MBUNGE WA KYELA, ASHUHUDIA KUINGIZWA MAJINI KWA MELI YA MV. RUVUMA.

Waziri wa Mambo ya Katiba na Sheria na Mbunge wa Kyela, Mhe. Dkt Harrison Mwakyembe,  akishuhudia zoezi la kuingizwa majini kwa Meli mpya ya pili ya mizigo iitwayo MV Ruvuma kwenye bandari ya Itungi, Wilayani Kyela, Mkoani  Mbeya.

............................

Tukio hilo la kuiingiza Meli hiyo limefanyika Machi Mosi, 2017 katika Bandari ya Itungi wilayani Kyela Mkoani Mbeya.

Meli hiyo yenye uwezo wa kubeba mizigo zaidi ya tani 1000 inaungana na Meli nyingine mpya MV Njombe yenye uwezo wa kubeba zaidi ya tani 1000 ambayo iliingizwa majini siku tano zilizopita.

Meli zote mbili zipo kwenye hatua ya mwisho ya utengenezaji na majaribio kabla hazijaanza rasmi kubeba mizigo kwenye ziwa Nyasa.

Tayari wateja mbalimbali wamejitokeza kutaka mizigo yao ianze kubebwa yakiwemo makampuni yanayojishughulisha na biashara ya makaa ya mawe.

Meli hizo mbili za mizigo za kisasa zenye uwezo wa kubeba tani elfu moja (1,000) za mizigo kila moja,  zimegharimu shilingi bilioni 11.