DC NICKSON SIMON: USHIRIKIANO WA SERIKALI NA NGOs NI NGUZO YA MAENDELEO YA WANANCHI

By -

 

KIBAHA – Mkuu wa Wilaya ya Kibaha, Mhe. Nickson Simon, amezitaka Asasi Zisizo za Kiserikali (NGOs) wilayani humo kuimarisha ushirikiano na Serikali katika utekelezaji wa miradi ya maendeleo ili kuongeza tija na kuleta matokeo chanya kwa wananchi.


Akifungua kikao cha mashauriano kati ya Ofisi ya Mkuu wa Wilaya na wawakilishi wa NGOs kilichofanyika katika Ofisi ya Mkuu wa Wilaya ya Kibaha, DC. Nickson alisema Serikali na NGOs zina lengo moja la kuwaletea wananchi maendeleo, hivyo ni muhimu shughuli na miradi inayotekelezwa iwe na mshikamano na kuendana na vipaumbele vya taifa.


Alieleza kuwa ushirikiano huo unaonekana katika sekta mbalimbali ikiwemo elimu, ambapo Serikali na NGOs zote zinatekeleza miradi ya kuboresha mazingira ya kujifunzia na kufundishia.



Aliongeza kuwa hali hiyo pia ipo katika sekta za afya, mazingira, haki za binadamu pamoja na uwezeshaji wa makundi maalumu.


Katika kikao hicho, Mkuu wa Wilaya aliainisha maeneo muhimu yanayopaswa kupewa kipaumbele na NGOs kwa kuzingatia mwelekeo wa Dira ya Taifa ya Maendeleo. Maeneo hayo ni pamoja na matumizi ya majukwaa ya kidijitali (digital platforms), uwezeshaji wa vijana na ajira, pamoja na uhifadhi wa mazingira na matumizi ya nishati safi.


Mhe. Nickson pia alishiriki uzoefu wake kuhusu mbinu za kutafuta na kupata ufadhili kwa taasisi za maendeleo. Alizitaka NGOs kujijenga na kujipanga vizuri ili kuvutia wafadhili kwa kuwa na maandiko na mawasilisho yenye kuonyesha mahitaji halisi ya jamii kwa usahihi.


“Ni muhimu kuwa mahususi katika kuandaa miradi na mapendekezo ya ufadhili. Epukeni kuwa wa jumla sana; elezeni changamoto, malengo na matokeo yanayotarajiwa kwa uwazi ili kuongeza uwezekano wa kupata fedha,” alisema.


Aidha, aliwahimiza viongozi wa NGOs kuanza kutumia fursa za wafadhili wa ndani ya nchi badala ya kutegemea wafadhili wa nje pekee, akibainisha kuwa rasilimali za ndani zinaweza kuwa chanzo muhimu cha kuendeleza miradi yenye manufaa kwa jamii kwa muda mrefu.


Kikao hicho kilitoa fursa kwa Serikali na NGOs kubadilishana mawazo kuhusu namna bora ya kuimarisha ushirikiano na kuongeza mchango wao katika maendeleo ya Wilaya ya Kibaha.





Comments

Post a Comment

Popular posts from this blog

DIWANI WA KEREGE BAGAMOYO, AFIKISHA KILIO CHA WANANCHI DAWASA.

