SERIKALI YAPELEKA BIL 370 KUKARABATI RELI YA TABORA-MPANDA

By -

 

Na Allan Kitwe, Kaliua


SERIKALI ya Jamhuri ya Muungano wa Tanzania, imetoa kiasi cha shilingi bilioni 379.3 kwa ajili ya kuifanyia maboresho makubwa njia ya reli ya Tabora-Mpanda ili kumaliza kero ya usafiri kwa wananchi.


Hayo yamebainishwa na Meneja wa Mradi huo, Mhandisi Paschal Kashenshe alipokuwa akitoa taarifa kwa Wajumbe wa  Kamati ya Siasa ya Mkoa waliotembelea mradi huo 


Alisema kuwa mradi huo wa MGS (Meter Gauge Railway) unaanzia Wilaya ya Kaliua kwenda Mpanda ukihusisha uwekaji reli mpya ya zege yenye urefu wa km 210 za njia kuu na km 8 za kupishana.


‘Lengo la mradi huu ni kuongeza uwezo wa reli kupitisha tani 18.5 za mizigo kwa ekseli moja kutoka tani 13.5 za sasa, na kuongeza mwendo kasi kutoka km 30 kwa saa hadi 70’, alieleza.


Alieleza kuwa kwa sasa treni hiyo inatumia muda wa masaa 12 kutoka Tabora kwenda Mpanda na masaa 9 kutoka Kaliua hadi Mpanda lakini utakapokamilika itatumia muda mfupi sana.


‘Tayari tumekamilisha ujenzi wa kiwanda cha kutengeneza mataluma ya zege hapa Zugimlole Wilayani Kaliua, mwezi huu mwishoni tunaanza kuzalisha mataluma kwa ajili ya kazi hiyo,’ alidokeza.


Mhandisi Kashenshe alieleza  kuwa lengo la serikali ya awamu ya sita kutoa fedha hizo ni kuhakikisha njia ya reli ya Tabora-Mpanda inakuwa imara na bora zaidi wakati wote.


Akitoa salamu za Chama kwa niaba ya Wajumbe wa Kamati hiyo baada ya kutembelea mradi huo, Mjumbe wa Halmashauri Kuu ya CCM Taifa Jackson Msome aliipongeza serikali kwa kutoa fedha hizo ili kumaliza kero ya wananchi.


Alibainisha kuwa haya ni moja ya matunda ya kazi nzuri inayofanywa na Mheshimiwa Rais Dkt Samia Suluhu Hassan ili kumaliza kero ya usafiri kwa wananchi wanaotumia reli hiyo.




Comments

Post a Comment

Popular posts from this blog

DIWANI WA KEREGE BAGAMOYO, AFIKISHA KILIO CHA WANANCHI DAWASA.

By -
Image
  Na Mwandishi wetu, Bagamoyo. Mhe. Diwani wa kata Kerege ndugu Yusuph Ngoroge Augost tarehe 10, 2026 alifanikiwa kufika ofisi za Dawasa Mapinga kujadiliana na Meneja wa Dawasa tawi la Mapinga kuhusu changamoto ya maji ya vitongoji vya Kitonga, Nyakahamba na Kilemela. Akizungumza na Mwandishi wa Habari hizi mara baada ya kutoka ofisi za DAWASA Mapinga, Diwani huyo wa kata ya Kerege, Mhe. Ngoroge, amesema Kitongoji cha Kitonga kimekuwa na changamoto ya maji kwa zaidi ya miaka mitatu sasa ambapo maji hayatoki kwa wakati. Alisema Kitongoji cha Kitonga ndio kuna kituo cha Afya ambapo matumizi ya maji ni makubwa kulingana na umuhimu wake. Mh. Diwani alifikisha kilio hicho kwa niaba ya wananchi wake ambao wamekuwa wakikosa maji kwa muda mrefu hali inayoleta usumbufu kwa wananchi wa vitongoji hivyo. Meneja alipokea changamoto na kukubaliana na Mhe. Diwani kuwa siku ya Ijumaa Augost 14, 2026  watatembelea maeneo yote ili kuona jinsi ya kutafuta ufumbuzi wa tatizo hilo. Meneja huyo wa ...
Read more

HALMASHAURI YA BAGAMOYO YATENGA SHILINGI BILIONI 2, KWA MWAKA 2026/2027.

