CCM TABORA YATOA MAAGIZO KWA BODI YA TUMBAKU KUMALIZA KERO ZA WAKULIMA

By -

 

Na Allan Kitwe, Tabora


CHAMA Cha Mapinduzi (CCM) Mkoani Tabora kimeitaka Bodi ya Tumbaku nchini (TTB) kuja na mikakati thabiti itakayosaidia kumaliza kero za wakulima wa zao hilo Mkoani humo na Mikoa mingine hapa nchini.


Agizo hilo limetolewa na Mwenyekiti wa CCM Mkoa wa Tabora Said Juma Nkumba alipokuwa akizungumza kwenye Kikao cha Halmashauri Kuu ya CCM Mkoa kilichofanyika jana Wilayani Kaliua Mkoani hapa.


Amesema kuwa zao la tumbaku ni zao muhimu sana kwa uchumi wa wakazi wa Mkoa huo na Mikoa mingine, lakini limekuwa likikabiliwa na changamoto kadha wa kadha hali ambayo imekuwa ikilalamikiwa mno na wananchi.


'Naipongeza Serikali ya Awamu ya Sita chini ya Uongozi wa Rais Dkt Samia Suluhu Hassan kwa jitihada mbalimbali ambazo imekuwa ikichukua ili kuhakikisha kilimo kinaboreshwa na masoko ya uhakika yanapatikana’, ameeleza.


Komredi Nkumba amedokeza kuwa CCM inajivunia mafanikio makubwa ambayo yameendelea kupatikana katika sekta ya kilimo na sekta nyingine na kuongeza kuwa kero wanazokumbana nazo wakulima wa zao hili zinawaumiza.


‘Katika kikao hiki tumemwalika Mkurugenzi wa Bodi ya Tumbaku nchini (TTB) ili atueleze jinsi walivyojipanga kumaliza kero za tumbaku, mkulima anapaswa kujua bei ya soko kabla ya kuanza msimu mpya wa kilimo’, amesema.


Ilani ya uchaguzi ya CCM inaeleza bayana kuwa shughuli za wakulima zitaendelea kuboreshwa ili kuwakwamua kiuchumi, hivyo changamoto za tumbaku zinapaswa kutafutiwa ufumbuzi wa kudumu, ameongeza Nkumba.


Akifafanua hoja zilizotolewa, Mkurugenzi wa TTB Stanley Nozya ameipongeza CCM na Uongozi wa Mkoa kwa kuialika Bodi hiyo ili ije kutoa ufafanuzi wa masuala mbalimbali yanayohusu zao la tumbaku.  


Amekiri kuwepo changamoto kadhaa kwenye masoko ya zao hilo hali ambayo ameeleza kuwa inasababishwa na mambo kadhaa ikiwemo hali ya soko la dunia, uchache wa wanunuzi wenye uwezo mkubwa na ubora wa tumbaku ya wakulima.


‘Wizara ya Kilimo kwa kushirikiana na Bodi ya Tumbaku tumeendelea kuchukua hatua mbalimbali ili kumaliza kero za wakulima wa tumbaku na kupanua wigo wa masoko ili kuhakikisha tumbaku yote inayozalishwa inanunuliwa’, ameeleza.


Nozya amepongeza wakulima wa Mkoa huo kwa kuongoza kwa uzalishaji wa tumbaku nchini ila akaeleza kusikitishwa na tabia ya baadhi yao kuchanganya tumbaku safi na chafu hali inayopelekea kuuza kwa bei ndogo au kukataliwa kabisa.


Katika msimu ujao tuna habari njema kwa wakulima wa tumbaku, muda sio mrefu tutatambulisha wanunuzi wapya 2 wakubwa kutoka nje, ambao wana uwezo wa kununua tumbaku nyingi zaidi, hilo linashughulikiwa na serikali,’ amedokeza.  


Ameeleza kuwa TTB itaandaa mkutano maalumu wa wadau wa tumbaku na wanahabari ili kupokea kero, maoni na ushauri mbalimbali utakaosaidia kuboresha kilimo cha zao hilo na kuinua maisha ya wakulima kwa ujumla.






Comments

Post a Comment

Popular posts from this blog

DIWANI WA KEREGE BAGAMOYO, AFIKISHA KILIO CHA WANANCHI DAWASA.

