WANANCHI BUZA WAMIMINIKA KUPATA HUDUMA TRA.

Na Shushu Joel. 

WANANCHI wa Buza jijini Dar es Salaam wamejitokeza kwa wingi kwenye banda la utoaji wa huduma na Elimu kwa mlipa kodi.

Wakizungumza kwa wakati tofauti mara baada ya kuhudumiwa na kukabidhiwa kwa vyeti vyenye Namba ya Utambulisho wa Mlipakodiza, wameipongeza mamlaka hiyo kwa kuwapelekea huduma milangoni mwao.

Gift Bosco (47)ni mkazi wa buza ninaipongeza mamlaka ya mapato Tanzania kwa utoaji wake wa elimu kwa kutufuata wakazi wa buza.

"Nimefanikiwa kupata TIN ninaamini huu ni mwanzo wa kuwa miongoni mwa walipa kodi wazuri"

Aliongeza kuwa wananchi wengi hawana uelewa juu ya umuhimu wa kulipa kodi hivyo wawe wanaangalia vipindi vya TRA kwenye TV kwani vinaelimisha sana kuhusu umuhimu wa kulipa kodi.

Aidha amewataka mamlaka ya mapato kuendelea kuwatembelea na kuwaelimisha kwani uelewa unaongezeka siku hadi siku.

Naye Muhammad Ally ni mmoja wa wakazi wa Buza na ni mfanyabiashara wa duka amesema kuwa miaka ya nyuma ukiwaona watu wa mamlaka ya mapato Tanzania wanakuja basi unaenda kufunga duka na wewe kwenda kujificha lakini kutokana na elimu pana inayotolewa na mamlaka hiyo wengi wamekuwa waelewa juu ya ulipaji wa kodi.

Aidha, Ally amesifu utendaji wa kazi wa TRA kwa kuwafikia wateja wake tena majumbani kabisa.

Kwa upande wake Meneja wa Elimu kwa mlipa kodi Diana Masalla kutoka TRA alisema kuwa zoezi la utoaji wa elimu linaendelea kila mahali kwa lengo la kuwaelimisha wananchi zaidi.

Hivyo amewapongeza wananchi wa buza kwa namna walivyojitokeza kusikiliza na kuelimishwa umuhumi wa kuwa na TIN na kulipia kodi ya majengo.

Aidha Masalla aliongeza kuwa TRA itaendelea kutoa elimu kwa kila mwananchi ili aweze kunufaika na biashara yake anayoifanya kwani wafanyabiashara wengi wamekuwa wakifeli kutokana na ukosaji wa elimu.

"TRA imetambua thamani yenu na ndio maana tumeamua kuwafuata karibu na biashara zenu ili msifunge na kutufuata mbali sasa tunakufuata mlangoni kwako ili tukuhudumie"