SAMIA: MAULID ITUKUMBUSHE KUISHI KWA UPENDO NA AMANI

By -

 

SAMIA: MAULID ITUKUMBUSHE KUISHI KWA UPENDO NA AMANI


Na Rashid Mtagaluka


DAR ES SALAAM: 


Rais Dkt. Samia Suluhu Hassan amewataka Watanzania kutumia maadhimisho ya Maulidi kutafakari maisha ya Mtume Muhammad (S.A.W) na kujifunza misingi ya upendo, wema na amani.


Ujumbe huo wa Rais Samia umetolewa leo, Agosti 25, 2026, na Waziri Mkuu, Dkt. Mwigulu Nchemba, aliyemwakilisha Rais katika Baraza la Maulidi lililofanyika katika Ukumbi wa Mwalimu Julius Nyerere International Convention Centre (JNICC), jijini Dar es Salaam.


Katika ujumbe huo, Rais Samia amesema maadhimisho ya mazazi ya Mtume Muhammad yanapaswa kuwa fursa ya kuwakumbusha waumini umuhimu wa kuishi kwa upendo, amani na kutendeana mema.


Amesema kutafakari maisha ya Mtume Muhammad kutawasaidia Watanzania kuona uzuri wa mafundisho yake na kuyaweka katika maisha ya kila siku.


Akizungumza kwa niaba ya Rais, Dkt. Nchemba amesema serikali imedhamiria kuendelea kushirikiana na taasisi za dini katika kujenga jamii yenye maadili, akisisitiza umuhimu wa malezi ya watoto na vijana.


Amesema mazingira ya sasa yameleta changamoto mpya katika malezi, huku watoto wa kiume akiwataja kuwa miongoni mwa wanaokabili hatari kubwa ikilinganishwa na ilivyokuwa zamani.


“Watoto wakifundishwa vema malezi mazuri, hata wakikua hawataacha,” amesema Dkt. Nchemba, akisisitiza kuwa malezi si jukumu la wazazi pekee bali la jamii nzima.

Amegusa pia matumizi ya mitandao ya kijamii, akimpongeza Mufti na Sheikh Mkuu wa Tanzania, Dkt. Abubakari Zubeir Bin Ally Mbwana, kwa kuendelea kuhimiza matumizi sahihi ya mitandao miongoni mwa vijana.


Katika eneo la amani na umoja wa kitaifa, Dkt. Nchemba amesema amani inapaswa kuendelea kuwa msingi wa maendeleo ya Tanzania, ikiwamo kuvutia uwekezaji.


Amesisitiza umuhimu wa kuheshimu Katiba, haki na wajibu wa kila mwananchi, akisema migogoro ya kidini haina mshindi na kwamba Watanzania wanapaswa kujenga utamaduni wa kuvumiliana na kuheshimiana.


Kwa upande wake, Mufti na Sheikh Mkuu wa Tanzania, Dkt. Abubakari Zubeir Bin Ally Mbwana, amewataka viongozi wa Baraza Kuu la Waislamu Tanzania (BAKWATA) kufanya kazi kwa bidii na kutekeleza majukumu yao badala ya kusubiri kuondolewa madarakani.


Mufti Zubeir amesema viongozi hawapaswi kuwa “wachungu mno mpaka wakatemwa”, wala kuwa “watamu mno mpaka wakalambwa”, akisisitiza kuwa uongozi ni dhamana inayopaswa kuonekana kupitia kazi na matokeo.


Amesema kiongozi hapaswi kushikilia nafasi kwa ajili ya nafasi yenyewe, bali kutumia dhamana aliyopewa kuwatumikia Waislamu na kuendeleza taasisi.


Kauli hiyo imekuja wakati BAKWATA ikiwa imekamilisha  mchakato wa kupata uongozi wake katika ngazi za msikiti, kata, wilaya, mkoa na Taifa, huku viongozi wapya wakichaguliwa kushika nafasi mbalimbali.


Dkt. Nchemba amewapongeza waliochaguliwa na kuwataka ambao hawakupata nafasi hizo kutokuwa na “nongwa”, akisema mabadiliko ya uongozi ni jambo la kawaida katika taasisi.


Katika hatua nyingine, Waziri Mkuu Nchemba ameahidi  kuchangia safari ya mahujaji wa mwaka huu kwa kuwapeleka kati ya mahujaji watano hadi 10, kutegemea hali ya uchumi.


Baraza hilo limefanyika ikiwa sehemu ya maadhimisho ya Maulidi, likiwakutanisha viongozi wa Serikali, viongozi wa dini na waumini kutoka maeneo mbalimbali.





Comments

Post a Comment

Popular posts from this blog

LISU AKUTWA NA KESI YA KUJIBU.