By -
Image
  Na Mwandishi wetu, Bagamoyo. Mhe. Diwani wa kata Kerege ndugu Yusuph Ngoroge Augost tarehe 10, 2026 alifanikiwa kufika ofisi za Dawasa Mapinga kujadiliana na Meneja wa Dawasa tawi la Mapinga kuhusu changamoto ya maji ya vitongoji vya Kitonga, Nyakahamba na Kilemela. Akizungumza na Mwandishi wa Habari hizi mara baada ya kutoka ofisi za DAWASA Mapinga, Diwani huyo wa kata ya Kerege, Mhe. Ngoroge, amesema Kitongoji cha Kitonga kimekuwa na changamoto ya maji kwa zaidi ya miaka mitatu sasa ambapo maji hayatoki kwa wakati. Alisema Kitongoji cha Kitonga ndio kuna kituo cha Afya ambapo matumizi ya maji ni makubwa kulingana na umuhimu wake. Mh. Diwani alifikisha kilio hicho kwa niaba ya wananchi wake ambao wamekuwa wakikosa maji kwa muda mrefu hali inayoleta usumbufu kwa wananchi wa vitongoji hivyo. Meneja alipokea changamoto na kukubaliana na Mhe. Diwani kuwa siku ya Ijumaa Augost 14, 2026  watatembelea maeneo yote ili kuona jinsi ya kutafuta ufumbuzi wa tatizo hilo. Meneja huyo wa ...
Read more

DKT. NCHIMBI AWASILI ZANZIBAR, NI MGENI RASMI UZINDUZI WA JENGO LA DAKHALIA SKULI YA HUSNUU MAKAME

By -
Image
  Makamu wa Rais wa Jamhuri ya Muungano wa Tanzania Mhe. Balozi Dkt. Emmanuel Nchimbi amewasili Zanzibar, leo tarehe 11 Agosti 2026.  Makamu wa Rais anatarajiwa kuwa Mgeni Rasmi katika Ufunguzi wa Jengo la Dakhalia katika Skuli ya Sekondari ya Husnuu Makame – Kibuteni Unguja, ikiwa ni shamrashamra ya Tamasha la Kizimkazi. (Kizimkazi Festival 2026)
Read more

BAGAMOYO: MJI WA KIHISTORIA UNAONGOJEA MAPINDUZI MAKUBWA YA KIUCHUMI KUPITIA BANDARI MPYA

By -
Image
  Na Albert Kawogo BAGAMOYO, mji wenye historia kubwa katika ukanda wa Afrika Mashariki, unaonekana kuelekea katika sura mpya ya maendeleo ya kiuchumi ikiwa mipango ya ujenzi na uendelezaji wa Bandari ya Bagamoyo itatekelezwa kwa ufanisi. Kwa miaka mingi, Bagamoyo imejulikana zaidi kwa historia yake ya biashara, utamaduni na urithi wa kihistoria.  Hata hivyo, mji huo sasa una nafasi ya kuongeza hadhi yake na kuwa moja ya vituo muhimu vya biashara, usafirishaji na uwekezaji nchini Tanzania. Bandsri ya Bagamoyo inatajwa kuwa miongoni mwa miradi yenye uwezo wa kubadili kwa kiasi kikubwa sura ya uchumi wa eneo hilo na kuongeza ushindani wa Tanzania katika biashara ya kimataifa. Kutoka mji wa historia hadi kitovu cha biashara Historia ya Bagamoyo imeifanya kuwa miongoni mwa miji muhimu zaidi katika historia ya Tanzania na Afrika Mashariki. Eneo hilo lilikuwa kituo muhimu cha biashara na lilihusishwa kwa karibu na safari za misafara iliyounganisha maeneo ya ndani ya Afrika na pwani ...
Read more

