ASKARI MAGEREZA ANASWA NA PEMBE ZA NDOVU JIJINI DODOMA

Kamanda wa Polisi Mkoa wa Dodoma, Kamishna Msaidizi Mwandamizi wa Polisi, (SACP) Gilles Muroto akionesha Pembe za Ndovu kwa  waandishi wa habari (hawapo pichani) leo Aprili 03, 2019 jijini hapa walizozinasa kutoka kwa askari magereza  wa gereza la Msalato A.8070 SSGT Cosmas Ndasi (51)

 

Kamanda wa Polisi Mkoa wa Dodoma Kamishna Msaidizi Mwandamizi wa Polisi, (SACP) Gilles Muroto akiongea na waandishi wa habari (hawapo pichani) leo Aprili 03, 2019 jijini hapa  wakati akitoa taarifa mbalimbali za matukio.

..................................

Na.Alex Sonna,Dodoma

Askari Mageraza wa gereza la Msalato A.8070 SSGT Cosmas Ndasi (51) anashikiliwa na jeshi la polisi kwa tuhuma za kukutwa na pembe za ndovu vipande  sita vyenye thamani ya sh 103.5 milioni.

Kamanda wa Polisi mkoa wa Dodoma Gilles Muroto akiongea na waandishi wa habari leo jijini hapa amesema kuwa mtuhumiwa huyo alikamatwa April mosi mwaka huu katika mtaa wa Kilimani  akiwa na vipande hivyo vya pembe vyenye uzito wa kilogramu 13 sawa na tembo watatu.

“Tulitengeza mtego na Askari huyo akanasa na  kumkamata akiwa ameficha kwenye mfuko vipande vya pembe za ndovu kwa ajili ya kumsubiri mteja ili kufanya mauzo,” amesema Muroto.

Katika tukio jingine  Muroto amesema kuwa  wanamshikilia Ambokile Mwampulo (32) kwa tuhuma za kujifanya afisa usalama wa Taifa na kudanganya watu ili kujipatia fedha.

Aidha amesema kuwa  mtuhumiwa alikamatwa machi 26,2019 jijini hapa akiwa na nakala za vyeti 15 vya watu mbalimbali, barua tatu za maombi ya ajira za watu tofauti na nakala ya leseni moja.

“Kabla ya kukamatwa alijipatia fedha kiasi cha sh 950,000 kutoka kwa watu wawili ambapo mmoja alimpatia 550,000 na mwingine alitoa 400,000 lengo ni kupatia ajira. Watuhumiwa wote watafikishwa mahakamani upelelezi utakapokamilika,” alisema.

Hata hivyo Muroto ametoa wito kwa wananchi kuwa Serikila ina taratibu na mifumo yake ya kuajiri na si kutumia watu au vishoka hivyo amewataka kujihadhari na matapeli wa aina yeyote.

Wakati huo huo Muroto amesema kuwa  wanamshikilia Mohamed Hamis kwa tuhuma za kujipatia magari mawili kwa njia ya udanganyifu.

Kamanda ameyataja  magari hayo kuwa ni Toyota land cruser V-8 lenye namba zausajili T 366 BRX rangi nyeusi na Toyota aina ya NOAH yenyeno za usaji T 581 DKS ambayo yaliibiwa jijini Dar salaam mwaka 2017.

“Wakati matukio hayo yanatokea mtuhumiwa alijitambulisha kwa mwenye magari kuwa ni afisa wa usalama anahitaji magari kwa ajili ya kazi maalum ambapo aliandika mkataba wa kukodi magari hayo na alipoyapata alitoweka hadi alipokamatwa,” amesisitiza

Na mtuhumiwa pamoja na  magari hayo atapelekwa jijini  Dar es salaam alikoshitakiwa na atafikishwa mahakamani kujibu tuhuma zinazomkabili

Kamanda wa Polisi Mkoa wa Dodoma Kamishna Msaidizi Mwandamizi wa Polisi, (SACP) Gilles Muroto, akionesha nakala za vyeti 15 vya watu mbalimbali, barua tatu za maombi ya ajira za watu tofauti na nakala ya leseni moja ambazo zimekamatwa zikiwa na mtuhumiwa Ambokile Mwampulo (32) aliyejifanya Afisa usalama wa Taifa na kudanganya watu ili kujipatia fedha kwa waandishi wa habari (hawapo pichani) leo Aprili 03, 2019 jijini Dodoma.

Picha na Alex Sonna-Fullshangwe blog

CHANZO: FULL SHANGWEBLOG.