MANISPAA TABORA KULIPA MIL 27 ZA BODI YA MIKOPO

By -


 MANISPAA TABORA KULIPA MIL 27 ZA BODI YA MIKOPO


Na Allan Kitwe, Tabora


HALMASHAURI ya manispaa Tabora imetenga jumla ya shilingi milioni 27 kwa ajili ya kuwalipia watumishi wake waliosoma vyuo vikuu kwa fedha za mkopo wa Bodi ya Elimu ya Juu (HELB) kabla ya kuajiriwa.


Hayo yameelezwa na Mkurugenzi Mtendaji wa Halmashauri ya manispaa hiyo Dkt John Pima alipokuwa akitoa taarifa ya hesabu za mwisho (final accounts) kwenye kikao cha baraza la madiwani wa halmashauri hiyo 


Amesema kuwa halmashauri imetenga kiasi hicho katika bajeti yake ya mwaka huu ili kuwezesha watumishi wake walionufaika na mkopo wa serikali unaotolewa na Bodi ya Mikopo ya Elimu ya Juu (HELB) kurejesha mikopo yao kwa wakati.


‘Haya ni maelekezo ya serikali kwa waajiri wote nchini kuhakikisha wanatambua watumishi wao waliosoma kwa fedha za mkopo wa bodi hiyo na kurejesha sehemu ya mikopo yao kila mwaka’, ameeleza.  


Dkt Pima amedokeza kuwa wamekuwa wakifanya hivyo kila mwaka ili kuhakikisha kila mtumishi anamaliza marejesho ya mkopo wake ili kuwezesha Bodi hiyo kuendelea kukopesha wanafunzi wengine wenye uhitaji wa mkopo huo wa elimu.


Aidha ameongeza kuwa pia wametenga zaidi ya shilingi milioni 379 kwa ajili ya kulipa madeni ya stahiki mbalimbali za watumishi wa halmashauri hiyo wasio walimu ili kuwaongezea ari ya kufanya kazi kwa weledi mkubwa.


Mstahiki Meya wa Manispaa hiyo Ghullam-Hussein Remtullah amepongeza kazi nzuri inayofanywa na Ofisi ya Mkurugenzi na Wakuu wa Divisheni na Vitengo ambayo imepelekea halmashauri hiyo kuendelea kupata hati safi.


Amesisitiza kuwa mafanikio ya halmashauri hiyo yanachochewa na mshikamano mzuri wa Mkurugenzi, Watalaamu, Watendaji na Madiwani, hivyo akaomba mshikamano huo uendelee ili kuharakisha maendeleo ya wananchi.


Naye Mkuu wa Wilaya ya Tabora, Upendo Wella amepongeza halmashauri hiyo kwa kuendelea kuandaa vizuri taarifa za hesabu zake za mwaka hali ambayo imepelekea halmashauri kupata hati safi mfululizo.   


Akitoa angalizo la mvua za el-nino, DC ameagiza halmashauri na taasisi husika zote kuhakikisha miundombinu ya barabara zote inasafishwa mapema ikiwemo kuzibua mifereji na mitaro ya kupitisha maji ili kuepusha mafuriko mvua zitakapoanza kunyesha.




