CCM YASHINDA KITI CHA MWENYEKITI WA HALMASHAURI MONDULI

CHAMA Cha Mapinduzi CCM kimeshinda kwa kishindo katika uchaguzi wa mwenyekiti wa Halmashauri ya wilaya ya Monduli mkoani hapa baada ya aliyekuwa  mgombea wa wa nafasi hiyo kwa tiketi ya CHADEMA Rita Mona kujitoa kwenye kinyang’anyiro hicho.

Na Ahmed Mahmoud Arusha

 

Licha ya Rita diwani wa kata ya Monduli Mjini Issac Kopriano maarufu kwa jina la kadogoo alikuwa anawania nafasi hiyo kwa tiketi ya CCM.

Pia makamu mwenyekiti ameshinda kwa kishindo baada ya mpinzani wake Fadhili Mbwambo diwani wa kaya ya Majengo (CHADEMA)kujitoa ukumbini wakati akiomba kura.

Baada ya wagombea hao wawili kujito kwenye kinyang’anyiro hicho msimamizi wa uchaguzi huo ambaye pia ni mkurugenzi wa halmashauri ya wilaya ya Monduli Steven Ulaya alisema kwa mujibu wa kanuni lazima zipigwe kura za ndiyo na hapa.

Kufuatia agizo hilo madiwani wa 23 wa vyama vya CHADEMA na CCM walipiga kura ambapo madiwani tisa wa CHADEMA walimpigia Kadogoo kura za ndiyo na kuibuka na ushindi wa kishindo wa kura 23 kati ya kura zote 23 zilizopigwa.

Kwa upande wa nafasi ya  makamu mwenyekiti wa halmashauri CCM  ilishinda kwa kishindo baada ya diwani wa kata ya Naalarami  Edward Lenanu kupata kura 22 kati ya kura 23 zilizopigwa baada ya kura moja kuharibika.

Akizungumza mara baada ya kutangazwa mshindi Kadogoo aliishukuru CCM kwa kuendelea kumwamini na kumteua kugombea nafasi ya udiwani kwenye uchaguzi mdogo wa marudio ambapo alipita bila kupingwa na kufanikiwa kuwa diwani wa kata hiyo.

Kadogoo aliwataka wananchi,madiwani wa Monduli  pamoja na watumishi wa halmashauri ya Monduli kuweka tofauti zao pembeni na kusimamia ajenda moja tuu ya maendeleo.

“Niwaombe wana Monduli wimbo wetu wa kila siku uwe ni maendeleo popote tutakapokuwa ili tuweze kwenda na kasi ya rais Dk John Magufuli ya kuhakikisha wananchi wanapata maendeleo ya dhati”.