WATUMISHI WA AFYA KAGERA WAFANYA ZOEZI LA UTAYARI KUKABILIANA NA EBOLA

By -

 

Alodia Dominick, 


Bukoba, 


Kutokana na mlipuko wa ugonjwa wa ebola ambao umeendelea kushambulia wananchi nchini Congo, watumishi wa afya mkoani Kagera wamepatiwa mafunzo ya utayari kwa ajili ya kukabiliana na magonjwa ya mlipuko ikiwemo Ebola ili ikitokea  hapa nchini wawe na uelewa mpana.


Mafunzo hayo ya utayari yamefanyika Augosti 26, 2026 katika hospital ya wilaya halmashauri ya Bukoba ambapo wamefanya tukio la utayari na wataalamu wa afya  wameelezwa maswala mbalimbali ikiwemo mapokezi ya mhisiwa au mgonjwa endapo akitokea katika vituo vyao.



Mafunzo ya utayari yaliyotolewa kwa wataalamu wa afya ni pamoja na jinsi ya kupokea mhisiwa wa mlipuko wa ebola na wataalamu wanapopokea mhisiwa jinsi ya kumpatia matibabu/vipimo na baada ya kutoa huduma namna ya kuvua mavazi. 


Baada ya kutoa mafunzo ya utayari baadhi ya wataalamu kutoka wizara ya afya na wadau wengine wa afya wamezungumza na waandishi wa habari na kueleza maelengo ya mafunzo hayo.


Afisa Muuguzi wizara ya afya na mratibu wa magonjwa ya mlipuko Theresia Haule ametaja lengo la kuwa Kagera ni kujenga  uwezo kwa watumishi, kuangalia ni namna gani wenzao wana utayari wa kukabiliana na magonjwa ya mlipuko.


"Katika kipindi cha wiki mbili ambacho tumekuwa Kagera kuanzia Augosti 17 hadi Augosti 28,2026 tumetembelea na tutaendelea kutembelea hospitali zote za mkoa wa Kagera lakini hii yote ni kuonyesha kwamba ni namna gani watumishi wa afya wameweza kujiandaa na magonjwa ya mlipuko" amesema Haule


Amesema kuwa, mlipuko wa ebola haujaingia nchini Tanzania lakini kutokana na mkoa wa Kagera kuwa mpakani serikali imeona ni vyema kuwapatia mafunzo ya utayari watumishi wa afya ili wawe tayari ikitokea mlipuko wawe na uelewa mpana.


Kwa upande wake mwakilishi wa mganga mkuu wa mkoa Kagera Dkt. Pascal Peter ameeleza kuwa, mkoa kwa kushirikiana na Wizara ya afya wameendelea kuwajengea uwezo watumishi wa afya katika halmashauri zote nane za mkoa huo ikijumuisha timu za afya za mkoa katika mapambano ya magonjwa ya mlipuko .


Dkt. Peter ameeleza kuwa,  kutokana na mkoa wa Kagera kuwa mpakani walikuwa na uhitaji mkubwa wa mafunzo kwa watumishi wa afya kwani wamepata uelewa jinsi ya kujikinga endapo atapatikana mgonjwa wa ebola na jinsi ya kutoa huduma kwa mgonjwa au mhisiwa.


Mmoja wa waliopata mafunzo hayo mganga mfawidhi hospitali ya wilaya  Kyerwa Dkt. Richard Protas Sangu, ameeleza kuwa, mafunzo hayo yamewajengea uwezo maeneo tofauti ikiwemo jinsi ya kumpokea mhisiwa, jinsi ya kujikinga mtumishi wa afya na baada ya kutoa huduma kwa mhisiwa jinsi ya kuvua mavazi.


"Mbali na sisi kujengewa uwezo pia tutatoa mafunzo haya kwa wataalamu wa afya ambao wapo kwenye hospitali zetu jinsi ya kumpokea mhisiwa wa ebola na magonjwa mengine ya mlipuko na namna mtaalamu anavyopaswa kujikinga yeye mwenyewe" amesema Dkt.Sangu


Meneja IPC, Mradi wa Usalama wa Afya Duniani, unaotekelezwa na CIHEB- Tanzania kupitia serikali ya Marekani Christina Mmasa amesema kuwa, wataalamu wa afya waliopata mafunzo kwa vitendo wazingatie mafunzo hayo.