Comments

Post a Comment

Popular posts from this blog

WATUMISHI WA AFYA KAGERA WAFANYA ZOEZI LA UTAYARI KUKABILIANA NA EBOLA

By -
Image
  Alodia Dominick,  Bukoba,  Kutokana na mlipuko wa ugonjwa wa ebola ambao umeendelea kushambulia wananchi nchini Congo, watumishi wa afya mkoani Kagera wamepatiwa mafunzo ya utayari kwa ajili ya kukabiliana na magonjwa ya mlipuko ikiwemo Ebola ili ikitokea  hapa nchini wawe na uelewa mpana. Mafunzo hayo ya utayari yamefanyika Augosti 26, 2026 katika hospital ya wilaya halmashauri ya Bukoba ambapo wamefanya tukio la utayari na wataalamu wa afya  wameelezwa maswala mbalimbali ikiwemo mapokezi ya mhisiwa au mgonjwa endapo akitokea katika vituo vyao. Mafunzo ya utayari yaliyotolewa kwa wataalamu wa afya ni pamoja na jinsi ya kupokea mhisiwa wa mlipuko wa ebola na wataalamu wanapopokea mhisiwa jinsi ya kumpatia matibabu/vipimo na baada ya kutoa huduma namna ya kuvua mavazi.  Baada ya kutoa mafunzo ya utayari baadhi ya wataalamu kutoka wizara ya afya na wadau wengine wa afya wamezungumza na waandishi wa habari na kueleza maelengo ya mafunzo hayo. Afisa Muuguzi w...
Read more

RAIS DKT. SAMIA AKIWA PAMOJA NA MAKAMU WA RAIS DEOGRATIUS NDEJEMBI.

By -
Image
  Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania akiteta jambo na Mhe. Deogratius John Ndejembi, Makamu wa Rais wa Jamhuri ya Muungano wa Tanzania baada ya hafla ya uapisho iliyofanyika Ikulu ya Chamwino, Mkoani Dodoma tarehe 29 Agosti, 2026. Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania akiwa kwenye picha na Mhe. Deogratius John Ndejembi, Makamu wa Rais wa Jamhuri ya Muungano wa Tanzania baada ya hafla ya uapisho iliyofanyika Ikulu ya Chamwino, Mkoani Dodoma tarehe 29 Agosti, 2026. Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania akiwa kwenye picha na Mhe. Deogratius John Ndejembi, Makamu wa Rais wa Jamhuri ya Muungano wa Tanzania, Mhe. Dkt. Hussein Ali Mwinyi, Rais wa Zanzibar na Mwenyekiti wa Baraza la Mapinduzi pamoja na Mhe. Mwigulu Lameck Nchemba, Waziri Mkuu wa Jamhuri ya Muungano wa Tanzania baada ya hafla ya uapisho iliyofanyika Ikulu ya Chamwino, Mkoani Dodoma tarehe 29 Agosti, 2026. ...
Read more

SHAIBU NDEMANGA, AFUNGUA MAFUNZO YA JESHI LA AKIBA.

By -
Image
Mkuu wa Wilaya ya Bagamoyo Mhe Shaibu Ndemanga amefungua Mafunzo ya Jeshi la Akiba yanayofanyika  Kata ya Zinga Wilayani  Bagamoyo ikiwa na jumla ya wanafunzi 61. Mkuu huyo wa Wilaya ametoa pongezi kwa mshauri wa Jeshi la Akiba kwa kuhakikisha Mafunzo yanafanyika kila wakati licha ya kuwa na Changamoto mbalimbali zilizopo. Pamoja na hayo pia ametoa pongezi kwa Afisa Tarafa wa Yombo pamoja na Mtendaji kata ya Zinga kwa kukubali Mafunzo hayo kufanyika Katika Kata ya Zinga pamoja na kuwapongeza wanafunzi wote waliojitokeza katika Mafunzo hayo ya jeshi la Akiba. Mhe Mkuu wa Wilaya amesema kasi ya kujengwa kwa viwanda katika Kata ya Zinga ni kubwa hivyo ni fursa kwa vijana wote ambao tayari wampata Mafunzo hayo ili kuweza kupata fursa katika viwanda hivyo. Aidha Mhe Ndemanga ameeleza kuwa  kutokana na Fursa hizo ambazo tayari nyingine zinahitaji Vijana na kusema kuwa uongozi uone namna bora ya vijana hao kupata fursa katika sehemu hizo ili kupunguza changamoto ya ukosefu wa Aj...
Read more

RAIS, DKT. SAMIA, ARIDHIA KUJIUZULU MAKAMU WA RAIS.

