WATU 16 JELA KWA MAKOSA YA WIZI, UBAKAJI.

By -

 

Na Allan Kitwe, Tabora


JESHI la Polisi Mkoani Tabora limekamata jumla ya watuhumiwa 128 na kuwafikisha mahakamani kwa makosa mbalimbali ikiwemo wizi, ubakaji, mauaji, kujeruhi na kuharibu mali, ambapo 16 kati yao wamehukumiwa kifungo.


Kamanda wa Polisi Mkoani hapa Kamishna Msaidizi wa Polisi (ACP) Twaha Lulengelule amethibitisha kukamatwa watuhumiwa hao na kufikishwa mahakamani ili sheria ichukue mkondo wake. 


Amefafanua kuwa watuhumiwa hao wamekamatwa katika oparesheni maalumu iliyofanywa na askari polisi kuanzia Julai 1 mwaka huu hadi sasa katika maeneo mbalimbali ya Mkoa huo kwa lengo la kuimarisha amani na usalama.


Kamanda Lulengelule, amebainisha kuwa miongoni mwa watuhumiwa hao, 16 walioswekwa jela wapo waliohusika na makosa ya mauaji, ubakaji, wizi wa mali za watu, kujeruhi, kuharibu mali, kutishia kuua kwa silaha, shambulio la mwili na kutelekeza mtoto.


Ametaja aliyehukumiwa kwa kosa la kubaka kuwa ni Shaban Haruna Kilingo ambaye amefungwa miaka 30 jela huku Isack Majura Ryangera akihukumiwa kifungo cha mwaka 1 jela kwa kosa la kuua bila kukusudia.


Aidha katika oparesheni hiyo watuhumiwa 16 walikutwa na kilo 512 za bangi na kete 1,200 na wengine 50 wakiwa na lita 273 za pombe haramu ya moshi na mtambo wa kutengenezea na 14 walikutwa na nyara za serikali.


Kati ya hao 14 watuhumiwa 7 walikutwa na meno 2 ya tembo na vipande 9 vya meno hayo na watuhumiwa 7 wakakutwa na miguu 8 ya swala, vipande vya ngozi za wanayamapori na mazao ya misitu bila ya kibali.


Kamanda Lulengelule amedokeza kuwa pia walikamata watuhumiwa 14 wanaofanya shughuli za uganga bila kibali, watuhumiwa 11 wa wizi wa pikipiki na 5 wa wizi wa mifugo.


Kwa upande wa makosa ya usalama barabarani ameeleza kuwa jumla ya madereva 18 walikamatwa na kufutiwa leseni za udereva kwa makosa ya mwendokasi, ulevi, kusababisha ajali na kuzidisha idadi ya abiria.


Kamanda huyo wa Mkoa, amepongeza wananchi kwa ushirikiano wao mkubwa kwa jeshi hilo na kuomba waendelea kutoa taarifa za vitendo vya uhalifu na wahalifu katika maeneo yao ili wahusika wakamatwe na kuchukuliwa hatua za kisheria mara moja.




Comments

Post a Comment

Popular posts from this blog

LISU AKUTWA NA KESI YA KUJIBU.

By -
Image
  MAHAKAMA Kuu ya Tanzania, Masjala Ndogo ya Dar es Salaam, imemkuta Mwenyekiti wa Chama cha Demokrasia na Maendeleo (CHADEMA), Tundu Lissu, ana kesi ya kujibu katika shauri la uhaini linalomkabili. Uamuzi huo umetolewa leo tarehe 21 Agosti 2026  baada ya Mahakama kupitia ushahidi uliowasilishwa na upande wa mashtaka unaoongozwa na Ofisi ya Mkurugenzi wa Mashtaka (DPP), na kujiridhisha kuwa ushahidi huo unatosha kumtaka mshtakiwa kutoa utetezi wake. Akisoma uamuzi huo, Jaji Ndunguru, anayeongoza jopo la majaji linalosikiliza shauri hilo, amesema Mahakama imechambua ushahidi uliowasilishwa na upande wa mashtaka na kubaini kuwa umefikia kiwango kinachomhitaji Lissu kujibu tuhuma zinazomkabili. Uamuzi huo unaashiria kuingia kwa kesi hiyo katika hatua muhimu ya utetezi, ambapo Lissu atapata fursa ya kueleza upande wake wa jambo mbele ya Mahakama. Katika hatua hiyo, upande wa utetezi utakuwa na nafasi ya kuwasilisha ushahidi wake, kutoa maelezo kuhusu tuhuma zinazomkabili pamoja na...
Read more

