Waziri
wa Mifugo na Uvuvi, Luhaga Mpina, akizungumza na wafanyakazi wa Wakala wa Elimu na Mafunzo ya Uvuvi (FETA) alipotembelea Makao makuu ya FETA, Mbegani wilayani Bagamoyo jana Septemba 18, 2019.
..................................
Waziri
wa Mifugo na Uvuvi, Luhaga Mpina ametoa miezi mitatu kwa Wakala wa Elimu na
Mafunzo ya Uvuvi (FETA) pamoja na Taasisi ya Uvuvi Tanzania (TAFIRI)
kuwasilisha ofisini kwake taarifa za wahitimu wote wa FETA ili kujua wako wapi,
na wanafanya nini lengo likiwa kubaini ikiwa elimu inayotolewa na FETA
inawanufasha au la.
Mpina
ametoa agizo hilo jana Sepemba 18, alipotembelea Makao makuu ya Wakala wa Elimu
na Mafunzo ya Uvuvi iliyopo Mbegani wilayani Bagamoyo, ambapo ametaka taarifa
hizo za wahitimu kwa kipindi cha miaka mitano iliyopita.
Alisema
serikali inatoa elimu kwa vijana ili waweze kunufaika na elimu hiyo na kwamba
ili kujua kama wamenufaika nayo au la ufuatiliaji ufanyike sehemu walizoenda na
kazi wanazofanya.
Alibainisha
kuwa, vijana wengi wanapata elimu ya uvuvi na ufugaji lakini wakimaliza masomo
hawaendi kufanya kazi walizosomea na badala yake wanaovua samaki na kufuga ni
watu ambao hawakupata elimu hiyo.
Aliongeza
kuwa, kupata taarifa zao kutaisadia Serikali kujua changamoto wanazokabiliana
nazo ili kuboresha kwenye mapungufu wakati wa utoaji wa elimu na uwezeshaji kwa
vijana.
Hata
hivyo alitoa wito kwa vijana wanaoendelea na masomo kutumia taaluma wanazopata
katika vyuo vilivyo chini ya FETA ili kujiongezea kipato hali itakayosaidia
kupunguza makali ya ada.
Alisema
vijana wanapswa kuwa wabunifu ndani ya fani yao ambapo wanaweza kutumia muda wa
likizo kufundisha watu wengine maswala ufugaji samaki na kuhudumu kwenye
taasisi zinazoshughulika na uvuvi na ufugaji wa samaki kwa gharama nafuu na
kwamba kufanya hivyo kutawasaidia kupata fedha za ada ili waendelee na masomo.
Awali
Mtendaji Mkuu wa Wakala wa Elimu na Mafunzo ya Uvuvi, (FETA) Yahaya Mgawe,
alisesema wahitimu wao wameweza kutawanyika sehemu mbalimbli na kufanya kazi za
aina tofauti.
Aidha,
aliongeza kwa kusema kuwa, Wakala wa Elimu na Mafunzo ya Uvuvi, wanao wakafunzi
wenye taaluma za juu kuweza kuwafundisha vijana lakini bado wanakabiliwa na
changamoto mbalimbali ikiwemo ukosefu wa cheti cha uthibitisho wa viwango vya
mafunzo (STCW)
Alisema
shughuli za uvuvi wanazofanya zinahusisha bahari kuu na hivyo cheti cha
uthibitisho (STCW) kitawasaidia kufanya shughuli zao kimataifa kwenye bahari
kuu.
Nae
Mkuu wa wilaya ya Bagamoyo Bi Zainabu Kawawa, wakati akimkaribisha Waziri
kuzungumza, alisema wilaya ya Bagamoyo sehemu kubwa eneo lake imezunguukwa na
maji ikiwemo mito, na bahari na kufanya shughuli kubwa ya wakazi wa wilaya hiyo
kuwa ni uvuvi.