By -
Image
  Na Mwandishi wetu, Bagamoyo. Mhe. Diwani wa kata Kerege ndugu Yusuph Ngoroge Augost tarehe 10, 2026 alifanikiwa kufika ofisi za Dawasa Mapinga kujadiliana na Meneja wa Dawasa tawi la Mapinga kuhusu changamoto ya maji ya vitongoji vya Kitonga, Nyakahamba na Kilemela. Akizungumza na Mwandishi wa Habari hizi mara baada ya kutoka ofisi za DAWASA Mapinga, Diwani huyo wa kata ya Kerege, Mhe. Ngoroge, amesema Kitongoji cha Kitonga kimekuwa na changamoto ya maji kwa zaidi ya miaka mitatu sasa ambapo maji hayatoki kwa wakati. Alisema Kitongoji cha Kitonga ndio kuna kituo cha Afya ambapo matumizi ya maji ni makubwa kulingana na umuhimu wake. Mh. Diwani alifikisha kilio hicho kwa niaba ya wananchi wake ambao wamekuwa wakikosa maji kwa muda mrefu hali inayoleta usumbufu kwa wananchi wa vitongoji hivyo. Meneja alipokea changamoto na kukubaliana na Mhe. Diwani kuwa siku ya Ijumaa Augost 14, 2026  watatembelea maeneo yote ili kuona jinsi ya kutafuta ufumbuzi wa tatizo hilo. Meneja huyo wa ...
Read more

DKT. NCHIMBI AWASILI ZANZIBAR, NI MGENI RASMI UZINDUZI WA JENGO LA DAKHALIA SKULI YA HUSNUU MAKAME

By -
Image
  Makamu wa Rais wa Jamhuri ya Muungano wa Tanzania Mhe. Balozi Dkt. Emmanuel Nchimbi amewasili Zanzibar, leo tarehe 11 Agosti 2026.  Makamu wa Rais anatarajiwa kuwa Mgeni Rasmi katika Ufunguzi wa Jengo la Dakhalia katika Skuli ya Sekondari ya Husnuu Makame – Kibuteni Unguja, ikiwa ni shamrashamra ya Tamasha la Kizimkazi. (Kizimkazi Festival 2026)
Read more

BAGAMOYO: MJI WA KIHISTORIA UNAONGOJEA MAPINDUZI MAKUBWA YA KIUCHUMI KUPITIA BANDARI MPYA

By -
Image
  Na Albert Kawogo BAGAMOYO, mji wenye historia kubwa katika ukanda wa Afrika Mashariki, unaonekana kuelekea katika sura mpya ya maendeleo ya kiuchumi ikiwa mipango ya ujenzi na uendelezaji wa Bandari ya Bagamoyo itatekelezwa kwa ufanisi. Kwa miaka mingi, Bagamoyo imejulikana zaidi kwa historia yake ya biashara, utamaduni na urithi wa kihistoria.  Hata hivyo, mji huo sasa una nafasi ya kuongeza hadhi yake na kuwa moja ya vituo muhimu vya biashara, usafirishaji na uwekezaji nchini Tanzania. Bandsri ya Bagamoyo inatajwa kuwa miongoni mwa miradi yenye uwezo wa kubadili kwa kiasi kikubwa sura ya uchumi wa eneo hilo na kuongeza ushindani wa Tanzania katika biashara ya kimataifa. Kutoka mji wa historia hadi kitovu cha biashara Historia ya Bagamoyo imeifanya kuwa miongoni mwa miji muhimu zaidi katika historia ya Tanzania na Afrika Mashariki. Eneo hilo lilikuwa kituo muhimu cha biashara na lilihusishwa kwa karibu na safari za misafara iliyounganisha maeneo ya ndani ya Afrika na pwani ...
Read more

