAFIA Na Victor Masangu,Pwani Taasisi ya kuzuia na kupambana na Rusha Takukuru Mkoa wa Pwani imefanikiwa kudhibiti na kuokoa kiasi cha  zaidi ya shilingi milioni 29 katika Halmashauri ya  Wilaya ya Mafia ambazo zilikuwa mikononi mwa wakusanyaji wa ushuru kinyume kabisa na taratibu.   Hayo yamebainisha na Naibu mkuu wa Takukuru Mkoa wa Pwani Ezekia Sinkala wakati akizungumza na waandishi wa habari ofisini kwake kuhusiana na utekelezaji wa kazi na majukumu mbali mbali  ambayo imeyafanya kwa kipindi cha kuanzia Aprili hadi Septemba mwaka 2026. Naibu mkuu huyo amebainisha kwamba fedha hizo zimefanikiwa kuokolewa kutoka  katika Wilaya ya Mafia ambazo zilikuwa fedha za makusanyo  ya mapato kwa mfumo wa njia ya mashine(POS). "Kutokana na kuwepo kwa fedha hizo za umma katika akaunti ya Imprest kwa kufuatilia ukusanyaji wa mapato na uwekaji wa fedha  hizo benki ndi...