DKT. KAWAMBWA ASEMA SERIKALI INAENDELEA KUBORESHA BARABARA ZETU

 MBUNGE wa Jimbo la Bagamoyo Mkoa wa Pwani Dkt. Shukuru Kawambwa akizungumza na wananchi wa Kitongoji cha Amani kata ya Kerege jimboni kwake.

 
MBUNGE wa Jimbo la Bagamoyo Mkoa wa Pwani Dkt. Shukuru Kawambwa akizungumza na wananchi wa Kitongoji cha Amani kata ya Kerege jimboni kwake.
.......................................................... 

Na Omary Mngindo, Kerege Bagamoyo.

MBUNGE wa Jimbo la Bagamoyo Mkoa wa Pwani Dkt. Shukuru Kawambwa, amesema kuwa Serikali inaendele kuboresha miundombinu ya barabara, hali inayowezesha watu kusafiri kila kona ya nchi pasipokulala njiani.

Dkt. Kawambwa ametoa kauli hiyo Kitongoji cha Amani, Kata ya Kerege akizungumza na wananchi kwenye ziara yake ya kikazi, lengo kupokea changamoto kisha kuziwasilisha bungeni kwenye kikao kitachoanza mwanzoni mwa mwezi Novemba.

Kauli ya Dkt. Kawambwa imekuja baada ya mkazi Issa Ally kulalamikia miundombinu ya barabara, ambapo hata hivyo mkazi mwingine Kassimu Juma aliishukuru serikali kwa jitiihada inazozionesha katika sekta hiyo, huku akisema hali ya sasa tofauti na awali.

"Kwa sasa tunashukuru hali ya barabara yetu sio kama ilivyokuwa hapo awali, angalau inapitika, tunaishukuru Serikali isipokuwa iongeze bidii ituwekee kokoto ili iwe nzuri zaidi," alisema Juma.

Akizungumzia barabara, Dkt. Kawambwa alisema kwamba serikali inaendelea na uboreshaji wa miundombinu ya barabara katika vijiii na vitongoji vyote ili ziwe na ubora wakati wote.

"Serikali yenu inaendelea na juhudi za uboreshani wa miundombinu, hivi sasa hakuna abiria anayelala njiani kwa ajili ya shida ya usafiri, labda apende mwenyewe, barabara za ndani na kwenda nje ya nchi zinapitika vizuri wakati wote," alisema Dkt. Kawambwa.

Mkazi mwingine aliyejitambulisha kwa jina la Idd Idd alilalamikia umeme akisema waliahidiwa umeme kupitia Mradi wa usambazaji umeme vijijini  (REA), kwa sasa tunashuhudia mafundi wa Tanesco wakisimika nguzo kinyume cha taarifa waliyopewa awali.

Dkt. Kawambwa alisema kuwa aliorodhesha vijiji na vitongoji vyote wakati wa Sospeter Muhongo, akahakikishiwa vitapatiwa umeme huo, lakini pamoja na yeye kutokuwepo, ufinyu wa fedha umesababisha kutotimizwa kwa ahadi hiyo.

"Tuendelee kuiunga mkono Serikali yetu ya awamu ya Tano chini ya Rais Dkt. John Magufuli inavyoendeleza yaliyoachwa na waliotangulia, katika kuhakikisha tatizo la umeme linabaki historia, kuna mradi mkubwa wa umeme wa Maporomoko ya maji Mto Rufiji," alisema Mbunge hiyo.

Wananchi wa Kitongoji cha Amani kata ya Kerege wakimsikiliza Mbunge wa Jimbo la Bagamoyo Dkt. Shukuru Kawambwa alipofanya ziara katika kata hiyo.

 

Madiwani wa viti maalum wakimsikiliza Mbunge, kulia ni Shumina Rashidi na kushoto ni Togo Omari Hega.

Picha zote na Omary Mngindo.