Kutokana
na hali hiyo, Mkuu huyo wa wilaya alimuomba Waziri wa Mifugo na Uvuvi, kutafuta
wadau watakaoweza kujenga kiwanda cha Samaki wilayani humo ili samaki
wanaovuliwa na wakazi wa Bagamoyo na wale wanaovuliwa na Chuo cha Uvuvi Mbegani
wapate sehemu ya kusindikwa kuongeza thamani ya zao la samaki wilayani humo.
Aliongeza
kwa kusema kuwa, wilaya ya Bagamoyo ni wilaya yenye viwanda vingi lakini hakuna
kiwanda cha samaki hali ya kuwa eneo lake kubwa limezunguukwa ya maji mito na
Baharai.
Waziri
wa Mifugo na Uvuvi alikuwa katika ziara ya siku moja wilayani Bagamoyo ili
kukutana na Wakala wa Elimu na Uvuvi (FETA) na taasisi nyingine zinazohusiana
na uvuvi ili kuangalia changamoto zinazoikabili sekta ya uvuvi na kuzishughulikia.
Mkuu wa wilaya ya Bagamoyo Bi Zainabu Kawawa, akizungumza wakati wa kumkaribisha Waziri wa Mifugo na Uvuvi (wa pili kushoto).
Mtendaji Mkuu wa Wakala wa Elimu na Mafunzo ya Uvuvi (FETA) Yahaya Mgawe, akizungumza mbele ya Waziri wa Mifugo na Uvuvi, Luhaga Mpina
Waziri wa Mifugo na Uvuvi, Luhaga Mpina, (kushoto) akipokelewa na Mkuu wa wilaya ya Bagamoyo, Bi Zainabu Kawawa, mara tau alipowasili Makao Makuu ya Wakala wa Elimu na Mafunzo ya Uvuvi (FETA) Mbegani.
Waziri
wa Mifugo na Uvuvi, Luhaga Mpina, (kushoto) akisani kitabu cha wageni alipoingia ofisi ya Mtendaji Mkuu wa Wakala wa Elimu na Mafunzo ya Uvuvi (FETA) Mbegani wilayani Bagamoyo.
Waziri wa Mifugo na Uvuvi, Luhaga Mpina, (katikati) akitembezwa katika eneo la Chuo cha Uvuvi mbegani, kulia ni Mtendaji Mkuu wa Wakala wa Elimu na Mafunzo ya Uvuvi (FETA) Yahaya Mgawe, na kushoto ni Katibu Tawala wilaya ya Bagamoyo, Bi Kasilda Mgeni.
Mtendaji Mkuu wa Wakala wa Elimu na Mafunzo ya Uvuvi (FETA) Yahaya Mgawe, (kushoto) akimuonyesha Waziri wa Mifugo na Uvuvi, Luhaga Mpina baadhi ya Meli za uvuvi zilizopo Chuo cha Uvuvi Mbegani, kulia ni Katibu Tawala wilaya ya Bagamoyo, Bi Kasilda Mgeni.
Waziri wa Mifugo na Uvuvi, Luhaga Mpina (kushoto) akisikiliza maelezo kutoka kwa Mtendaji Mkuu wa Wakala wa Elimu na Mafunzo ya Uvuvi (FETA) Yahaya Mgawe, katika eneo la Chuo cha Uvuvi Mbegani Bagamoyo, ambapo ndio Makao Makuu ya FETA, wa pili kushoto ni Katibu Tawala wilaya ya Bagamoyo, Bi Kasilda Mgeni.
Waziri wa Mifugo na Uvuvi, Luhaga Mpina, akisikiliza maelezo kutoka kwa Mtendaji Mkuu wa Wakala wa Elimu na Mafunzo ya Uvuvi (FETA) Yahaya Mgawe, Kwenye karakana ya kutengeneza Boti, katika eneo la Chuo cha Uvuvi Mbegani Bagamoyo.
