KIKWETE: KARAKANA ZA SHULE ZITUMIKE KUKUZA UBUNIFU NA UJUZI WA VIJANA

By -

 

Na Albert Kawogo, BAGAMOYO:


Waziri wa Nchi, Ofisi ya Rais, Menejimenti ya Utumishi wa Umma na Utawala Bora, Ridhiwani Kikwete, amezitaka shule kutumia ipasavyo karakana zinazojengwa katika utekelezaji wa mtaala ulioboreshwa ili kuwawezesha vijana kupata ujuzi, kukuza vipaji na kujenga uwezo wa kujiajiri.


Kikwete amesema karakana hizo hazipaswi kufunguliwa au kutumika wakati wa ziara za viongozi pekee, bali zinapaswa kuwa sehemu muhimu ya mazingira ya kujifunzia na kuwaandaa vijana kwa maisha ya baadaye.


Amesema Taifa haliwezi kujengwa kwa kutegemea vyeti pekee, bali linahitaji watu wenye uwezo wa kutumia maarifa yao kutatua changamoto na kubadilisha changamoto hizo kuwa fursa za kiuchumi.


“Endapo karakana hizi zitatumika vizuri, zitaibua fani na vipaji vya watoto na kuwafanya kuwa wabunifu, jambo ambalo litawasaidia kujiajiri na kuajirika katika maeneo mbalimbali hapa nchini,” amesema Kikwete.


Waziri huyo ameyasema hayo Agosti 15 alipokuwa akizungumza katika sherehe za maadhimisho ya miaka 20 tangu kuanzishwa kwa Taasisi ya Shule za Shajar, inayomiliki Shule za Msingi na Sekondari za Baobab pamoja na Chuo cha Afya na Ufundi na zahanati.


Kikwete, ambaye alimwakilisha Rais Mstaafu wa Awamu ya Nne, Jakaya Mrisho Kikwete, pia ameuagiza uongozi wa taasisi hiyo kuhakikisha unasajili kazi za ubunifu zinazofanywa na wanafunzi ili kulinda haki zao za umiliki na kuzuia kazi hizo kuibiwa au kutumiwa na watu wengine bila idhini.


Aidha, ameitaka Baobab Vocational Center kuwa daraja la kuwawezesha vijana kutoka katika hatua ya kuwa na vipaji hadi kufikia uzalishaji, kwa kuwapatia mafunzo ya ufundi pamoja na ujasiriamali, usimamizi wa fedha na namna ya kutafuta masoko ya bidhaa na huduma wanazozalisha.


Naye  Mkuu wa Wilaya ya Bagamoyo, Shaibu Ndemanga, ameipongeza Taasisi ya Shule za Shajar kwa mchango wake katika kuwaandaa vijana kujiajiri kwa kutumia ujuzi na ubunifu wanaoupata kupitia elimu..


Ndemanga amesema Wilaya ya Bagamoyo hivi karibuni itaandaa maonyesho yatakayoshirikisha shule na taasisi zinazotoa elimu ya amali, kwa lengo la kuwawezesha wananchi kuona uwezo wa watoto katika taaluma mbalimbali pamoja na kazi za ubunifu wanazozalisha..


Kwa upande wake Kamishna wa Elimu, Lyambwene Mutahabwa, amewataka wananchi kushirikiana katika kuwalinda watoto na kuhakikisha wanakulia katika mazingira bora na salama yatakayowawezesha kupata elimu na kukuza vipaji vyao..


Awali, Mkurugenzi wa Taasisi ya Shule za Shajar, Shani Swai, ameishukuru Serikali kwa kuweka mazingira wezeshi kwa sekta binafsi, akisema hatua hiyo imeendelea kuchangia ukuaji wa sekta ya elimu nchini.


Comments

Post a Comment

Popular posts from this blog

DIWANI WA KEREGE BAGAMOYO, AFIKISHA KILIO CHA WANANCHI DAWASA.