By -
Image
  RAIS, DKT. SAMIA, ARIDHIA KUJIUZULU MAKAMU WA RAIS. Kufauatia kusambaa kwa Taarifa ya kujiuzu Makamu wa Rais Dkt. Emanuel Nchimbi, Rais wa Jamhuri ya Muungano wa Tanzania, Dkt. Samia Suluhu Hassan, ameridhia ombi la kujiuzulu kwake. Katika Taarifa iliyotolewa na Katibu Mkuu kiongozi leo tarehe 25 Agosti 2026, imesema taratibu za kikatiba za kumpata Makamu wa Rais wa Jamhuri ya Muungano wa Tanzania mwingine zitachukuliwa. Mapema hii leo tarehe 25 Agosti 2026 zimesambaa taarifa ya kujiuzulu kwa Makamu wa Rais wa Jamhuri ya Muungano wa Tanzania kwenye mitandao ya kijamii na vyombo mbalimbali vya habari vya ndani na nje ya nchi.
Read more

SAMIA: MAULID ITUKUMBUSHE KUISHI KWA UPENDO NA AMANI

By -
Image
  SAMIA: MAULID ITUKUMBUSHE KUISHI KWA UPENDO NA AMANI Na Rashid Mtagaluka DAR ES SALAAM:  Rais Dkt. Samia Suluhu Hassan amewataka Watanzania kutumia maadhimisho ya Maulidi kutafakari maisha ya Mtume Muhammad (S.A.W) na kujifunza misingi ya upendo, wema na amani. Ujumbe huo wa Rais Samia umetolewa leo, Agosti 25, 2026, na Waziri Mkuu, Dkt. Mwigulu Nchemba, aliyemwakilisha Rais katika Baraza la Maulidi lililofanyika katika Ukumbi wa Mwalimu Julius Nyerere International Convention Centre (JNICC), jijini Dar es Salaam. Katika ujumbe huo, Rais Samia amesema maadhimisho ya mazazi ya Mtume Muhammad yanapaswa kuwa fursa ya kuwakumbusha waumini umuhimu wa kuishi kwa upendo, amani na kutendeana mema. Amesema kutafakari maisha ya Mtume Muhammad kutawasaidia Watanzania kuona uzuri wa mafundisho yake na kuyaweka katika maisha ya kila siku. Akizungumza kwa niaba ya Rais, Dkt. Nchemba amesema serikali imedhamiria kuendelea kushirikiana na taasisi za dini katika kujenga jamii yenye maadili, ...
Read more

MAKAMU WA RAIS AWASALIMU WANANCHI WA CHAMWINO

By -
Image
  MAKAMU WA RAIS AWASALIMU WANANCHI WA CHAMWINO AAHIDI KUFANYA KAZI KWA UADILIFU, UTII NA UZALENDO Makamu wa Rais wa Jamhuri ya Muungano wa Tanzania Mhe. Deogratius Ndejembi, amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kumpa dhamana ya kuwa msaidizi namba moja na kuahidi utii, uadilifu, uzalendo na uchapaji kazi.   Makamu wa Rais amesema hayo, wakati akiwasalimu wananchi wa Jimbo la Chamwino, waliojitokeza kumpokea kwa wingi nje ya Ikulu ya Chamwino mkoani Dodoma, mara baada ya kuapishwa kuwa Makamu wa Rais. Amesema ataendelea kufanya kazi ya kumsaidia Mhe.  Rais kwa uadilifu na kuwatumikia watanzania wote ili kuharakisha maendeleo.   Aidha Makamu wa Rais amesema ataendelea kuwawakilisha vyema vijana hapa nchini na kufanya kazi kwa bidii kuhakikisha Tanzania inazidi kusonga mbele katika nyanja mbalimbali za maendeleo.   Akitoa salamu zake kwa wananchi hao, Makamu wa Rais amewahakikishia kuendelea kutekeleza majukumu yake...
Read more