MBUNGE WA BAGAMOYO AKABIDHI TIKETI YA NDEGE KWA KIJANA MALICK SABABU

By -

 

Mbunge wa Jimbo la Bagamoyo, Mhe. CPA Subira Khamis Mgalu, amemkabidhi tiketi ya ndege kijana wa Bagamoyo, Ndg. Malick Sababu, kwa ajili ya safari yake ya kwenda nchini Urusi, ambako amepewa fursa ya kuendelea na masomo ya Shahada ya Uzamili (Master’s) katika fani ya Geolojia (Geology).



Malick Sababu ni kijana mwenyeji mkazi wa Bagamoyo kata ya Kiromo, ambaye amepata elimu yake katika Shule ya Msingi Kiromo, Ramiya Islamic Education Center kwa elimu ya Sekondari, na Bagamoyo Secondary School kwa elimu ya Kidato cha Tano na Sita. 



Baadaye alijiunga na Chuo Kikuu cha Sokoine cha Kilimo (SUA), ambako alifanikiwa kupata Shahada yake ya kwanza.



Kwa juhudi na mafanikio yake katika masomo, Malick amepata nafasi ya kwenda nchini Urusi kwa udhamini wa Serikali ya Urusi kwa kipindi cha miaka minne, kwa ajili ya kuendelea na masomo ya Geolojia.



Hata hivyo, pamoja na kupata udhamini huo, safari ya kwenda Urusi ilihitaji baadhi ya gharama ambazo alipaswa kujigharamia, jambo lililomfanya akabiliwe na changamoto ya kupata tiketi ya ndege.



Kutokana na hali hiyo, Mhe. Subira Khamis Mgalu, kwa kutambua umuhimu wa kuwawezesha vijana kupata fursa za elimu na kwa kuzingatia kuwa Malick ni kijana wa Bagamoyo kutoka familia yenye kipato cha kawaida, ameamua kumsaidia kwa kumpatia tiketi ya ndege hadi nchini Urusi ili aweze kuanza safari yake ya masomo.



Akizungumza wakati wa makabidhiano hayo, katika ofisi ya Mbunge Bagamoyo, Mhe. Mgalu amemtakia Malick safari njema na mafanikio katika masomo yake, huku akimtaka kutumia fursa hiyo kwa bidii, nidhamu na kujiamini, ili baada ya masomo aweze kurejea nchini na kutumia taaluma yake katika kuchangia maendeleo ya Bagamoyo na Tanzania kwa ujumla.



“Bagamoyo tunakutegemea. Nenda ukasome kwa bidii, ukaitangaze Bagamoyo na Tanzania kwa kufanya vizuri. Tunatarajia utakapomaliza masomo yako utarejea na kuitumia elimu yako kulijenga Taifa letu,” amesema Mhe. Mgalu.


Msaada huo unaendelea kuonesha dhamira ya Mhe. Subira Mgalu ya kuwawezesha vijana wa Bagamoyo kutumia fursa za elimu, kukuza vipaji na kujenga uwezo utakaowasaidia wao binafsi pamoja na jamii na Taifa kwa ujumla.


Tunamtakia Malick Sababu safari njema na kila la kheri katika masomo yake nchini Urusi. Bagamoyo inajivunia vijana wake.






Comments

Post a Comment

Popular posts from this blog

RAIS SAMIA AKIPEWA POLE NA VIONGOZI MBALIMBALI

By -
Image
  Makamu wa Rais wa Jamhuri ya Muungano wa Tanzania Mhe. Deogratius Ndejembi, Rais wa  Zanzibar na Mwenyekiti wa Baraza la Mapinduzi Mhe. Dkt. Hussein Ali Mwinyi, Waziri Mkuu Mhe. Dkt. Mwigulu Nchemba pamona na Viongozi mbali mbali wa Vyama na Serikali na Wananchi,  wakimfariji  Mhe. Dkt. Samia Suluhu Hassan Rais wa Jamhuri ya Muungano wa Tanzania walipofika nyumbani kwake Kizimkazi Mkoa wa Kusini Unguja, kufuatia kufiwa na Mume wake Maalim Hafidh Ameir Hassan aliyefariki Dunia katika Hospitali ya Mzena Zanzibar,  tarehe 07 Sept, 2026.
Read more