By -
Image
  Na Mwandishi wetu, Bagamoyo. Mhe. Diwani wa kata Kerege ndugu Yusuph Ngoroge Augost tarehe 10, 2026 alifanikiwa kufika ofisi za Dawasa Mapinga kujadiliana na Meneja wa Dawasa tawi la Mapinga kuhusu changamoto ya maji ya vitongoji vya Kitonga, Nyakahamba na Kilemela. Akizungumza na Mwandishi wa Habari hizi mara baada ya kutoka ofisi za DAWASA Mapinga, Diwani huyo wa kata ya Kerege, Mhe. Ngoroge, amesema Kitongoji cha Kitonga kimekuwa na changamoto ya maji kwa zaidi ya miaka mitatu sasa ambapo maji hayatoki kwa wakati. Alisema Kitongoji cha Kitonga ndio kuna kituo cha Afya ambapo matumizi ya maji ni makubwa kulingana na umuhimu wake. Mh. Diwani alifikisha kilio hicho kwa niaba ya wananchi wake ambao wamekuwa wakikosa maji kwa muda mrefu hali inayoleta usumbufu kwa wananchi wa vitongoji hivyo. Meneja alipokea changamoto na kukubaliana na Mhe. Diwani kuwa siku ya Ijumaa Augost 14, 2026  watatembelea maeneo yote ili kuona jinsi ya kutafuta ufumbuzi wa tatizo hilo. Meneja huyo wa ...
Read more

HALMASHAURI YA BAGAMOYO YATENGA SHILINGI BILIONI 2, KWA MWAKA 2026/2027.

By -
Image
  Na Mwandishi wetu, Bagamoyo Halmashauri ya mji wa Bagamoyo kwa mwaka wa fedha 2026/2027 imetenga kiasi cha shilingi Bilioni 2 ili kutekeleza miradi ya maendeleo kwa fedha za mapato ya ndani.   Akizungumza na waandishi wa Habari, Mkurugenzi Mtendaji wa Halmashauri ya mji wa Bagamoyo, Shauri Selenda, amesema pia inatarajia kupokea fedha kiasi cha shilingi Bilioni 7 kutoka Serikali kuu, huku zaidi ya milioni 474 kutoka kwa wafadhili kwaajili ya miradi mbalimbali.   Amesema fedha hizo za mapato ya ndani zitatumika kutekeleza miradi mbalimbali kwa mwaka wa 2026/2027 huku miongoni mwa miradi hiyo ikienda kuunga juhudi za kutekeleza Dira ya Taifa ya mwaka 2050.   Alifafanua kuwa, miradi yote hiyo inalenga Kwenda kuwakwamua wananchi wakazi wa Bagamoyo katika kuboresha huduma mbalimbali na miundombinu ya mji wa Bagamoyo.   Selenda alisema mwaka 2021/2022 Halmashauri ya Bagamoyo ilikuwa inatenga fedha kiasi cha shilingi Milioni mia nane 800 lakini kwa ...
Read more

DKT. NCHIMBI AWASILI ZANZIBAR, NI MGENI RASMI UZINDUZI WA JENGO LA DAKHALIA SKULI YA HUSNUU MAKAME

By -
Image
  Makamu wa Rais wa Jamhuri ya Muungano wa Tanzania Mhe. Balozi Dkt. Emmanuel Nchimbi amewasili Zanzibar, leo tarehe 11 Agosti 2026.  Makamu wa Rais anatarajiwa kuwa Mgeni Rasmi katika Ufunguzi wa Jengo la Dakhalia katika Skuli ya Sekondari ya Husnuu Makame – Kibuteni Unguja, ikiwa ni shamrashamra ya Tamasha la Kizimkazi. (Kizimkazi Festival 2026)
Read more

