BENKI YA AMANA YAZINDUA HUDUMA MPYA YA KUKUSANYA NA KUGAWA ZAKA NDANI YA BENKI HIYO.

Kulia ni Naibu katibu  mkuu wa umoja wa wanazuoniwa kiislamu tanzania, Sheikh Muhammad Issa, na kushoto ni mkurugenzi wa Benkiya Amana, Dkt. Muhsini Masoud wakifungua pazia ikiwa ni ishara ya kuzindua rasmi huduma ya zaka katika Benki ya Amana.

............................................

Benki ya Amana imezindua huduma mpya ya kukusanya na kugawa zaka ili kuwarahishia wateja wake kuweza kutekeleza ibada ya Zaka ambayo ni nguzo ya tatu katika uislamu, lakini piya utekelezaji wake ni amri kutoka kwa Mwenyezimungu Subhaanahu Wataala.

Akizungumza katika uzinduzi huo, Mkurugenzi wa Benki ya Amana Dkt. Muhsini Masoudi amesema Benki inayofuata misingi ya kiislamu inapaswa kufanya shughuli zake kwa uwazi na uadilifu ili kujenga uaminifu kwa wateja wake.

Alisema hudumua hiyo mpya katika Benki hiyo inayofuata sheria ya uislamu itamuwezesha mteja kufanya hesabu ya kiasi anachotakiwa kutoa  zaka ambapo benki hiyo kupitia Bodi ya Sharia  itasimamia namna ya kugawa  zaka hiyo  kwa makundi yanayohusika kwa mujibu wa mafundisho ya  uislamu.

Aidha, alisema kufuatia huduma hiyo tovuti ya Benki ya Amana imeweka sehemu ya kufanyia hesabu kuhusu  kiwango kinachotakiwa kulipiwa zaka kwa kuingia kwenye (www.amanabank.co.tz/sw/akaunti-ya-akiba-binafsi-zakat-service).

Alisema  katika  kufanikisha huduma hiyo, Benki ya Amana itafungua  akaunti maalum ya zaka na kwamba mara baada ya kuikusanya itagaiwa kwa watu maalum wanaostahiki kupewa kama itakavyoamuliwa na chombo maalum cha kugawa zaka ambacho kitakuwa na wajumbe kutoka Benkiya Amana, Bodi ya Sharia na uwakilishi kutoka kwenye jamii.

Katika kuwatoa wasiwasi wateja wake kuhusu huduma hiyo ya Zaka, Mkurugenzi wa Benki ya Amana Dkt. Muhsini Masoud alisema katika kutekeleza hilo kwa ufanisi,kutakuwa na ukaguzi wa ndani, ukaguzi wa nje pamoja na ukaguzi kutoka Benki kuu ili kuona  ni kiasi ganicha  pesa kimeingia kwenyeakaunti zaka na mgawanyo wake.

Aliongeza kwa kusema kuwa, huduma hiyo ya zaka kwenye Benki ya Amana itawahusu waislamu tu kwakuwa hilo ni jambo la ibada na wateja wasiokuwa waislamu hawataingia kwenye huduma hiyo na badala yake wataendelea kupata huduma zingine kama kawaida.

Kwa upande wake mjumbe Bodi ya Sharia katika Benki hiyo Dkt. Abdallaah Tego alisema tatizo lililopo katika jamii ni uaminifu na ni taasisi gani ambayo  inaweza kusimamia zaka jambo ambalo limekuwa  kikwazo kwa wenye kutaka kutoa zaka.

Alisema Benki ya Amana kwa kuanzisha huduma ya zaka itapelekea waislamu wengi  kutekeleza ibada hiyo ya zaka kwakuwa Benki ni chombo chenye dhamana hali inayopelekea kutokuwa na wasiwasi nayo katika ukusanyaji na ugawaji  wa zaka.

Dkt. Tego alisema lengola zaka ni kuondoa umasikini kwenye  jamii kwa kuangalia makundi yaliyokusudiwa na kwa namna gani  wanaweza kupata mgao wa zaka ili kuondoa tofauti kubwa iliyopo kati ya matajiri na masikini.

Nae naibu katibu mkuu wa Umoja wa wanazuoni wa kiislamu, sheikh  Muhammad Issa alisema zakani swala la kijamii hivyo itakavyotekelezwakwa ukamilifu wake faida itarudi  kwenye jamii na hilo ndilo lengo lazaka.

Alisema zaka ni nguzo ya tatu katika nguzo za kiislamu na kwamba utekelezaji ni amri kutoka kwa Mwenyezimungu Subhaanahu Wataala lakini bado utekelezaji wake upo katika kiwango kidogo.

Ameongeza kwa kusema kuwa kuanzishwa kwa huduma ya  zaka katika Benki hiyo itasaidia waislamu wengi kupata hamasa ya  kuisimamisha nguzo hiyo ya tatu ya uislamu.

Aidha, alisema jamii inahitaji huduma mbalimbali ambapo zaka ikitolewa na kugawanywa katika makundiyake itasaidia katika huduma za kijamii.

Mkurugenzi  wabenkiya Amana, Dkt. Muhsin Masoud akizungumza wakatiwa uzinduzi huo maka makuu ya Benki hiyo jijini Dar es Salaam

Mjumbe wa Bodi ya sharia katika Benki ya Amana, Dkt. Abdallaah Tego akizungumza katika uzinduzi huo.

Sheikh Muhammad Issa akizungumza katika uzinduzi huo

Kushoto ni Mkrugenzi wa Benki ya Amana, Dkt. Muhsin Masoud akizungu mza na waandishi wa habarikatika uzinduzi huo, kulia ni naibu katibu mkuu  wa Umoja wa wanazuoni wa kiislamu Tanzania, Sheikh Muhammad Issa.