SHULE YA MSINGI IPULI YAPEWA TUZO YA UFANISI

By -
Image
  SHULE YA MSINGI IPULI YAPEWA TUZO YA UFANISI Na Allan Kitwe, Tabora HALMASHAURI ya Manispaa Tabora imetoa tuzo maalumu ya pongezi kwa Uongozi wa Shule ya Msingi Ipuli iliyopo katika Kata ya Ipuli Mjini Tabora kwa usimamizi mzuri wa fedha za maendeleo zilizopelekwa shuleni hapo. Akikabidhi tuzo hiyo (Cheti cha Pongezi) leo, Mstahiki Meya wa Manispaa hiyo Ghullam-Hussein Dewj amempongeza Mwalimu Mkuu wa shule hiyo Chiku Mwaka na Kamati yake kwa kusimamia vizuri maboresho ya miundombinu. Amesema kuwa Uongozi wa shule hiyo umeonesha weledi mkubwa kwa kusimamia kwa dhati mradi wa uboresha elimu (GPE) uliotekelezwa na serikali shuleni hapo kwa mwaka wa fedha uliopita kwa gharama ya zaidi ya shilingi milioni 60. ‘Chini ya usimamizi wa Mwalimu Mkuu na Kamati ya Shule, Mradi umetekelezwa kwa ufanisi wa hali ya juu hali iliyopelekea mazingira ya shule hiyo kubadilika kwa kiasi kikubwa na kufanya watoto na wazazi kupenda shule yao’, ameeleza.     ‘Tunakupongeza sana Mwalimu M...
Read more

THE ISLAMIC FOUNDATION YAMKABIDHI CHEREHANI ALIYEMALIZA KIFUNGO GEREZANI.

By -
Image
  Taasisi ya The Islamic Foundation yenye Makao yake Makuu Mkoa wa Morogoro imetoa msaada wa cherehani kwa Issa Mohamed Kitambi, aliyemaliza kifungo cha miaka minane katika Gereza la Mahabusu Morogoro, ikiwa ni sehemu ya kumuunga mkono katika kuanza maisha mapya baada ya kutoka gerezani. Issa ambaye alipata mafunzo ya ushonaji akiwa gerezani, sasa anatarajiwa kutumia cherehani hiyo kuendeleza ujuzi alioupata na kujiajiri kupitia kazi ya ushonaji wa nguo. Akizungumza wakati wa kukabidhi msaada huo, Mkurugenzi wa Utawala na Rasilimali Watu wa The Islamic Foundation, Arafat Badru, amesema wameguswa na jitihada zinazofanywa na Jeshi la Magereza za kuwapatia wafungwa mafunzo ya ujuzi, ili wanapomaliza vifungo vyao wawe na uwezo wa kujitegemea. Amesema cherehani hiyo imelenga kumpa Issa nyenzo ya kuanzia katika kazi yake na kumsaidia kuendesha maisha yake baada ya kumaliza kifungo. Akizungumza katika zoezi hilo, Mkuu wa Gereza la Mahabusu Morogoro, Mrakibu wa Jeshi la Magereza (SP) SabaS...
Read more

MAONESHO YA MADINI YAIPAISHA LINDI KIMAPATO - MAKUSANYO YAFIKIA BILIONI 10.5

By -
Image
  MAONESHO YA MADINI YAIPAISHA LINDI KIMAPATO - MAKUSANYO YAFIKIA BILIONI 10.5 Na Hadija omary  LINDI. Mkoa wa Lindi umeandikisha mafanikio makubwa katika Sekta ya Madini baada ya makusanyo ya maduhuli ya Serikali kuongezeka kwa zaidi ya mara nne ndani ya kipindi cha miaka sita. Hayo yamebainishwa na Afisa Madini Mkoa wa Lindi, Mhandisi Emmanuel Shija, alipozungumza kuhusu mwenendo wa sekta hiyo na maandalizi ya Maonesho Makubwa ya Kimataifa ya Madini yanayotarajiwa kufanyika Wilayani Ruangwa. Mhandisi Shija amesema kuwa kwa miaka sita iliyopita, Mkoa wa Lindi ulikuwa unakusanya maduhuli ya wastani wa Shilingi Bilioni 2.5 pekee, lakini katika mwaka wa fedha wa 2025/2026, makusanyo hayo yamepanda hadi kufikia takribani Bilioni 10.5. "Mkoa wetu wa Lindi ulikuwa unakusanya maduhuli ya Serikali Bilioni 2.5 lakini mpaka kufika mwaka uliopita wa fedha Mkoa wetu wa Lindi umeweza kukusanya Bilioni takribani 10.5," amesema Mhandisi Shija. Ameeleza kuwa ongezeko hilo linatokana na ukua...
Read more

