TAKUKURU BAGAMOYO YATOA SOMO KWA MADIWANI

Mkuu wa TAKUKURU Wilaya ya Bagamoyo, Raymond Katima, akizungumza na Madiwani wa Halmashauri  ya Bagamoyo katika ukumbi wa mikutano wa Halmashauri hiyo.

..............

Taasisi ya Kuzuia na Kupambana na Rushwa wilaya ya Bagamoyo, imetoa somo kwa Baraza la Madiwani la Halmashauri ya Bagamoyo kuhusu vitendo vinavyoashiria mazingira ya Rushwa kwenye idara mbalim bali katika Hlmashauri.

Akitoa somo hilo mbele ya Madiwa, na wakuu wa Idara mbalimbali ndani ya ukumbi wa Halmashauri ya Bagamoyo, Mkuu wa TAKUKURU Wilaya ya Bagamoyo, Raymond Katima alisema kukosekana kwa maadili miongoni mwa watendaji ndiyo chanzo cha Rushwa katika Halmashauri.

Alisema watendaji wa Halmashauri na Madiwani wapo kwaajili ya kuwatumikia wananchi hivyo uadilifu na uwajibikaji ni nguzo muhimu katika mapambano dhidi ya Rushwa.

Aliongeza kuwa katika utekelezaji wa Miradi ya maendeleo ya jamii kwenye Halmashauri mazingira ya Rushwa  yanajitokeza hasa pale wahusika wanapokosa uzalendo  na kupindisha sheria na kanuni katika kutangaza Zabuni, uandaaji wa muswada wa makadirio ya kazi, Bill of quantities (BOQ) na kuchelewesha malipo kwa mkandarasi hata pale ambapo kazi imekamilika na kukaguliwa.

Alisema mazingira ya Rushwa yanapojitokeza kwenye utekelezaji wa Miradi ya Maendeleo ya jamii hupelekea miradi hiyo kutekelezwa chini ya kiwango kwasababu  y a kulinda maslahi ya watu wachache  na hatimae Halmashauri kupata hasara na Taifa kwa ujumla.

Aidha, alisema kuwa, ili kuhakikisha Malengo ya Miradi ya M aendeleo  yanafikiwa kwa kupitia sera ya Serikali ya Uwazi na Utawala wa Ushirikiano  (Open Governance Partnership), Halmashauri inapaswa kuweka wazi fedha zinazoletwa na Serikali au wafadhili ili wananchi wajue kiasi kilicholetwa na hatimae wahoji pale Mradi unapokamilika  chini ya kiwango ukilinganisha na fedha zilizoletwa.

Akizungumzia mazingira yanayopelekea Rushwa katika sekta ya Afya, Katima alisema wapo baadhi ya madaktari, manesi na wauguzi ambao hutengeneza mazingira ya rushwa kwa mgon jwa.

Akielezea hali hiyo,  alisema Daktari, Nesi au muuguzi hujikwepesha kumuhudumia mgonjwa licha kumuona na kujua tatizo lake hali inayopelekea mgonjwa kulazimika kutoa chochote ili apate matibabu kwa haraka jambo ambalo ni kinyume  cha sheria na kwamba hiyo ndiyo Rushwa. 

Akifafanua neno Rushwa Katima alisema,  Rushwa ni Fedha au kitu chochote cha thamani kinachotolewa na kupewa mtu mwe nye madaraka ili atimize au asitimize wajibu wake kwa maslahi yamtoaji au  mpokeaji.

Kwa upande wao, Madiwani wa Halmashauri ya Bagamoyo wamempongeza mkuu huyo wa TAKUKURU wilaya na kuomba elimu hiyo ifike  k wenye kata zao  na kushuka hadi ngazi ya vijiji ili jamii yote iwe na uelewa kuhusu viten do vya rushwa na hatimae vita  dhidi rushwa iwe ya watu wote.

Mkuu huyo wa TAKUKURU wilaya ya Bagamoyo, aliwataka wananchi wote kutoa ushirikiano na Taasisi hiyo ili kufanikisha mapambano dhidi ya rushwa katika Halmashauri ya Bagamoyo.                            

Mbunge wa jimbo la Bagamoyo,  Dkt . Shukuru Kawambwa na Diwani wakata ya Magomeni, Mwanaharusi Jarufu  wakimsikiliza mkuu wa  TAKUKURU wilaya ya Bagamoyo akitoa mada kuhusu Rushwa.

   

Wakuu  wa  idara za Halmashauri ya Bagamoyo  wakisikil iza kwa makini mada ya Rushwa.

Mwenyekiti wa Halmashauri ya Bagamoyo Ali Ali Issa wa kwanza kushoto, wa pili kushoto ni Makamo mwen yekiti wa Halmashauri ya Bagamoyo, Mohamed  Usinga,

 

Kutoka kushoto ni Diwani wa kata ya Zinga, Mohamed Mwinyigogo ,katikati ni Diwani wa kata ya Kiromo Hassan R. Usinga (Wembe) na wa kwanza  kulia ni Diwani wa kata ya Kisutu, Awesu Ramadhani.

 

Wa kwanza kushoto ni Mkurugenzi wa Halmashauri ya Bagamoyo,  Fatuma  Latu katikati ni Mwenyekiti wa Halmashauri ya Bagamoyo Ali Ali Issa wa kwanza kushoto, ni Makamo mwen yekiti wa Halmashauri ya Bagamoyo, Mohamed  Usinga.