WAKULIMA 700 WA KOROSHO LINDI HAWAJALIPWA FEDHA ZAO.

Picha hii kutoka maktaba yetu.

NA HADIJA HASSAN- LINDI.

ZAIDI  ya Wakulima 700 wa Zao la Korosho kutoka Chama cha Msingi Cha Ushirika Mtua na Kiwalala AMCOS vya chama Kikuu cha ushirika Lindi Mwambao,  Halmashauri ya Wilaya ya Lindi Mkoani humo hawajalipwa fedha zao Licha ya Serikali  kuahidi mpaka ifikapo  Tarehe 31 mwezi machi 2019 itakuwa imelipa fedha zote kwa wakulima hao

Hayo yameelezwa kwa nyakati tofauti na waandishi wakuu wa vyama  hivyo  katika ofisi zao walipokuwa wanazungumza na BAGAMOYO KWANZA BLOG jana Aprili 2 ilipotembelea kijijini hapo

Akizungumza na Bagamoyo kwanza Blog  mwandishi wa chama cha msingi cha ushirika  Kiwalala AMCOS Mshamu Chindamba alisema kuwa  katika msimu wa mauzo wa mwaka 2018/19 chama chake kilikusanya jumla ya kg 517,953 ambapo kati ya hizo kg 294,546.19 sawa na tsh. 972,002,427 zililipwa kupitia mfumo wa serikali na kg 10,000 zilinunuliwa na wahindi katika mnada wa kwanza

Hata hivyo alisema kati ya hizo kg 111,160 za wakulima wa kilo chini ya kg 1500 sawa na tsh. 336,830,678 na kg 102,246 sawa na sh. 337,411,800 za wakulima wenye kilo zaidi ya kg 1500 hawajalipwa 

Nae mwandishi Mkuu wa chama cha Msingi Mtua Amcos Abdallah Chikapoka  alisema kuwa katika msimu wa mauzo 2018/19 Chama chao kilikusanya jumla ya   korosho  kg. 558,939 ambapo kati ya hizo kg 50,000 ziliuzwa  katika minada ya wahindi na kg.508,939 ziliingizwa kwenye mfumo wa malipo ya Rais sawa na thamani ya sh.1,679,498.700

Chikapoka alisema kati ya hizo kg 431,288 zenye thamani y ash.1,423,250.400 zililipwa  huku kg77,651 sawa na tsh. 256,248,300 zikiwa bado hazijalipwa ambapo kati ya hizo tani 1162 za wakulima wenye kilo chini ya 1500 na kg. 76489 ni za wakulima walio na kilo zaidi ya 1500

Awali wakizungumza na BAGAMOYO KWANZA BLOG baadhi ya wakulima wa zao hilo wakazi wa Kata ya Kiwalala na kijiji cha Mtua Halmashauri ya Wilaya ya Lindi Mkoani humo Daudi Namteka, Rukia Maarifa, Abdalla Ndambilejao  na Esha Abdallah wameonyesha kusikitishwa juu ya ahadi zinazotolewa  na viongozi wa Serikali juu ya malipo ya korosho zao

“ mwaka huu hali ya hewa haikuwa mzuri sana kama miaka ya nyuma hivyo sikupata korosho nyingi nilipata kama Tani 9.5 hivi kati ya hizo tani 1.5 niliuza katika chama cha msingi Mandwanga AMCOS na kg 8880 niliuza katika chama cha msingi Kiwalala Amcos ambazo mpaka sasa sijapata fedha zangu zote kinachonisikitisha mpaka sasa hivi kutokana na tamko la Serikali lililotolewa na waziri wa kilimo wiki mbili zilizopita tulipewa matumaini kwamba fedha ipo na mpaka tarehe 31 mwezi machi wakulima wote tutakuwa tumeshalipwa fedha zetu lakini mimi mpaka jana nilienda Bank kuangalia salio lakini sijakuta kitu chochote  wala sijajua tatizo lipo wapi ?sasa sisi wakuliam tumebaki na maswali yasiyokuwa na majibu yake” Alisema Abdallah Mshamu

“Nimeuza korosho zangu toka tarehe 26 mwezi wa 11 adi leo hii sijalipwa ela yangu , shamba langu chafu mimi mwenyewe hali yangu ya maisha ni ngumu maana nilikuwa nategemea hiyo ela nifanyie mpango mingine ya kupatia fedha ili niendeshe maisha yangu alafu nashangaa watu wenye kilo kidogo walisema tutalipwa mapema lakini mimi sijalipwa mpake leo na kilo zangu hazijazidi hata kilo 1500 tatizo hili liko wapi ? nimechoka kumaliza maliza nauli kufuatilia ela yenyewe hiyo” Alieleza Rukia Maarifa

“Mara ya kwanza waziri Mkuu kasimu majaliwa alisema mpaka tarehe 15 mwezi wa pili wakulima wote watakuwa wamelipwa fedha zao tulivumilia tukawa watulivu tarehe hile ikapita juzijuzi waziri wa kilimo nay eye akatoa kauli yake kwamba mpaka tarehe 31 mwezi wa tatu wote tutakuwa tumelipwa rohozetu zikawa kwatuuuu kusuburi siku hiyo lakini mpaka inapofikia leo hatujalipwa sasa tunaanza kukosa imani na serikali yetu tunajua nia ya Rais wetu ilikuwa mzuri lakini huwenda watendaji wake hawafanyi vizuri” Alifafanua  Abdallah Ndamilejao

Ukistaajabu ya musa utayaona ya filauni wakati BAGAMOYO KWANZA ipo katika pita pita zake ikamkuta kikongwe aliekaa zaidi ya masaa saba katika chama cha mtua AMCOS akiwashinikiza viongozi wa Chama hiko kumlipa fedha zake za korosho

“Hapa nimekuja kwa wakuu wa hapa wanilipe ela zangu tu maana nimechoka kuzungushwa mpaka sasa  nimeshaenda Lindi mara kumi na mbili Bank kufuatilia malipo yangu lakini naambiwa nije kwa viongozi wangu wa chama , kila nikienda kule natumia nauli tena nakopa kwa majirani mpaka sasa imeshafika laki moja ambayo nadaiwa sasa si ela yenyewe yote mwisho nikalipa madeni tuu mimi” aleelezea Esha Abdallah

Hata hivyo kufuatia kuchelewa kwa malipo ya wakulima wa korosho Rais Magufuli alipokuwa akizungumza na wakazi wa Mkoa wa Mtwara jana aprili  O2, 2019 alitoa siku tano kwa wizara ya kilimo kuhakikisha inawalipa wakulima wote wa korosho

   
Mwandishi Muu wa chama cha msingi cha ushirika  Kiwalala AMCOS, Mshamu Chindamba alipokuwa anazungumza na Mwandishi wa habari hizi ofisini kwake.

 Mkazi wa kijiji cha Mtua Halmashauri ya wilaya ya Lindi Mkoani Lindi,  Esha Abdallaah , akionyesha stakabadhi ya kuwasilisha  korosho  zake katika chama cha msingi Mtua AMCOS 

PICHA NA HADIJA HASSAN WA BAGAMOYO KWANZA BLOG-LINDI