RIDHIWANI KIKWETE AWATAKA VIONGOZI CHALINZE KUSHIRIKIANA.

 MBUNGE wa Jimbo la Chalinze wilaya ya Bagamoyo Mkoa wa Pwani Ridhiwani Kikwete akizungumza na wananchi wa Kitongoji cha Malivundo Kata ya Pera katika Jimbo la lake.

...........................

Na Omary Mngindo,CHALINZE.

MBUNGE wa Jimbo la Chalinze wilaya ya Bagamoyo Mkoa wa Pwani Ridhiwani Kikwete, amewataka viongozi ngazi mbalimbali kuendelea kufanyakazi kwa pamoja, lengo kuwaondolea changamoto inayowakabili wananchi.

Ridhiwani ametoa rai hiyo akiwa katika Kitongoji cha Malivundo Kata ya Pera, baada ya kupokea malalamiko kutoka kwa wapigakura wake waliolalamikia kutokamilika kwa miradi iliyoanzishwa kwenye eneo lao.

Akiwa katika kitongoji hicho,  wananchi walilalamikia kutomaliziwa kwa zahanati, na shule ambazo tangu ziibuliwe mpaka sasa hazijaendelezwa kwa maana ya kubaki kama magofu.

"Hapa katika eneo letu kuna miradi ya zahanati na shule ambazo tangu ziibuliwe na kuanza mchakato wake, mpaka sasa hazijaendelezwa, kero kubwa sekta ya afya," alisema Juma Issa.

Akizungumzia hilo, Ridhiwani alielezea masikitiko yake ya kutoendelezwa kwa miradi hiyo, ambapo kwa upande wake ahadi alizoziahidi amezitekeleza, akiitaja mifuko 50 ujenzi wa zahanati, mifuko 20 kwenye sekta ya elimu, sanjali na kujenga ofisi.

"Binafsi ahadi ambazo nimeziahidi nimezikamilisha, niliahidi saruji kifuko 50 ya ujenzi wa zahanati nimeleta, mifuko 20 upande wa elimu nimekabidhi pia niliahidi kujenga ifisi ya kijiji ile pale imekamilika, iliyobaki ni ahadi za kiilani ambazo zinaendelea kufanyiwakazi," alisema Ridhiwani.

Aidha alisema kuwa zahanati hiyo ataisimamia na kwamba itakamilika kabla ya mwaka 2020, huku akigusia umeme na miundombinu ya Barabara kutokea njiapanda ya kwa Mwarabu mpaka Malivundo.

Mkazi Idd Fuko wa Kitongoji cha Pingo alilalamikia kusuasua kwa umaliziwaji wa zahanati ya Pingo, ambapo alisema wamepata taarifa kwamba kimetengewa kiasi cha shilingi milioni 10 lakini kimesimama kwa muda mrefu pasipokumaliziwa.

Akijibia hill, Ridhiwani alisema kwamba zahanati hiyo itakamilika kabla ya 2020 na kuanza kazi ya kuhudumia wananchi, huku akiongeza kuwa kukamilika kwake kutasaidia kupunguza vifo vinavyotokana na ajali kwenye maeneo hayo.

"Kukamilika kwa zahanati ya Pingo kutasaidia kupunguza Vigo vya watu wanaopatwa na ajali, kikianzakazi kutakuwepo na huduma yaa kwanza ambayo kwa kiasi kikibwa kitaweza kusaidia kupunguza vifo," alimalizia Ridhiwani.

Wananchi wa kitongoji cha Malivundo kata ya Pera wakati wakimsubiri Mbunge kabla ya kufika ambapo alifika na kuwahutubia. 

Picha zote na Omary Mngindo