BAGAMOYO: MJI WA KIHISTORIA UNAONGOJEA MAPINDUZI MAKUBWA YA KIUCHUMI KUPITIA BANDARI MPYA

By -
Image
  Na Albert Kawogo BAGAMOYO, mji wenye historia kubwa katika ukanda wa Afrika Mashariki, unaonekana kuelekea katika sura mpya ya maendeleo ya kiuchumi ikiwa mipango ya ujenzi na uendelezaji wa Bandari ya Bagamoyo itatekelezwa kwa ufanisi. Kwa miaka mingi, Bagamoyo imejulikana zaidi kwa historia yake ya biashara, utamaduni na urithi wa kihistoria.  Hata hivyo, mji huo sasa una nafasi ya kuongeza hadhi yake na kuwa moja ya vituo muhimu vya biashara, usafirishaji na uwekezaji nchini Tanzania. Bandsri ya Bagamoyo inatajwa kuwa miongoni mwa miradi yenye uwezo wa kubadili kwa kiasi kikubwa sura ya uchumi wa eneo hilo na kuongeza ushindani wa Tanzania katika biashara ya kimataifa. Kutoka mji wa historia hadi kitovu cha biashara Historia ya Bagamoyo imeifanya kuwa miongoni mwa miji muhimu zaidi katika historia ya Tanzania na Afrika Mashariki. Eneo hilo lilikuwa kituo muhimu cha biashara na lilihusishwa kwa karibu na safari za misafara iliyounganisha maeneo ya ndani ya Afrika na pwani ...
Read more

TANZANIA KUPATA DOLA MILIONI 41 ZA KUHIMILI MABADILIKO YA TABIANCHI

By -
Image
  Tanzania kupata dola milioni 41 za uhifadhi wa bioanuwai, kuhimili mabadiliko ya tabianchi Tanzania inatarajiwa kunufaika na takribani Dola za Marekani milioni 41 kupitia madirisha mbalimbali ya ufadhili wa Global Environment Facility (GEF), kwa ajili ya kuimarisha uhifadhi wa bioanuwai, urejeshwaji wa mifumo ikolojia na kujenga ustahimilivu dhidi ya athari za mabadiliko ya tabianchi. Hayo yamebainika katika mazungumzo kati ya Katibu Mkuu, Ofisi ya Makamu wa Rais, Dkt. Richard Muyungi na Mratibu wa Bioanuwai wa GEF kwa Afrika, Bw. Jurgis Sapijanskas, yaliyofanyika Nairobi, Kenya, pembezoni mwa mikutano ya SBSTTA-28 na SBI-7 mwishoni mwa wiki. Katika mazungumzo hayo, imeelezwa kuwa takribani Dola za Marekani milioni 16 zimetengwa kupitia dirisha ya GEF – Trust Fund katika Mzunguko wa 9 (GEF-9), huku fursa nyingine zikijumuisha Dola milioni 20 kupitia Mfuko wa Least Developed Countries Fund (LDCF) kwa ajili ya kukabiliana na athari za mabadiliko ya tabianchi, pamoja na Dola milioni...
Read more

BIL 31 KUKAMILISHA BARABARA YA LAMI KIBONDO MJINI

By -
Image
  Na Allan Kitwe, Kibondo SERIKALI ya Awamu ya Sita inayoongozwa na Rais Dkt Samia Suluhu Hassan imepeleka shilingi bil 31.9 kukamilisha matengenezo ya km 25.9 za barabara ya lami ambayo ni mchepuko wa barabara kuu inayoingia Kibondo Mjini. Ujenzi wa barabara hii inayoanzia eneo la Nduta Junction kupitia vijiji vya Malolegwa, Kitahana na Twabagondozi hadi Kibondo Mjini ambayo awali iliishia kwenye makutano ya barabara ya Mabamba unatarajia kukamilika Desemba 2026. Akizungumzia na Mwandishi wa habari hizi hivi karibuni, Kaimu Meneja wa TANROADS Mkoa wa Kigoma, Mhandisi Edson Edward amesema kuwa barabara hiyo ni muhimu sana kwa kuwa itarahisisha usafiri na usafirishaji bidhaa na mazao ya wananchi. Ametaja mazao makuu yanayolimwa katika Wilaya hiyo kuwa ni maharage, mahindi, parachichi na mihogo na kudokeza kuwa kukamilika kwake kutawezesha wakulima kufikisha mazao yao sokoni kwa haraka na kwa gharama nafuu zaidi. ‘Kukamilika kwa mradi huu unaogharimu kiasi cha shilingi bilioni 31.9 k...
Read more