BAKWATA YATANGAZA SIKUKUU YA MAULIDI NI TAREHE 25 AGOSTI 2026

By -
Image
  Baraza Kuu la waislamu wa Tanzania (BAKWATA) limetangaza sikukuu ya kuzaliwa kwa Mtume Muhammadi Swala Allahu Alayhi Wasalam, kuwa ni siku ya jumanne ya tarehe 25 Agosti 2026. Katika Taarifa iliyotolewa na kusainiwa na Katibu Mkuu BAKWATA, Alhaji, Nuhu Jabiri Mruma, imesema Maulidi itasomwa usiku wa siku ya jumatatu ya tarehe 24 Agosti 2026 katika viwanja vya Mnazi mmoja jijini Dar es salaam.
Read more

JITIHADA ZA RAIS SAMIA KUIWEKA TANZANIA KAMA KITOVU CHA UCHUMI WA NCHI ZA MAZIWA MAKUU KUPITIA BANDARI YA DAR ES SALAAM

By -
Image
  Na Albert Kawogo Tanzania inaendelea kujijengea nafasi muhimu katika uchumi wa Afrika Mashariki na Kati, ikiwa ni sehemu ya juhudi za Serikali ya Awamu ya Sita chini ya uongozi wa Rais Dk. Samia Suluhu Hassan za kuifanya nchi kuwa kitovu cha biashara na usafirishaji kwa nchi za ukanda wa Maziwa Makuu. Miongoni mwa nguzo muhimu katika kufanikisha azma hiyo ni Bandari ya Dar es Salaam, ambayo imekuwa lango kuu la biashara kwa Tanzania na nchi jirani zisizo na bandari, hususan Burundi, Rwanda, Jamhuri ya Kidemokrasia ya Congo (DRC), Zambia na Malawi. Uwekezaji katika kuboresha miundombinu ya bandari, kuongeza ufanisi wa upakuaji na upakiaji wa mizigo, kupunguza muda wa meli kukaa bandarini na kurahisisha taratibu za forodha ni sehemu ya mkakati mpana wa Serikali wa kuongeza ushindani wa Bandari ya Dar es Salaam. Rais Samia amekuwa akisisitiza umuhimu wa Tanzania kutumia nafasi yake ya kijiografia na miundombinu yake kuimarisha biashara ya kikanda. Kwa kuwa Tanzania ina mwambao mrefu...
Read more

ZIARA YA RAIS TSHISEKEDI WA DRC TANZANIA, INA MAANA GANI KWA NCHI HIZI MBILI?

By -
Image
 Na Albert Kawogo  RAIS wa Jamhuri ya Kidemokrasia ya Congo (DRC), Félix Antoine Tshisekedi Tshilombo ameanza ziara ya kiserikali  nchini Tanzania  kuanzia  Agosti 17, 2026  Ziara hiyo ya siku mbili ni ziara ya kimkakati inayolenga kuimarisha ushirikiano wa Tanzania na DRC, hususan katika biashara, uwekezaji, usalama na masuala ya kikanda. Kwa mtazamo mpana, ziara hii inakuja wakati ambapo DRC inaendelea kutafuta fursa zaidi za kuimarisha uchumi wake na kuboresha njia za usafirishaji wa bidhaa kutoka maeneo yake ya ndani kwenda kwenye masoko ya kimataifa.  Tanzania, kupitia bandari zake na miundombinu ya usafirishaji, ina nafasi muhimu katika kufanikisha azma hiyo. Kwa Tanzania, DRC ni soko kubwa lenye fursa nyingi katika biashara, madini, nishati, ujenzi na huduma.  Kuimarika kwa mahusiano ya kiuchumi kunaweza kuongeza biashara kati ya nchi hizi mbili na kutoa nafasi kwa wafanyabiashara na wawekezaji wa Tanzania kushiriki zaidi katika uchumi wa D...
Read more

KAMPUNI YA ALGERIA KUWEKEZA VIWANDA VYA KOROSHO TANZANIA.

