Waziri Mkuu kuongoza watu Mia sita (600) dar kujadili namna ya kutokomeza ukatili dhidi ya wanawake na watoto.

Mkurugenzi wa Shirika la Jukwaa la Utu wa Mtoto CDF Bw. Koshuma Mtengeti akifafanua jambo kuhusu Kongamano la kitaifa la kutokomeza ukatili dhidi ya wanawake na watoto. Mada siita zitajadiliwa katika Kongamano hilo la kihistoria.

Na Mwandishi wetu      

Waziri Mkuu wa Jamuhuri ya Muungano wa Tanzania Mheshimiwa Kassim Majaliwa anatarajiwa kuongoza mamia ya watanzania katika kongamano la kujadili namna ya kutokomeza ukatili dhidi ya wanawake na watoto, kongamano litakalofanyika tarehe 22-23 March, 2019 katika ukumbi wa Chuo Kikuu kishiriki cha elimu (DUCE) Jijinii Dar es salaam.

Akizungumza na waandishi wa habari ofisini kwake, Mkurugenzi wa Shirika la Jukwaa la Utu wa Mtoto CDF Bw. Koshuma Mtengeti amesema katika kongamano hilo la Kitaifa jumla ya mada sita zitnatarajiwa kujadiliwa.

Ametaja mada hizo kuwa ni kujadili hali ya ukatili kwa watoto katika familia na mashuleni, ukatili wa kijinsia na unyanyasaji, mimba za utotoni na ndoa za utotoni. Zingine ni Ukeketaji, malezi katika ulimwengu wa kisasa, ukatili wa kingono katika taasisi za elimu ya juu, ukatili dhidi ya watoto kwenye mitandao na namna ya kuwapatia msaada waanga wa vitendo vya ukatili.

Akizungumzia maandalizi ya Kongamano hilo, Mtengeti amesema kila kitu kinakwenda kama kilivyopangwa na kwamba wanaamini Kongamano hilo litaleta chachu ya kutokomeza vitendo vya ukatili dhidi ya wanawake na watoto.

Amesema Kongamano hilo linaloandaliwa kwa ushirikiano na , Shirika la Jukwaa la Utu wa Mtoto CDF chini ya udhamini wa ubalozi wa Uswisi pamoja na shirika la C SEMA na chuo kikuu kishiriki cha elimu (DUCE) litaibua Mijadala mizuri kwa sababu na wataalamu wa tafiti pia wameshirikishwa katika hili.

Ameongeza kuwa kupitia kongamano hilo viongozi wa kitaifa, watafiti, Asasi za kiraia, Wanataaluma, Viongozi wa Dini, wanaharakati wa haki za binadamu pamoja na wadau wa maendeleo watapata fursa ya kujadili hali ya ukatili na namna ya kuimarisha mikakati ya kutokomeza ukatili dhidi ya wanawake na watoto. 

Ukukubwa wa tatizo la ukatili dhidi ya wanawake na watoto

Akifafanua hali ya ukatiliiiiiii dhidi ya wanawake na watoto, amesema kwa mujibu wa utafiti wa demografia na afya wa mwaka 2015/2016, idadi ya wasiichana wanaopata watoto katika umri wa shule ya msiingi (miaka 15-19) imeongezeka hadi kufikia 27% mwaka 2015 kutoka 23% mwaka 2010.

Pia utafiti huo unaonyesha kuwa wanawake wenye umri kati ya Miaka 15-49 wamefanyiwa vitendo vya ukatili wa Kimwili tangu wakiwa na umri wa miaka 15. Kati yao 17% wamefanyiwa ukatili wa kingono, 50% walio kwenye ndoa nao wamepitia ukatili wa kingono wakiwa na umri wa miaka 15.