Wanafunzi waliohitimu elimu ya Msingi shule ya
Msingi Sirajulmunir Bagamoyo wakiwa na Katibu Mkuu wa Taasisi ya Sirajulmuni
ambayo ndiyo inayomiliki shule hiyo Baraka Kalangahe (kulia) na Meneja wa shule
hiyo Mwarabu Pyalla (kushoto)
Wanafunzi waliohitimu elimu ya Msingi shule ya Msingi Sirajulmunir Kiwangwa siku ya Mahafali yao.
.................................
Shule ya msingi Sirajulmunir Bagamoyo yashika
nafasi ya kwanza Mkoa wa Pwani matokeo ya Darasa la saba 2018.
Akizungumza na BAGAMOYO KWANZA BLOG kwa njia ya
simu, Meneja wa shule za Sirajulmunir Mwarabu Piyalla amesema amefarijika na matokeo hayo ambayo
kiukweli ni ya kujivunia.
Alisema shule ya Msingi Sirajulmunir Bagamoyo imekumbwa
na changamoto kadhaa hasa wakati wa kipindi cha mvua ambapo shule hiyo ilijaa
maji na kulazimika kuhama kwa muda jambo ambalo liliwathiri watoto kitaaluma
kutokana na mazingira ya kusomea.
Aliongeza kwa kusema kuwa licha ya changamoto
hizo walimu waliweza kushirikiana vyema na wazazi katika kuhakikisha kiwango
cha taaluma kinapanda na sio kushuka.
Mwarabu Pyalla ambae kitaaluma ni mwalimu alisema
miongoni mwa changamoto za uendeshaji wa shule ni pamoja na ulipaji wa ada
ambapo wazazi na walezi wanashindwa kulipa ada kwa wakati hivyo kitendo cha
kumpa barua mtoto kwamba anadaiwa ada ni miongoni mwa mambo yanayomuathiri
kisaikolojia na kitaaluma.
Akielezea matokeo ya Darasa la saba kwa shule za
Sirajulmunir alisema Shule ya Sirajulmunir Bagamoyo iliyopo Kata ya Nianjema
Halmashauri ya Bagamoyo, ilkuwa na wanafunzi 30 waliofanya mtihani na kushika
nafasi ya kwanza kati ya shule 16, zilizopo Halmashauri ya Bagamoyo katika
kundi la shule zenye wanafunzi chini ya 40, huku ikishika nafasi ya kwanza pia
Mkoa wa Pwani kati ya shule 323 zilizopo Mkoa wa Pwani zilizo kundi la
wanafunzi chini ya 40. na kushika nafasi ya 33 kitaifa kati ya shule 6726.
Aliendelea kusema kuwa shule ya Sirajulmunir
Kiwangwa iliyopo kata ya Kiwangwa Halmashauri ya Chalinze, ilikuwa na wanafunzi
8 imeshika nafasi ya 1 kati ya shule 57 zilizopo Halmashauri ya Chalinze kwenye
kundi lenye wanafunzi chini ya 40 huku ikishika nafasi ya 7 Mkoa wa Pwani kati
ya shule 323 na nafasi ya 137 kitaifa kati ya shule 6726.
Mwarabu Piyalla alisema shule ya Sirajulmunir imepata
wastani wa 221.8333 huku Sirajulmunir Kiwangwa ikiwa na wastani wa 210.7500.
Aidha, alitumia nafasi hiyo kumshukuru
Mwenyezimungu kwa hatua hiyo huku akiwapongeza walimu kwa kazi nzuri wazazi na
walezi kwa ushirikiano wao na viongozi wa Taasisi inayomiliki shule hizo kwa
juhudi zao za kuhakikisha shule hizo zinaendelea kutoa elimu kwa vijana.
Shule za Sirajulmunir zinamilikiwa na Taasisi ya
Sirajulmunir Islamic Center yenye makao yake Makuu Majani mapana mjini Bagamoyo.
Shule ya Sirajulmunir Bagamoyo ina jumla ya
wanafunzi 265 na Sirajulmunir Kiwangwa ina jumla ya wanafunzi 132 ambapo Meneja
Mwarabu Pyalla alitoa kwa wazazi na walezi kuwahi mapema kuchukua fomu za
kujiunga na shule hizo ambazo zina walea watoto kiroho na kimwili na kuwajenga
katika misngi ya maadili mema itakayosaidia katika ngazi ya familia, jamii na
Taifa kwa ujumla.
Kwa mawasiliano na shule za Sirajulmunir unaweza
kuwasiliana kwa namba za simu +255(0)712436036 au +255(0)719569037.
Matokeo ya mtihani wa kuhitimu elimu ya msingi (darasa la saba) kwa mwaka
2018 yametangazwa leo Oktoba 23 2018, ambapo matokeo yanaonyesha ongezeko la
ufaulu kwa asilimia 4.76% tofauti na ufaulu wa 2017 ambao ulikuwa asilimia
72.76%.
Akitangaza matokeo hayo, Katibu Mkuu wa Baraza hilo, Dkt. Charles Msonde,
amesema katika tathmini ya awali kiwango cha ufaulu kimepanda kwa asilimia 4.9%
ikilinganishwa na 2017, amesema pia kiwango cha ufaulu wa somo la Kiingereza
uko chini sana tofauti na masomo mengine (50%).
NECTA pia limewafutia matokeo watahiniwa 357 waliobainika kufanya
udanganyifu kwenye mitihani iliyofanyika mwaka huu 2018.
“Baraza limezuia kutoa matokeo ya watahiniwa zaidi 100 kutokana na kuugua
kipindi cha mtihani na kuwapa fursa ya kufanya mtihani huo mwaka 2019,” amesema
Msonde.
Picha inayo onesha matokeo ufaulu kwa kila
mwanafunzi kwa shule ya Sirajulmunir Bagamoyo.
Picha inayo onesha matokeo ufaulu kwa kila
mwanafunzi kwa shule ya Sirajulmunir Kiwangwa.
Kuangalia matokeo ya jumla kwa shule zote nchi nzima bonyeza hiyo link chini.
No comments:
Post a Comment