By -
Image
  MAHAKAMA Kuu ya Tanzania, Masjala Ndogo ya Dar es Salaam, imemkuta Mwenyekiti wa Chama cha Demokrasia na Maendeleo (CHADEMA), Tundu Lissu, ana kesi ya kujibu katika shauri la uhaini linalomkabili. Uamuzi huo umetolewa leo tarehe 21 Agosti 2026  baada ya Mahakama kupitia ushahidi uliowasilishwa na upande wa mashtaka unaoongozwa na Ofisi ya Mkurugenzi wa Mashtaka (DPP), na kujiridhisha kuwa ushahidi huo unatosha kumtaka mshtakiwa kutoa utetezi wake. Akisoma uamuzi huo, Jaji Ndunguru, anayeongoza jopo la majaji linalosikiliza shauri hilo, amesema Mahakama imechambua ushahidi uliowasilishwa na upande wa mashtaka na kubaini kuwa umefikia kiwango kinachomhitaji Lissu kujibu tuhuma zinazomkabili. Uamuzi huo unaashiria kuingia kwa kesi hiyo katika hatua muhimu ya utetezi, ambapo Lissu atapata fursa ya kueleza upande wake wa jambo mbele ya Mahakama. Katika hatua hiyo, upande wa utetezi utakuwa na nafasi ya kuwasilisha ushahidi wake, kutoa maelezo kuhusu tuhuma zinazomkabili pamoja na...
Read more

BAKWATA YATANGAZA SIKUKUU YA MAULIDI NI TAREHE 25 AGOSTI 2026

By -
Image
  Baraza Kuu la waislamu wa Tanzania (BAKWATA) limetangaza sikukuu ya kuzaliwa kwa Mtume Muhammadi Swala Allahu Alayhi Wasalam, kuwa ni siku ya jumanne ya tarehe 25 Agosti 2026. Katika Taarifa iliyotolewa na kusainiwa na Katibu Mkuu BAKWATA, Alhaji, Nuhu Jabiri Mruma, imesema Maulidi itasomwa usiku wa siku ya jumatatu ya tarehe 24 Agosti 2026 katika viwanja vya Mnazi mmoja jijini Dar es salaam.
Read more

WATU 16 JELA KWA MAKOSA YA WIZI, UBAKAJI.

By -
Image
  Na Allan Kitwe, Tabora JESHI la Polisi Mkoani Tabora limekamata jumla ya watuhumiwa 128 na kuwafikisha mahakamani kwa makosa mbalimbali ikiwemo wizi, ubakaji, mauaji, kujeruhi na kuharibu mali, ambapo 16 kati yao wamehukumiwa kifungo. Kamanda wa Polisi Mkoani hapa Kamishna Msaidizi wa Polisi (ACP) Twaha Lulengelule amethibitisha kukamatwa watuhumiwa hao na kufikishwa mahakamani ili sheria ichukue mkondo wake.  Amefafanua kuwa watuhumiwa hao wamekamatwa katika oparesheni maalumu iliyofanywa na askari polisi kuanzia Julai 1 mwaka huu hadi sasa katika maeneo mbalimbali ya Mkoa huo kwa lengo la kuimarisha amani na usalama. Kamanda Lulengelule, amebainisha kuwa miongoni mwa watuhumiwa hao, 16 walioswekwa jela wapo waliohusika na makosa ya mauaji, ubakaji, wizi wa mali za watu, kujeruhi, kuharibu mali, kutishia kuua kwa silaha, shambulio la mwili na kutelekeza mtoto. Ametaja aliyehukumiwa kwa kosa la kubaka kuwa ni Shaban Haruna Kilingo ambaye amefungwa miaka 30 jela huku Isack Ma...
Read more

SHAIBU NDEMANGA, AFUNGUA MAFUNZO YA JESHI LA AKIBA.

By -
Image
Mkuu wa Wilaya ya Bagamoyo Mhe Shaibu Ndemanga amefungua Mafunzo ya Jeshi la Akiba yanayofanyika  Kata ya Zinga Wilayani  Bagamoyo ikiwa na jumla ya wanafunzi 61. Mkuu huyo wa Wilaya ametoa pongezi kwa mshauri wa Jeshi la Akiba kwa kuhakikisha Mafunzo yanafanyika kila wakati licha ya kuwa na Changamoto mbalimbali zilizopo. Pamoja na hayo pia ametoa pongezi kwa Afisa Tarafa wa Yombo pamoja na Mtendaji kata ya Zinga kwa kukubali Mafunzo hayo kufanyika Katika Kata ya Zinga pamoja na kuwapongeza wanafunzi wote waliojitokeza katika Mafunzo hayo ya jeshi la Akiba. Mhe Mkuu wa Wilaya amesema kasi ya kujengwa kwa viwanda katika Kata ya Zinga ni kubwa hivyo ni fursa kwa vijana wote ambao tayari wampata Mafunzo hayo ili kuweza kupata fursa katika viwanda hivyo. Aidha Mhe Ndemanga ameeleza kuwa  kutokana na Fursa hizo ambazo tayari nyingine zinahitaji Vijana na kusema kuwa uongozi uone namna bora ya vijana hao kupata fursa katika sehemu hizo ili kupunguza changamoto ya ukosefu wa Aj...
Read more

RAIS, DKT. SAMIA, ARIDHIA KUJIUZULU MAKAMU WA RAIS.

