DC. KISARAWE APIGA MARUFUKU UENDESHAJI WA SHUGHULI ZA KIJAMII KTK HIFADHI ZA MISITU

Mkuu wa Wilaya ya Kisarawe Jokate Mwegelo akiwa anasisitiza jambo mara baada ya kuwapokea wageni mbali mbali kutoka Compasesion na viongozi wa dini ambao walifika kwa ajili ya zoezi la upandaji wa miti ikiwa ni  wiki ya kuadhimisha miaka 20 ya shirika hilo.

Mkuu wa Wilaya ya Kisarawe Jokate Mwegelo wa kushoto wakipanda mti kwa pamoja na viongozi kutoka shirika la Compasesion pamoa na viongozi wengine wa dini kutoka KKKT.

Mkuu wa Wilaya ya Kisarawe Jokate Mwegelo kushoto aliyeshika jembe akifukia udongo katika moja ya shimo baada ya zoezi la upandaji wa miti ambalo lilifanywa kwa kushirikiana na viongozi wa dini pamoja na shirika la Compasesion nje kidogo na eneo la ofisi yake.

.......................................

NA VICTOR MASANGU, KISARAWE   

MKUU wa Wilaya ya Kisarawe Jokate Mwegelo amekemea na kupiga marufuku kutofanya kwa  shughuli zozote za kijamii na kiuchumi kwa  baadhi ya makundi ya watu ambao wamekuwa na tabia ya kuvamia hifadhi  za misitu  kwa  kukata miti ovyo hali ambayo inapelekea ukosefu wa kupata  mvua, mmomonyoko wa udongo pamoja na kusababisha uharibifu mkubwa wa  mazingira.

Agizo hilo ametoa  wakati wa zoezi la upandaji wa miti lililoandaliwa na Taasisi isiyokuwa ya kiserikali ya (COMPASESION)  ikiwa wiki ya  sherehe za kuadhimisha miaka yao 20 kwa lengo  la kuboresha mazingira kwa  kupanda miti katika maeneo tofauti ili kusaidia  kurudisha uoto  wa asili ambao hapo awali  ulikuwa umeanza kupotea.

Aidha Mkuu huyo alibainisha kwamba kwa sasa katika Wilaya ya kisarawe kwa kipindi cha kuanzia mwezi machi hadi Aprili mwaka huu wameshafanikiwa kupanda miti elfu 30 katika  maeneo mbali mbali ikiwemo hifadhi ya msitu wa kazimzumbwi,Pugu,pamoja na kwenye mradi wa ujenzi wa shule ya bweni ya wasichana.

Kwa upande wake Meneja wa Shirika la  Compasesion Kanda ya mashariki ambalo ndio limeratibu zoezi  hilo la upandaji wa miti  Shifa Mwagisa alibainisha kuwa lengo lao kubwa ni kuunga mkono juhudi za serikali ya awamu ya tano katika kuboresha na kuhifadhi mazingira pamoja na kuwasaidia watoto ambao wanaishi katika mazingira magumu.

Pia meneja huyo alibainisha kwamba mikakati yao ni kuendelea kushirikiana bega kwa began a serikali ya awamu ya tano pamoja na wadau wengine wa maendeleo kwa lengo la kuhifadhi mazingira yasiweze kufanyiwa uharibifu wowote ikiwemo pamoja na kuwasaidia watoto ambao wanatoka katika familia ambazo ni masikini.

Naye  Meneja wa wakala wa huduma za misitu  Tanzania (TFS) Wilaya ya Kisarawe Nanzia Shedula alisema changamoto  kubwa wanayokabiliana nayo ni wananchi  kuharibu mazingira kwa kuchoma miti  na kuikata kwa ajili ya matumizi ya mkaa, huku mchungaji wa kanisa la kiinjili  la Dayosisi ya mashariki na Pwani Jimbo la kusini magharibi (KKKT) hakusita kutoa kilio chake juu ya ukataji wa miti. 

“Lengo letu kubwa ni kuendelea kuhakikisha kwamba mazingira tunayatunza kwa hali na mali lakini changamoto kubwa ni baadhi ya wananchi kuvunja sheria na taratibu kwa kuamua kuchoma miti ovyo pamoja na kukata miti kwa ajili ya matumizi ya mkaa lakini kwa sasa hali hii tunajitahidi kuweza ulinzi wa kutoka katika maeneo ya hifadhi zetu ili kudhibiti hali hii,”alisema Nanzia.

 SHIRIKA hilo la  Compasesion katika kutimiza miaka yake 20 tangu kuanzishwa imeweza kuendesha shughuli mbali mbali za kijamii katika Wilaya ya Kisarawe ambapo imepanda miti zaidi ya 1500 katika maeneo ya Ofisi ya Mkuu wa Wilaya, Hospitali, Kanisa la KKKT, pamoja na hifadhi ya msitu wa Kazimzumbwi.

Meneja wa wakala wa huduma za misitu  Tanzania (TFS) Wilaya ya Kisarawe Nanzia Shedula wa kulia akiwa na viongozi wengine wa dini pamoja na shirika la Compasesion wakiwa wanajiandaa kwa ajili ya kupanda mti katika hospitali ya Wilaya ya Kisarawe.

Viongozi wa dini kutoka KKKT wakiwa na baadhi ya viongozi wengine wa shirika la Compasesion wakiwa katika picha ya pamoja mara walipomaliza kupanda miti katika hospotali ya Wilaya ya Kisarawe.

Baadhi ya viongozi mbali mbali wa shirika la Compasion pamoja na viongozi wengine wa dini kutoka KKKT wakiwa katika picha ya pamoja na Mkuu wa Wilaya ya Kisarawe Jokate Mwegelo mara baada ya kumalizika kwa zoezi la upandaji wa miti.

(PICHA ZOTE NA VICTOR MASANGU)