JUMUIYA YA SINGASINGA, YAKABIDHI MADAWATI 100 KIWANGWA.

Jumuiya ya singasinga yakabidhi  madawati 100 yenye thamani  ya milioni 5,  kwa shule ya Sekondari Kiwangwa  wilayani bagamoyo.

Wakizungumza mara baada ya kupokea madawati hayo, Mbunge wa jimbo la Chalinze Ridhiwani kikwete alisema anaishukuru jumuiya hiyo kwa kuchangia madawati hayo kwani ni sehemu ya  kutatua changamoto mbalimbali katika shule hiyo.

alisema mambo ya maendeleo yanahitaji ushirikiano baina ya wadau mbalimbaliili kufikia malengo ambapo jumuiya hiyo imekuwa miongoni mwa wadau wanaojali maendeleo ya kijamii katika Halmashauri ya Kiwangwa.

Kwa upande wake Diwani wa kata ya Kiwangwa, Malota Kwaga, alisema mahusiano mema baina jumuiya hiyo ya singasinga na viongozi wa serikali ndiyo kilichowapa  moyo wa kuchangia.

Aliongeza kuwa viongozi wote kwa ujumla wan athamini mchango wa wadau mbalimbali katika juhudi za kuisadia serikali kwenye maendeleo ya kijamii.

Mkuu wa wilaya ya Bagamoyo, Majid Mwanga,  aliipongeza jumuiya hiyo kwa kutoa msaada huo, na kwamba kama serikali itaendelea kutoa ushirikiano kwa wadau mbalimbali ili kuhakikisha maendeleo mbalimbali yanapatikana wilayani humo.

Alisema wilaya inakaribisha wawekezaji mbalimbali kuwekeza na kuwataka kutoa ushirikiano waokatika shughuli za maendeleo ya kijamii.

Aidha, aliwaomba wadau hao kusaidia swala maji katika shule hiyo ambayo ina tatizo la upatikanaji wa maji.

Awali wakisoma risala kwa wageni waalikwa, wanafunzi  wa shule hiyo walisema shule hiyo inakabiliwa na changamoto mbalimbali ikiwemo uchakavu wa jengo la utawala, uhaba wa vyoo pamoja na maji.

  Mara baada ya zoezi la kukabidhi madawati hayo, limefanyika zoezi la upandaji miti katika eneo la shule hilyo kwaajili vivuli ambapo viongozi wa singasinga, mkuu wa wilaya, mbunge na Diwani wote walipata fursa ya  kupanda miti.

Mkuu wa wilaya ya Bagamoyo, Majid Mwanga akifurahia jambo na Mbunge wa jimbo  la Chalinze, Ridhiwani  Kikwete katika hafla fupi ya kupokea Madawati kutoka jumuiya ya  Singasinga shule ya Sekondari  Kiwangwa.

Katibu  wa jumuiya ya Singasinga, Jasdeep, akizungumza wakati wa kukabidhi madawati 100, katika shule ya Dekondari Kiwangwa

Madawati 100 yaliyotolewa na jumuiya ya Singasinga katika shule ya Sekondari Kiwangwa

Mbunge wa Jimbo la Chalinze akipokea msaada wa madawati 100 yaliyotolewa na jumuiya ya Singasinga katika shule ya Sekondari Kiwangwa

Mbunge wa jimbo la Chalinze Ridhiwani Kikwete, akipanda mti katika shule ya Sekondari Kiwangwa

Mkuu wa wilaya ya Bagamoyo, Majid Mwanga, akipanda mti katika shule ya Sekondari Kiwangwa

Diwani wa kata ya Kiwangwa, Malota Kwaga, akipanda mti katika shule ya Sekondari Kiwangwa