By -
Image
  Kampuni ya ubanguaji wa korosho ya Sarl Anacard’Or ya Algeria inatarajia kutanua uwekezaji wake kwa kujenga viwanda vitatu nchini Tanzania ili kuongeza zaidi faida yake katika soko la dunia. Akizungumza na Balozi wa Tanzania nchini Algeria, Mhe. Mobhare Matinyi, wakati wa ziara yake kwenye kiwanda cha korosho cha kampuni hiyo jijini Oran, mmiliki na Afisa Mtendaji Mkuu wa kampuni hiyo, Bw. Walid Dib, alielezea mpango wake wa kuwekeza viwanda vitatu vya kisasa vya ubanguaji wa korosho nchini ili kufaidika na fursa ya korosho ya Tanzania inayosifika kwa ubora wake duniani. “Korosho ya Tanzania ina ubora wa kipekee na tumeamua tujenge viwanda vitatu tukianzia na cha Masasi mkoani Mtwara kitakachotumia mashine za kisasa kutoka Vietnam,” alisema Bw. Dib ambaye tayari kwa kushirikiana na mbia wa ndani anakamilisha usajili wa kampuni ya kwanza itakayoitwa Kilimanjaro Nuts Limited. Akimpongeza Bw. Dib kwa kuanza mchakato wa uwekezaji nchini Tanzania, Balozi Matinyi alimuahidi kwamba seri...
Read more

PAUL CHACHA APIGA MARUFUKU WANAOFANYA KAMPENI MAPEMA

By -
Image
  Na Allan Kitwe, Tabora CHAMA Cha Mapinduzi (CCM) kimewataka wanachama wake wenye nia ya kugombea nafasi mbalimbali za uongozi ndani au nje ya chama kutofanya kampeni za aina yoyote kabla ya wakati na kuonya kuwa atakayebainika jina lake litaondolewa. Onyo hilo limetolewa na Katibu wa Halmashauri Kuu ya CCM Taifa (NEC) Oganaizesheni, Paulo Chacha alipokuwa akihutubia umati wa wana CCM, Viongozi na wakazi wa Mkoa wa Tabora katika uwanja wa TBC mjini hapa hivi karibuni. Amesisitiza kuwa huu sio wakati wa kufanya kampeni, bali ni wakati wa kutumikia wananchi na kujenga chama, hivyo akawataka wale wote wanaoendelea kujipitisha kwa wananchi na kutoa misaada ya kijamii kuacha mara moja tabia hiyo. ‘CCM haikatazi wanachama wake kutoa misaada kwa jamii, ila imeweka utaratibu wa namna bora ya kutoa misaada hiyo ili isionekane kama ni rushwa, kama unataka kusaidia wananchi peleka kwenye Chama, chama kitawagawia’, ameeleza. Chacha ameelekeza Wenyeviti na Makatibu wa CCM wa Wilaya na Mikoa ku...
Read more

MAIMAMU NA WALIMU WA MADRASA WAWEZESHWA KUJIKWAMUA KIUCHUMI

By -
Image
  Maimamu na walimu wa madrasa nchini wamepewa vifaa mbalimbali kwa ajili ya kuwawezesha kujikwamua kiuchumi na kuboresha maisha yao. Uwezeshaji huo umetolewa na Umoja wa Maimamu na Walimu wa Madrasa Tanzania (UMATA), kwa kushirikiana na taasisi ya Humanity Without Borders kutoka Uingereza. Akizungumza jijini Dar es Salaam, Mwenyekiti wa Kitaifa wa UMATA, Sheikh Arif Surya, amesema baadhi ya maimamu wamepewa friji kwa ajili ya biashara ya juisi na maji. Amesema wengine wamepatiwa vifaa vya kuanzisha biashara ndogondogo, ikiwemo biashara ya dawa za asili, huku wakulima wakipewa pampu na vifaa vya umwagiliaji. Sheikh Surya amesema UMATA inaendelea kushirikiana na taasisi mbalimbali ndani na nje ya Tanzania katika kuwawezesha maimamu na walimu wa madrasa. Amesema kuwawezesha maimamu ni muhimu kutokana na nafasi yao katika kuwaongoza waumini katika ibada, malezi na maendeleo ya jamii.
Read more