Viwanda vya sayona, Elven agri wajipanga kutumia fursa za soko la SADC

Na Selemani Magali, Daresalaam.

Kiwanda cha Sayona pamoja na kiwanda cha Elven Agri cha mapinga Bagamoyo wazalishaji wa chakula asilia cha matunda vimeelezea mikakati yao ya kulitumia soko la umoja wa Nchi za SADC.

Akizungumza na ujumbe wa SADC uliotembelea viwanda hivyo hivi karibuni, meneja mauzo na masoko wa Kampuni ya Elven Agri, Bw Brij Bhayare amesema sasa wataanza kuangalia soko la nchi hizo ili kukuza biashara yao.

Amesema toka kuzinduliwa kwa Kampuni hiyo na Rais wa awamu ya Tano, Mh John Pombe Magaufuli mwaka 2017, kampuni hiyo imekuwa ikiuza bidhaa zake nje ya Mipaka ya Tanzania pamoja na soko la ndani ya Nchi.

“Tumekuwa tunauza bidhaa zetu katika masoko ya Marekani, Ulaya na Japani, lakini pia tunauza sana katika supermarkets za hapa Tanzania, tutaangalia pia soko hilo la SADC,” Alisema Brij

Kampuni hiyo kwa sasa inazalisha bidhaa za kusindikwa za matunda ya maembe, mananasi, na Ndizi mbivu na kwa siku wanapokea tani laki tatu za matunda.

Amesema wametoa ajira zilizo rasmi na zisizo rasmi kwa wakazi wa Mapinga Bagamoyo Tanzania lakini pia kupokea matunda mengi kutoka kwa wakulima.

Kwa upande wake Mkuu wa kitengo cha mawasiliano wa Kampuni ya mitisum group watengenezaji wa vifaa vya ujenzi na vinywaji aina ya sayona amesema mkutano wa 39 wa wakuu wa Nchi za Jumuiya ya maendeleo kusini mwa africa (SADC) utatoa fursa ya kuongeza masoko katika nchi hizo.

Akizungumza na waandishi wa habari jana ,Lugoba Chalinze Mkoani wa Pwani mara baada ya ziara fupi iliyofanywa  na baadhi ya wajumve wa SADC katika kiwanda hicho, Mlawa alisema kauli ya aerikali ya awamu ya tano ya kujenga viwanda nchini itakamilika kutokana na mkutano huo utakaofanyika nchini.

Mlawa alisema ili kusambaza bidhaa zao katika nchi za SADC ,hivi sasa wanejipanga kujenga soko lingine mkoani Mbeya ili iwe rahisi kwa usambazaji.

Alisema hivi sasa wanasambaza bidhaa zao katika nchi ya Msumbiiji na Malawi na wanampango wa kupeleka nchini Ghana.

""Ndio maana tunasema kuwa mkutano huu utakuwa na fursa kubwa kwa sisi wenyeviwanda kuweza kusambaza bidhaa zetu kwa urahisi katika nchi za SADC"alisema Mlawa.

Naye Mkurugenzi Mratibu wa Kiwanda hicho,Laurance Manyama alisema ,asilimia 95 ya wafanyakazi ni wazawa na asilimia iliyobaki ni wataalamu kutoka nje ambao wanawafundisha wazawa.

Manyama alisema kiwanda chao kinachukua matunda kutoka kwa wakulima nchini zaidi ya tani laki tatu kwa siku.

Wakati huohuo,Wakili wa Serikali Godfrey Nyamsanda ,aliueleza uongozi wa kiwanda hicho kutengeneza bidhaa zilizo na ushindani katika soko la SADC.

"Hii ni fursa kubwa kwa viwanda vya Tanzania kupata masoko katika nchi za SADC tumieni fursa hiyo kwa kuzalisha bidhaa zilizo bora"alisema Nyamsanda