Comments

Post a Comment

Popular posts from this blog

BAKWATA YATANGAZA SIKUKUU YA MAULIDI NI TAREHE 25 AGOSTI 2026

By -
Image
  Baraza Kuu la waislamu wa Tanzania (BAKWATA) limetangaza sikukuu ya kuzaliwa kwa Mtume Muhammadi Swala Allahu Alayhi Wasalam, kuwa ni siku ya jumanne ya tarehe 25 Agosti 2026. Katika Taarifa iliyotolewa na kusainiwa na Katibu Mkuu BAKWATA, Alhaji, Nuhu Jabiri Mruma, imesema Maulidi itasomwa usiku wa siku ya jumatatu ya tarehe 24 Agosti 2026 katika viwanja vya Mnazi mmoja jijini Dar es salaam.
Read more

SHAIBU NDEMANGA, AFUNGUA MAFUNZO YA JESHI LA AKIBA.

By -
Image
Mkuu wa Wilaya ya Bagamoyo Mhe Shaibu Ndemanga amefungua Mafunzo ya Jeshi la Akiba yanayofanyika  Kata ya Zinga Wilayani  Bagamoyo ikiwa na jumla ya wanafunzi 61. Mkuu huyo wa Wilaya ametoa pongezi kwa mshauri wa Jeshi la Akiba kwa kuhakikisha Mafunzo yanafanyika kila wakati licha ya kuwa na Changamoto mbalimbali zilizopo. Pamoja na hayo pia ametoa pongezi kwa Afisa Tarafa wa Yombo pamoja na Mtendaji kata ya Zinga kwa kukubali Mafunzo hayo kufanyika Katika Kata ya Zinga pamoja na kuwapongeza wanafunzi wote waliojitokeza katika Mafunzo hayo ya jeshi la Akiba. Mhe Mkuu wa Wilaya amesema kasi ya kujengwa kwa viwanda katika Kata ya Zinga ni kubwa hivyo ni fursa kwa vijana wote ambao tayari wampata Mafunzo hayo ili kuweza kupata fursa katika viwanda hivyo. Aidha Mhe Ndemanga ameeleza kuwa  kutokana na Fursa hizo ambazo tayari nyingine zinahitaji Vijana na kusema kuwa uongozi uone namna bora ya vijana hao kupata fursa katika sehemu hizo ili kupunguza changamoto ya ukosefu wa Aj...
Read more

SAMIA: MAULID ITUKUMBUSHE KUISHI KWA UPENDO NA AMANI

By -
Image
  SAMIA: MAULID ITUKUMBUSHE KUISHI KWA UPENDO NA AMANI Na Rashid Mtagaluka DAR ES SALAAM:  Rais Dkt. Samia Suluhu Hassan amewataka Watanzania kutumia maadhimisho ya Maulidi kutafakari maisha ya Mtume Muhammad (S.A.W) na kujifunza misingi ya upendo, wema na amani. Ujumbe huo wa Rais Samia umetolewa leo, Agosti 25, 2026, na Waziri Mkuu, Dkt. Mwigulu Nchemba, aliyemwakilisha Rais katika Baraza la Maulidi lililofanyika katika Ukumbi wa Mwalimu Julius Nyerere International Convention Centre (JNICC), jijini Dar es Salaam. Katika ujumbe huo, Rais Samia amesema maadhimisho ya mazazi ya Mtume Muhammad yanapaswa kuwa fursa ya kuwakumbusha waumini umuhimu wa kuishi kwa upendo, amani na kutendeana mema. Amesema kutafakari maisha ya Mtume Muhammad kutawasaidia Watanzania kuona uzuri wa mafundisho yake na kuyaweka katika maisha ya kila siku. Akizungumza kwa niaba ya Rais, Dkt. Nchemba amesema serikali imedhamiria kuendelea kushirikiana na taasisi za dini katika kujenga jamii yenye maadili, ...
Read more

RAIS, DKT. SAMIA, ARIDHIA KUJIUZULU MAKAMU WA RAIS.

By -
Image
  RAIS, DKT. SAMIA, ARIDHIA KUJIUZULU MAKAMU WA RAIS. Kufauatia kusambaa kwa Taarifa ya kujiuzu Makamu wa Rais Dkt. Emanuel Nchimbi, Rais wa Jamhuri ya Muungano wa Tanzania, Dkt. Samia Suluhu Hassan, ameridhia ombi la kujiuzulu kwake. Katika Taarifa iliyotolewa na Katibu Mkuu kiongozi leo tarehe 25 Agosti 2026, imesema taratibu za kikatiba za kumpata Makamu wa Rais wa Jamhuri ya Muungano wa Tanzania mwingine zitachukuliwa. Mapema hii leo tarehe 25 Agosti 2026 zimesambaa taarifa ya kujiuzulu kwa Makamu wa Rais wa Jamhuri ya Muungano wa Tanzania kwenye mitandao ya kijamii na vyombo mbalimbali vya habari vya ndani na nje ya nchi.
Read more

MADIWANI BAGAMOYO WAAGIZA MAENEO YA SERIKALI YAPIMWE.

