MAZINGIRA CUP 2017. BWILINGU YAPIGWA 3-1 NA LUGOBA.

NA JOSEPH NGUNANGWA- CHALINZE.

MICHUANO YA MAZINGIRA KABUMBU CUP 2017 KATIKA HALMASHAURI YA CHALINZE IMEZIDI KUNOGA BAADA YA DALILI ZA KUWAPATA MABINGWA WAKUINGIA FAINALI ZIKIJIONESHA WAZI WAZI

HAPO JANA JUMATANO TAREHE 16/08/2017, KOCHA MKUU WA BWILINGU NDUGU HENRY NGONDO  KATHIBITISHA  UBORA WA LESENI B YA UKOCHA ALIYONAYO INAYOTOLEWA NA CAF  BAADA YA KUIONGOZA TIMU YAKE YA BWILINGU KUINGIA HATUA YA NUSU FAINALI YA MASHINDANO YA MAZINGIRA KABUMBU CUP.

HAIKUWA KAZI RAHISI KUFUATIA BWILINGU LEO KUKUBALI KIPIGO CHA MAGOLI MATATU KWA MOJA KUTOKA KWA TIMU YA KATA YA LUGOBA.

ALIKUWA NI MSHAMBULIAJI IDDY MPILI ALIYEANZA KUWAINUA MASHABIKI WA LUGOBA KATIKA DAKIKA YA 17 BAADA KUFUNGA GOLI KWA SHUTI KALI.

HADI MAPUMZIKO LUGOBA 1 BWILINGU 0

DAKIKA YA 58 MSHAMBULIAJI HATARI WA BWILINGU SAMSON EDSON  ALITOLEWA KWA KADI NYEKUNDU BAADA YA KUONYESHWA KADI YA NJANO YA PILI.

ALIKUWA NI ATHUMANI JUNGU ALMAARUFU MACHUPA ALIFANYA MAMBO YA KIHISPANIOLA KATIKA DAKIKA YA  63 BAADA YA KUSAWAZISHA BAO TAMU LILILOSHANGILIWA NA KILA ALIYEKUWEPO UWANJANI BAADA YA KUKUSANYA KIJIJI CHA MABEKI WA LUGOBA NA KUMPIGA CHENGA MMOJA HADI MWINGINE NA MWISHOYE KUMCHAMBUA KIPA WA LUGOBA.

KUINGIA KWA BAO HILO KULIONGEZA KASI YA MASHAMBULIZI YA KILA UPANDE LAKINI NI LUGOBA WALIOSHANGILIA BAO LA PILI KATIKA DAKIKA YA 72 KUPITIA KWA MSHAMBULIAJI WAO ASHRAF OMARY.

NI KAMA BWILINGU WALISHIKWA NA GANZI KWANI DAKIKA YA 75 WALIPACHIKWA BAO LA TATU LIKIFUNGWA NA SADICK RAMADHANI.

HADI DAKIKA TISINI ZA MWAMUZI SHEKAILE OLE YANGARA ZIKITIMIA LUGOBA IMETOKA UWANJANI KWA USHINDI WA BAO 3 DHIDI YA BWILINGU ILIYOAMBULIA BAO1.

HATA HIVYO MATOKEO HAYO YAMEINUFAISHA BWILINGU KUFUATIA MECHI YA AWALI KUSHINDA 2-0 HIVYO GOLI LA UGENINI LIMEIPELEKA BWILINGU KUINGIA NUSU FAINALI.

LEO ALHAMISI TAREHE 17/ 08/ 2017  ROBO FAINALI YA MWISHO INACHEZWA UWANJA WA CHANGALIKWA SEKONDARI BAINA YA MBWEWE NA KIMANGE.