By -
Image
  Na Mwandishi wetu, Bagamoyo Halmashauri ya mji wa Bagamoyo kwa mwaka wa fedha 2026/2027 imetenga kiasi cha shilingi Bilioni 2 ili kutekeleza miradi ya maendeleo kwa fedha za mapato ya ndani.   Akizungumza na waandishi wa Habari, Mkurugenzi Mtendaji wa Halmashauri ya mji wa Bagamoyo, Shauri Selenda, amesema pia inatarajia kupokea fedha kiasi cha shilingi Bilioni 7 kutoka Serikali kuu, huku zaidi ya milioni 474 kutoka kwa wafadhili kwaajili ya miradi mbalimbali.   Amesema fedha hizo za mapato ya ndani zitatumika kutekeleza miradi mbalimbali kwa mwaka wa 2026/2027 huku miongoni mwa miradi hiyo ikienda kuunga juhudi za kutekeleza Dira ya Taifa ya mwaka 2050.   Alifafanua kuwa, miradi yote hiyo inalenga Kwenda kuwakwamua wananchi wakazi wa Bagamoyo katika kuboresha huduma mbalimbali na miundombinu ya mji wa Bagamoyo.   Selenda alisema mwaka 2021/2022 Halmashauri ya Bagamoyo ilikuwa inatenga fedha kiasi cha shilingi Milioni mia nane 800 lakini kwa ...
Read more

DKT. NCHIMBI AWASILI ZANZIBAR, NI MGENI RASMI UZINDUZI WA JENGO LA DAKHALIA SKULI YA HUSNUU MAKAME

By -
Image
  Makamu wa Rais wa Jamhuri ya Muungano wa Tanzania Mhe. Balozi Dkt. Emmanuel Nchimbi amewasili Zanzibar, leo tarehe 11 Agosti 2026.  Makamu wa Rais anatarajiwa kuwa Mgeni Rasmi katika Ufunguzi wa Jengo la Dakhalia katika Skuli ya Sekondari ya Husnuu Makame – Kibuteni Unguja, ikiwa ni shamrashamra ya Tamasha la Kizimkazi. (Kizimkazi Festival 2026)
Read more

TANZANIA KUPATA DOLA MILIONI 41 ZA KUHIMILI MABADILIKO YA TABIANCHI

By -
Image
  Tanzania kupata dola milioni 41 za uhifadhi wa bioanuwai, kuhimili mabadiliko ya tabianchi Tanzania inatarajiwa kunufaika na takribani Dola za Marekani milioni 41 kupitia madirisha mbalimbali ya ufadhili wa Global Environment Facility (GEF), kwa ajili ya kuimarisha uhifadhi wa bioanuwai, urejeshwaji wa mifumo ikolojia na kujenga ustahimilivu dhidi ya athari za mabadiliko ya tabianchi. Hayo yamebainika katika mazungumzo kati ya Katibu Mkuu, Ofisi ya Makamu wa Rais, Dkt. Richard Muyungi na Mratibu wa Bioanuwai wa GEF kwa Afrika, Bw. Jurgis Sapijanskas, yaliyofanyika Nairobi, Kenya, pembezoni mwa mikutano ya SBSTTA-28 na SBI-7 mwishoni mwa wiki. Katika mazungumzo hayo, imeelezwa kuwa takribani Dola za Marekani milioni 16 zimetengwa kupitia dirisha ya GEF – Trust Fund katika Mzunguko wa 9 (GEF-9), huku fursa nyingine zikijumuisha Dola milioni 20 kupitia Mfuko wa Least Developed Countries Fund (LDCF) kwa ajili ya kukabiliana na athari za mabadiliko ya tabianchi, pamoja na Dola milioni...
Read more

BAGAMOYO: MJI WA KIHISTORIA UNAONGOJEA MAPINDUZI MAKUBWA YA KIUCHUMI KUPITIA BANDARI MPYA

By -
Image
  Na Albert Kawogo BAGAMOYO, mji wenye historia kubwa katika ukanda wa Afrika Mashariki, unaonekana kuelekea katika sura mpya ya maendeleo ya kiuchumi ikiwa mipango ya ujenzi na uendelezaji wa Bandari ya Bagamoyo itatekelezwa kwa ufanisi. Kwa miaka mingi, Bagamoyo imejulikana zaidi kwa historia yake ya biashara, utamaduni na urithi wa kihistoria.  Hata hivyo, mji huo sasa una nafasi ya kuongeza hadhi yake na kuwa moja ya vituo muhimu vya biashara, usafirishaji na uwekezaji nchini Tanzania. Bandsri ya Bagamoyo inatajwa kuwa miongoni mwa miradi yenye uwezo wa kubadili kwa kiasi kikubwa sura ya uchumi wa eneo hilo na kuongeza ushindani wa Tanzania katika biashara ya kimataifa. Kutoka mji wa historia hadi kitovu cha biashara Historia ya Bagamoyo imeifanya kuwa miongoni mwa miji muhimu zaidi katika historia ya Tanzania na Afrika Mashariki. Eneo hilo lilikuwa kituo muhimu cha biashara na lilihusishwa kwa karibu na safari za misafara iliyounganisha maeneo ya ndani ya Afrika na pwani ...
Read more