TANZANIA KUPATA DOLA MILIONI 41 ZA KUHIMILI MABADILIKO YA TABIANCHI

By -
Image
  Tanzania kupata dola milioni 41 za uhifadhi wa bioanuwai, kuhimili mabadiliko ya tabianchi Tanzania inatarajiwa kunufaika na takribani Dola za Marekani milioni 41 kupitia madirisha mbalimbali ya ufadhili wa Global Environment Facility (GEF), kwa ajili ya kuimarisha uhifadhi wa bioanuwai, urejeshwaji wa mifumo ikolojia na kujenga ustahimilivu dhidi ya athari za mabadiliko ya tabianchi. Hayo yamebainika katika mazungumzo kati ya Katibu Mkuu, Ofisi ya Makamu wa Rais, Dkt. Richard Muyungi na Mratibu wa Bioanuwai wa GEF kwa Afrika, Bw. Jurgis Sapijanskas, yaliyofanyika Nairobi, Kenya, pembezoni mwa mikutano ya SBSTTA-28 na SBI-7 mwishoni mwa wiki. Katika mazungumzo hayo, imeelezwa kuwa takribani Dola za Marekani milioni 16 zimetengwa kupitia dirisha ya GEF – Trust Fund katika Mzunguko wa 9 (GEF-9), huku fursa nyingine zikijumuisha Dola milioni 20 kupitia Mfuko wa Least Developed Countries Fund (LDCF) kwa ajili ya kukabiliana na athari za mabadiliko ya tabianchi, pamoja na Dola milioni...
Read more

KIKWETE ATEMBELEA BANDA LA HALMASHAURI YA MJI BAGAMOYO NANENANE

By -
Image
  Rais Mstaafu wa Awamu ya Nne wa Jamhuri ya Muungano wa Tanzania Mhe Dkt.Jakaya Mrisho Kikwete ametembelea Banda la Halmashauri ya Mji Bagamoyo katika maonesho ya Nanenane kanda ya mashariki Mkoani Morogoro. Dkt Jakaya amewasalimu Wajasiliamali wote waliokuwa katika Banda na watumushi wote  pamoja na kuona bidhaa walizonazo katika maonesho hayo huku akipendezwa na ubunifu wao katika bidhaa zao. Halmashauri ya Mji Bagamoyo imeendelea kuwa washiriki wazuri katika maonesho ya Kilimo,Mifugo na Uvuvi Nanenane kwa kuendelea kuwa wabunifu wa utengenezaji wa Bidhaa mbalimbali kwa kila Mwaka. Rais Mstaafu wa Awamu ya Nne wa Jamhuri ya Muungano wa Tanzania Mhe Dkt.Jakaya Mrisho Kikwete ametembelea Banda la Halmashauri ya Mji Bagamoyo katika maonesho ya Nanenane kanda ya mashariki Mkoani Morogoro. Dkt Jakaya amewasalimu Wajasiliamali wote waliokuwa katika Banda na watumushi wote  pamoja na kuona bidhaa walizonazo katika maonesho hayo huku akipendezwa na ubunifu wao katika bidhaa za...
Read more

KAMATI YA UCHUMI UJENZI NA MAZINGIRA BAGAMOYO YAKAGUA MIRADI.

By -
Image
  Mwenyekiti wa Kamati ya Uchumi Ujezi na Mazingira Mhe Amiry Sanday Mpwimbwi leo tarehe 13 Agosti 2026 ameongoza Kamati hiyo kutembelea na kukagua miradi inayoendelea katika Halmashauri ya Mji Bayamoyo  Mwenyekiti wa Kamati ametoa Pongezi kwa uongozi wa kiwanda cha Kamal kinachotengeneza Oil kwa uwekezaji wao katika Halmashauri ya Mji Bagamoyo na kuzalisha Ajira kwa vijana wa Bagamoyo  Pia Mhe Amiry amesema kuwa  changamoto ambazo zimeelezwa na uongozi wa Kamal wamezichukua na watahakikisha wanazifanyia kazi ili kuona zinatatuliwa kwa wakati ili uzalishaji usikwame. Kamati ya Uchumi pia imetembelea na kukagua Maendeleo ya kiwanda cha Sinovest investment limited kilichopo Kata ya Zinga kinachofanya uzalishaji wa nguo ambapo kiwanda hicho pia bado kinaendelea na ujenzi pamoja na ufungaji wa miundombinu kwa ajili ya uzalishaji. Mhe Mwenyekiti ametoa maagizo kwa Afisa Biashara kuhakikisha wanaendelea kusimamia Yale ambayo yanaendelea katika Kiwanda hicho na kuendelea ku...
Read more