By -
Image
  Baraza la madiwani Halmashauri ya mji Bagamoyo, limetoa agizo kwa mkurugenzi Mtendaji wa Halmashauri hiyo, kuyapima maeneo yote ya serikali ili kuepuka migogoro ya kiumiliki baada ya serikali kuwekeza katika maeneo hayo. Akisoma Taarifa ya Kamati ya Uchumi, Ujenzi na Mazingira, Mwenyekiti wa Kamati hiyo, Mheshimiwa Diwani wa kata ya Dunda Amiry Mpwimbwi, amesema kamati imetoa mapendekezo ya ununuzi na upimaji wa maeneo ya Ardhi kwaajili ya viwanja kata ya fukayosi. Wakati wa kuchangia ripoti ya kamati ya Uchumi, Ujenzi na Mazingira, Madiwani walikumbusha maagizo ya muda mrefu yaliyotoleawa na baraza hilo kuhusu upimaji wa maeneo ya serikali ikiwemo viwanja vya wazi, shule za msingi na sekondari pamoja na Zahanati. Wamesema Baraza hilo limeshatoa maagizo muda mrefu ya upimaji wa maeneo yote ya serikali lakini bado utekelezaji haujafanyika hali inayopelekea kuingiza fedha za miradi kwenye maeneo ambayo hayajapimwa kisheria na baadae kuzuka migogoro ya kiumiliki. Kufuatia hali hiyo,...
Read more

MATOKEA DARASA LA SABA 2018 HAYA HAPA.

By -
Image
BARAZA la Mitihani la Taifa (NECTA) limetangaza matokeo ya mtihani wa kuhitimu elimu ya msingi (darasa la saba) kwa mwaka 2018 ambapo matokeo yanaonyesha ongezeko la ufaulu kwa asilimia 4.76% tofauti na ufaulu wa 2017 ambao ulikuwa asilimia 72.76%. Akitangaza matokeo hayo, Katibu Mkuu wa Baraza hilo, Dkt. Charles Msonde, amesema katika tathmini ya awali kiwango cha ufaulu kimepanda kwa asilimia 4.9% ikilinganishwa na 2017, amesema pia kiwango cha ufaulu wa somo la Kiingereza uko chini sana tofauti na masomo mengine (50%). NECTA pia limewafutia matokeo watahiniwa 357 waliobainika kufanya udanganyifu kwenye mitihani iliyofanyika mwaka huu 2018. “Baraza limezuia kutoa matokeo ya watahiniwa zaidi 100 kutokana na kuugua kipindi cha mtihani na kuwapa fursa ya kufanya mtihani huo mwaka 2019,” amesema Msonde. Bonyeza link hapo chini kuona matokeo ya kila shule. NATIONAL EXAMINATIONS COUNCIL OF TANZANIA PSLE-2018 EXAMINATION RESULTS ARUSHA DAR...
Read more

LISU AKUTWA NA KESI YA KUJIBU.

By -
Image
  MAHAKAMA Kuu ya Tanzania, Masjala Ndogo ya Dar es Salaam, imemkuta Mwenyekiti wa Chama cha Demokrasia na Maendeleo (CHADEMA), Tundu Lissu, ana kesi ya kujibu katika shauri la uhaini linalomkabili. Uamuzi huo umetolewa leo tarehe 21 Agosti 2026  baada ya Mahakama kupitia ushahidi uliowasilishwa na upande wa mashtaka unaoongozwa na Ofisi ya Mkurugenzi wa Mashtaka (DPP), na kujiridhisha kuwa ushahidi huo unatosha kumtaka mshtakiwa kutoa utetezi wake. Akisoma uamuzi huo, Jaji Ndunguru, anayeongoza jopo la majaji linalosikiliza shauri hilo, amesema Mahakama imechambua ushahidi uliowasilishwa na upande wa mashtaka na kubaini kuwa umefikia kiwango kinachomhitaji Lissu kujibu tuhuma zinazomkabili. Uamuzi huo unaashiria kuingia kwa kesi hiyo katika hatua muhimu ya utetezi, ambapo Lissu atapata fursa ya kueleza upande wake wa jambo mbele ya Mahakama. Katika hatua hiyo, upande wa utetezi utakuwa na nafasi ya kuwasilisha ushahidi wake, kutoa maelezo kuhusu tuhuma zinazomkabili pamoja na...
Read more