D.C. BAGAMOYO AWAONYA WATUMISHI WA SERIKALI WANAOKWEPA USAFI.

Mkuu wa wilaya ya Bagamoyo, Majid hemed Mwanga.

................................................................................................................................

Watumishi wa serikali wilayani Bagamoyo wanaokwepa kufanya usafi  wa mazingira kwa pamoja, wametakiwa kuacha tabia hiyo vinginevyo watafute wilaya nyingine.

Kauli hiyo imetolewa na mkuu  wa wilaya ya Bagamoyo, Majid Hemed Mwanga alipokuwa akizungumza na wananchimara baada ya kumaliza kufanya usafi leo katika mji wa Bagamoyo.

Majid alisema kuwa swala la kufanya usafi wa mazingira  ni swala la kitaifa  kutokana na agizo la mheshimiwa Rais Magufuli hivyo kukwepa zoezi hilo ni kukwepa agizo la Rais na kuongeza  kuwa, yeye hatavumilia  kumuona mtumishi anakaidi amri halali ya serikali.

Aidha, ameonya piya tabia ya watumishi wa serikali kukaidi maagizo mbalimbali yanayotolewa na wenyeviti wa vitongoji na kusema kuwa hao ndio viongozi wa serikali ngazi ya mitaa wanapaswa kuheshimiwa.

Majid ameyasema hayo  kufuatia taarifa ya aliyopewa kuwa baadhi ya watumishi  wa serikali katika mitaa wanayokaa hawataki kuchangia gharama  za kusafirisha taka utaratibu  ambao umewekwa na serikali za vitongoji  katika kukabiliana  na tatizo  la uchafu, kwa kuzingatia kuwa Halmashauri ya Bagamoyo haina gari za kutosha kusafirisha taka.

Amemuagiza Afisa utumishi wa Halmashauri ya Bagamoyo kuchunguza watumishi ambao hawataki kutii mamlaka za wenyeviti kwa kuchangia gharama za kusafirisha taka awatoe kwenye nyumba za serikali ili wawekwe watumishi wenye kutii mamlaka.

Aliongeza  kuwa wenyeviti wa vitongoji, watendaji kata na maafisa tarafa ni viongozi halali katika maeneo yao hivyo  maagizo wanayotoa yanapaswa kuheshimiwa bila ya  kujali wewe mkazi wa mtaa huo  una  cheo gani.

"Hata  mimi ninapokaa namuheshimu mwenyekiti wangu wa kitongoji, namuheshimu Mtendaji  kata wangu na Afisa tarafa kwakuwa wao niviongozi halali hivyo nitapokea jambo linalohusueneo langu ninaloishi ili nami nishiriki kama mkazi wa eneo hilo, vipi wewe una mdharau mwenyekiti hata anapokutaka ushiriki kwenye usafi wa mazingira" Alisema mkuu huyo wa wilaya.

Amewataka wenyeviti wa vitongoji kuwakamata watumishi wanaopinga maagizo ya kufanya usafi  ili  kuweka nidhamu  ya  kutii viongozi wa serikali.

Aidha, amewaonya wananchi wenye tabiaya  kukusanya taka na kuziweka bele nyumba bila ya kuzisafirisha ambapo amewataka kufuata utaratibu uliowekwa na wenyeviti wa vitongoji katika kusafirisha taka ili mji ubaki ukiwa safi.

Wakati huo huo Mkuu huyo wa wilaya Bagamoyo amesema kuwa kuanzia sasa usafiwa  pamoja mbagamoyo utafanyika kwa mwezi mara  mbili ili kuuweka mji safi.

Usafi huo wa mazingira mjini Bagamoyo ambao umeongozwa na mkuu wa wilaya, umefanyika  kwa kushirikiana watumishi wa serikali, wananchi, wakawaida,  wafanyabiashara, taasisi  mbalimbali za serikali wakiwemo jeshi la magereza, jeshi  la Polisi, Mamlaka ya Maji safi na maji taka DaresSalaam (DAWASA), Shirika la maji safi na maji taka Dar es Salaam, (DAWASCO) Mfuko wa Taifa wa Bima ya Afya, (NHIF) na wadau mbalimbali wa usafi wilayani Bagamoyo.

Wafanyakazi wa DAWASA wakimsikiliza mkuu wa wilaya ya  Bagamoyo, Majid Hemed Mwanga.

 

Askari wa jeshi la magereza wakimsikiliza mkuu wa wilaya ya Bagamoyo alipokuwa akiwahutubia  wananchi katika uwanja wa shule ya msingi Majengo mara baada ya kufanya usafi wa mazingira.