By -
Image
  RAIS, DKT. SAMIA, ARIDHIA KUJIUZULU MAKAMU WA RAIS. Kufauatia kusambaa kwa Taarifa ya kujiuzu Makamu wa Rais Dkt. Emanuel Nchimbi, Rais wa Jamhuri ya Muungano wa Tanzania, Dkt. Samia Suluhu Hassan, ameridhia ombi la kujiuzulu kwake. Katika Taarifa iliyotolewa na Katibu Mkuu kiongozi leo tarehe 25 Agosti 2026, imesema taratibu za kikatiba za kumpata Makamu wa Rais wa Jamhuri ya Muungano wa Tanzania mwingine zitachukuliwa. Mapema hii leo tarehe 25 Agosti 2026 zimesambaa taarifa ya kujiuzulu kwa Makamu wa Rais wa Jamhuri ya Muungano wa Tanzania kwenye mitandao ya kijamii na vyombo mbalimbali vya habari vya ndani na nje ya nchi.
Read more

NEEMA YAWASHUKIA WAKULIMA WA TUMBAKU

By -
Image
  Na Allan Kitwe, Tabora BODI ya Tumbaku nchini (TTB) imetangaza kuwa bei ya tumbaku msimu ujao wa kilimo itakuwa Dola za Kimarekani 2.5 kwa kilo sawa na shilingi 6,000 au zaidi kutokana na kiwango cha kubadilishia fedha (exchange rate) cha wakati huo. Hayo yamebainishwa hivi karibuni na Mkurugenzi wa Bodi hiyo Stanley Nozya alipokuwa akiongea na Wataalamu, Wakuu wa Taasisi, Madiwani, Viongozi mbalimbali wa Chama na Serikali na Wajumbe wa Halmashauri Kuu ya CCM ngazi ya Mkoa. Ameeleza kuwa katika msimu uliopita wakulima hawakufurahishwa na bei ya soko ambayo ilikuwa Dola za Kimarekani 1.92 sawa na shilingi 4,800 hadi 4,900 kwa kilo hali iliyoibua malalamiko mengi na wengine kugoma kuuza tumbaku yao. ‘Zao hili limekuwa likikabiliwa na changamoto nyingi kwenye soko la dunia, kutokana na mabadiliko ya tabia nchi, lakini serikali imeendelea kufanya juhudi kubwa, ili kuhakikisha zao hili linakuwa na tija kubwa kwa mkulima’, ameongeza. Baada ya juhudi hizo, habari njema ni hii, katika ms...
Read more

KISARAWE YAJA NA SULUHU MAHITAJI YA BARUTI, VILIPUZI NCHINI

By -
Image
  Kiwanda Kikubwa Afrika Mashariki Kuanza Uzalishaji Septemba,2026 Dkt. Kiruswa Aahidi Serikali Kushughulikia Changamoto za Wawekezaji  DC Magoti: Kisarawe Tayari kwa Mapinduzi ya Viwanda  Kisarawe Wilaya ya Kisarawe inaendelea kujijenga kuwa kitovu cha uzalishaji wa baruti na vilipuzi nchini, kufuatia kuanzishwa kwa viwanda viwili vinavyolenga kuongeza uzalishaji wa bidhaa hizo ndani ya nchi na kupunguza utegemezi wa uagizaji kutoka nje. Viwanda hivyo ni Ideal Detonators Tanzania Limited, kinachotarajiwa kuwa miongoni mwa viwanda vikubwa vya aina hiyo katika Ukanda wa Afrika Mashariki, na Solar Intracom Chemicals Limited. Ideal kina uwezo wa kuzalisha tani 84,000 za baruti na vipande 50,000 vya vilipuzi kwa mwaka, huku Solar kikiwa na uwezo wa kuzalisha tani 25,000 za baruti na vipande 15,000 vya vilipuzi kwa mwaka. Akizungumza wakati wa ziara yake Wilayani Kisarawe iliyolenga kukagua shughuli za madini, kufahamu changamoto za wawekezaji na kufuatilia utekelezaji wa mira...
Read more