TANZANIA KUPATA DOLA MILIONI 41 ZA KUHIMILI MABADILIKO YA TABIANCHI

By -
Image
  Tanzania kupata dola milioni 41 za uhifadhi wa bioanuwai, kuhimili mabadiliko ya tabianchi Tanzania inatarajiwa kunufaika na takribani Dola za Marekani milioni 41 kupitia madirisha mbalimbali ya ufadhili wa Global Environment Facility (GEF), kwa ajili ya kuimarisha uhifadhi wa bioanuwai, urejeshwaji wa mifumo ikolojia na kujenga ustahimilivu dhidi ya athari za mabadiliko ya tabianchi. Hayo yamebainika katika mazungumzo kati ya Katibu Mkuu, Ofisi ya Makamu wa Rais, Dkt. Richard Muyungi na Mratibu wa Bioanuwai wa GEF kwa Afrika, Bw. Jurgis Sapijanskas, yaliyofanyika Nairobi, Kenya, pembezoni mwa mikutano ya SBSTTA-28 na SBI-7 mwishoni mwa wiki. Katika mazungumzo hayo, imeelezwa kuwa takribani Dola za Marekani milioni 16 zimetengwa kupitia dirisha ya GEF – Trust Fund katika Mzunguko wa 9 (GEF-9), huku fursa nyingine zikijumuisha Dola milioni 20 kupitia Mfuko wa Least Developed Countries Fund (LDCF) kwa ajili ya kukabiliana na athari za mabadiliko ya tabianchi, pamoja na Dola milioni...
Read more

KIKWETE ATEMBELEA BANDA LA HALMASHAURI YA MJI BAGAMOYO NANENANE

By -
Image
  Rais Mstaafu wa Awamu ya Nne wa Jamhuri ya Muungano wa Tanzania Mhe Dkt.Jakaya Mrisho Kikwete ametembelea Banda la Halmashauri ya Mji Bagamoyo katika maonesho ya Nanenane kanda ya mashariki Mkoani Morogoro. Dkt Jakaya amewasalimu Wajasiliamali wote waliokuwa katika Banda na watumushi wote  pamoja na kuona bidhaa walizonazo katika maonesho hayo huku akipendezwa na ubunifu wao katika bidhaa zao. Halmashauri ya Mji Bagamoyo imeendelea kuwa washiriki wazuri katika maonesho ya Kilimo,Mifugo na Uvuvi Nanenane kwa kuendelea kuwa wabunifu wa utengenezaji wa Bidhaa mbalimbali kwa kila Mwaka. Rais Mstaafu wa Awamu ya Nne wa Jamhuri ya Muungano wa Tanzania Mhe Dkt.Jakaya Mrisho Kikwete ametembelea Banda la Halmashauri ya Mji Bagamoyo katika maonesho ya Nanenane kanda ya mashariki Mkoani Morogoro. Dkt Jakaya amewasalimu Wajasiliamali wote waliokuwa katika Banda na watumushi wote  pamoja na kuona bidhaa walizonazo katika maonesho hayo huku akipendezwa na ubunifu wao katika bidhaa za...
Read more

VERONICA MREMA WA TANZANIA AINGIA SITA BORA TUZO ZA ISU ELIHLE 2026 AFRIKA

By -
Image
  Na Mwandishi Wetu Mtanzania Veronica Mrema , mwanachama wa Mtandao wa Mabloga Tanzania , TBN, anayeendesha jukwaa la kidijiti la  M24 TANZANIA MEDIA ni miongoni mwa waandishi wa  habari sita  waliochaguliwa kuendelea na mchakato wa tuzo za ISU Elihle kwa mwaka 2026 Barani Afrika. Veronica ametajwa katika orodha hiyo baada ya wazo lake la habari kuhusu watoto wanaoishi na ugonjwa wa Siko Seli kupitiwa, na kuonekana ni bora. Jopo la majaji wa tuzo hizo limesema kulikuwa na mawazo 155 ambayo walipokea kutoka nchi mbalimbali za Afrika. Hatua ya Veronica kutajwa kwenye tuzo hiyo inaongeza rekodi nzuri katika uandishi wa habari za afya na maendeleo na kuiweka Tanzania katika nafasi ya kuendelea kutoa waandishi wa habari wanaotumia kalamu zao kuibua changamoto za watoto na kuchochea mabadiliko yenye manufaa kwa jamii. Kupitia wazo lake lililochaguliwa Veronica atafanya uchunguzi na kuibua simulizi kuhusu mzigo unaoongezeka wa ugonjwa wa Siko Seli miongoni mwa watoto nchin...
Read more