TAARIFA KUTOKA JESHI LA POLISI MKOANI MWANZA

• MAJAMBAZI WATATU WAMEUAWA NA KUPATIKANA KWA SILAHA MBILI WILAYANI NYAMAGANA

KWAMBA TAREHE 19.05.2017 MAJIRA YA SAA 02:30HRS USIKU KATIKA VIWANJA VYA ST. MARY’S MTAA WA NDOFE WILAYA YA NYAMAGANA JIJI NA MKOA WA MWANZA, WATU WATATU WANAOZANIWA KUWA NI MAJAMBAZI WANAOFAHAMIKA KWA MAJINA YA 

1.BENEDICTO THOBIAS @ BENE MIAKA 31, MKAZI WA NYAMATARA BUHONGWA, 2.MABULA SEGEJA @ BULA, NA 3.CHARLES THOMASI GARULA WALIJERUHIWA KWA RISASI NA BAADAE KUFARIKI DUNIA WAKATI WAKIPELEKWA HOSPITALI BAADA YA WAKIRUSHIANA RISASI NA ASKARI POLISI, AMBAPO KATIKA TUKIO HILO ASKARI WALIFANIKIWA KUKAMATA SILAHA MBILI 1.BASTOLA AINA YA DUTY CZ 75P -07 YENYE NAMBA B.512637 IKIWA NA RISASI 15 NA MAGAZINI 2 NA 2.SHORT GUN ILIYOFUTIKA NAMBA IKIWA NA RISASI MBILI NA MAGANDA MAWILI YA RISASI.

AWALI ALIKAMATWA MGANGA WA KIENYEJI AITWAYE AYUBU NYAMWERU MIAKA 45 MKAZI WA KATORO MKOANI GEITA, AKIWA NA LAPTOP TATU MBILI AINA YA HP NA MOJA AINA YA ASUS NA SIMU MOJA AINA SUMSUNG AMBAYO ILIIBIWA KATIKA TUKIO LA KUVUNJA NYUMBA USIKU NA KUNYANG’ANYA MALI AMBAZO NI LAPTOP TATU, SIMU MBILI NA SILAHA AINA YA BASTOLA DUTY CZ 75P-07 NA FEDHA, TUKIO HILO LILILOTOKEA TAREHE 13.05.2017 KATIKA MAENEO YA NYAMONGOLO NA KUFUNGULIWA KESI YENYE KUMBU NAMBA NY/IR/3773/2017.

MTUHIMIWA HUYO AYUBU NYAMWERU ALIHOJIWA NA ASKARI NA KUTAJA WENZAKE ANAOSHIRIKIANA NAO KATIKA KUFANYA MATAKIO YA UVUNJAJI NA UNYANGA’ANYI HAPA MWANZA NA MAENEO MENGIINE LIKIWEPO TUKIO LA UJAMBAZI LILILOLIELEZA HAPO JUU NA MENGINE. 

ASKARI WALIFANYA UFUATILIAJI WA TAARIFA HIZO NA KUMKAMATA BENEDICTO THOBIAS @ BENE NA KUWEKA MTEGO SEHEMU TAJWA HAPO JUU AMBAPO WALIPANGA NA WENZAKE WAKUTANE ILI KWENDA KUTELEZA UHALIFU WALIOKUWA WAMEUPANGA.

AIDHA USIKU WA TAREHE 18.05.2017 MAJIRA YA SAA 2:30HRS WENZAKE WATANO WALIFIKA ENEO HILO NDIPO ASKARI WALIPOWAAMURU WAJISALIMISHE WALIKAIDI AMRI HIYO NA KUANZA KUFYATUA RISASI UWELEKEO WA ASKARI WALIPO NA ASKARI WAKAJIBU MAPIGO NA KUWEZA KUWAJERUHI MAJAMBAZI WAWILI TAJWA HAPO JUU NA ZILE RISASI WALIZOZIPIGA ZILIWEZA KUMJERUHI MWENZAO ALIYEKUWA AMEPELEKA ASKARI KWENYE ENEO LILE, WOTE WATATU WALIFARIKI DUNIA WAKATI WANAPELEKWA HOSPITALI KWA MATIBABU.

KATIKA ENEO LA TUKIO POLISI WALIFANIKIWA KUIPATA SILAHA BASTOLA HIYO DUTY CZ 75P-07 TAJWA HAPO JUU ILIYOKUWA IMEPORWA/KUNYANG’ANYWA KULE NYAMONGOLO MALI YA SULEIMANI WAZIRI ALIYEKUWA ANAMILIKI KIHALALI NA SHORT GUN ILIYOFUTIKA NAMBA. MIILI YA MAJAMBAZI HAO IMEHIFADHIWA HOSPITALI YA RUFAA YA BUGANDO KWA AJILI YA UCHUNGUZI NA UTAMBUZI, MSAKO WA KUWASAKA WENZAO AMBAO WAMETOROKA NA WENGINE WALIOKUWA WANASHIRIKIANA NAO BADO UNAENDELEA. KATIKA UPELELEZI WA AWALI MAJAMBAZI HAWA NA WENZAO WAMEKUWA WAKIFANYA MATUKIO YA UVUNJAJI WA NYUMBA USIKU NA KUFANYA UNYANG’ANYI NA KUBAKA PINDI WANAPOVUNJA NYUMBA ZA WATU USIKU.

  

KAMANDA WA POLISI MKOA WA MWANZA NAIBU KAMISHINA WA POLISI AHMED MSANGI ANATOA WITO KWA WAKAZI WA JIJI NA MKOA WA MWANZA, AKIWAOMBA KUENDELEA KUTOA TAARIFA SAHIHI NA MAPEMA ZA WAHALIFU/UHALIFU KWANI WANAWAFAHAMU NA PIA NI VIJANA WAO AMBAO WANAISHI NAO KATIKA MAKAZI YAO, ILI POLISI WAWEZE KUWAKAMATA KABLA HAWAJALETA MADHARA MAKUBWA KWA WANANCHI, PIA ANAWASHAURI VIJANA WAFANYE KAZI HALALI ZA KUJIPATIA KIPATO WAACHANE NA TABIA YA KUJIHUSISHA NA VITENDO VYA UJAMBAZI KWANI VITAGHARIMU MAISHA YAO.

IMETOLEWA NA:

DCP: AHMED MSANGI

KAMANDA WA POLISI (M) MWANZA