MRADI WA BOMBA LA MAFUTA KUANZA JANUARI 2027

By -
Image
  Na Alodia Dominick,  Bukoba, Mradi wa bomba la mafuta ambao utekelezaji wake wa jumla umefikia asilimia 87.7 unatarajia kukamilika na kuanza rasmi Januari 15,2027. Mradi huo ambao mkataba wake ulisainiwa mwaka 2021 unatarajiwa kuanza rasmi ifikapo Januari 15, 2027 na kutokana na mkataba mradi utadumu takribani miaka 25. Mratibu wa utekelezaji wa mradi wa ujenzi wa kusafirisha mafuta ghafi Afrika Mashariki (EACOP) Jumanne Saidi akitoa mafunzo ya siku moja kwa waandishi wa habari mkoani Kagera juu ya mradi wa bomba la mafuta na maendeleo yake ameeleza kuwa, mradi huo utaanza rasmi Januari 15,2027. Amesema sh.bilioni 35.6 zimetumika kulipa fidia kwa wananchi wapatao 10,144 maeneo yote yanayopitiwa na bomba la mafuta na nyumba zilizoguswa ni 340, kwa Kagera ni nyumba 119 ambapo waguswa kwa Kagera wako 118.  "Mikoa inayopitiwa na bomba la mafuta ni nane ambayo ni Kagera, Geita, Shinyanga, Tabora, Singida, Manyara, Dodoma na Tanga na katika mkoa wa Kagera unapita katika wilay...
Read more

KIKWETE AITAKA TANZANIA NA JAPAN KUIMARISHA USHIRIKIANO WA CHAKULA NA UCHUMI WA BULUU

By -
Image
  KIKWETE AITAKA TANZANIA NA JAPAN KUIMARISHA USHIRIKIANO WA CHAKULA NA UCHUMI WA BULUU Na Albert Kawogo Jumatano 9 Septemba 2026 RAIS wa awamu ya nne , Dkt. Jakaya Mrisho Kikwete, amesisitiza umuhimu wa kuimarisha ushirikiano kati ya Tanzania na Japan katika sekta za uzalishaji na usalama wa chakula, teknolojia, uvuvi na uchumi wa buluu. Dkt. Kikwete ameyasema hayo baada ya kukutana na kufanya mazungumzo na Mtafiti Mkuu wa Taasisi ya Sasakawa Peace Foundation ya Japan, Bw. Masanori Kobayashi, katika ofisi yake ndogo iliyopo Masaki, Dar es Salaam. Mazungumzo hayo yalilenga kufuatilia utekelezaji wa masuala mbalimbali yaliyoibuliwa wakati wa ziara ya kikazi ambayo Dkt. Kikwete alifanya nchini Japan kuanzia Julai 23 hadi 24, 2025. Katika ziara hiyo, Dkt. Kikwete alikuwa miongoni mwa viongozi sita mashuhuri kutoka Afrika walioalikwa na Serikali ya Japan kupitia taasisi za Sasakawa Peace Foundation na Nippon Foundation. Viongozi hao walishiriki katika kutoa ushauri kuhusu namna bora ya...
Read more

MWENYEKITI MBEYA DC ASHIRIKIANA NA WANANCHI KUCHIMBA MSINGI WA SHULE

By -
Image
  MWENYEKITI MBEYA DC ASHIRIKIANA NA WANANCHI KUCHIMBA MSINGI WA SHULE Wananchi wa Kitongoji cha Mbalizi, Kata ya Utengule Usongwe katika Halmashauri ya Wilaya ya Mbeya, wamejiunga pamoja na kuanza kuchimba msingi kwa ajili ya Mradi wa Ujenzi wa Shule ya Sekondari katika Eneo la Shigamba Pipeline ambalo wananchi hao wamejitolea, ikiwa ni mkakati wa kuunga mkono jitihada za Serikali ya Rais Dkt. Samia Suluhu Hassan, baada ya kutoa fedha kiasi cha shilingi milioni 583, hatua inayotajwa itasaidia kuondoa adha ya watoto kuandikishwa katika shule nyingine za maeneo ya mbali. Diwani wa Kata ya Utengule Usongwe, ambaye pia ni Mwenyekiti wa Halmashauri ya Wilaya ya Mbeya, Mhe. Aidda C. Haule, ambaye ameongoza zoezi hilo kwa kushirikiana na wananchi wa makundi mbalimbali ikiwemo vijana, wanawake, na hata wazee, amesema kuwa, uwepo wa shule ya sekondari katika eneo hilo, ilikuwa ni kiu ya muda mrefu, hali ambayo imewasukuma wananchi kujitokeza kwa wingi, na kujitolea kushiriki zoezi la kuchi...
Read more

MAKAMU WA RAIS AMWAKILISHA RAIS DKT. SAMIA SULUHU HASSAN, UTOAJI WA TUZO ZA PYMA.

By -
Image
  MAKAMU WA RAIS AMWAKILISHA RAIS DKT. SAMIA SULUHU HASSAN, UTOAJI WA TUZO ZA PYMA.   Makamu wa Rais wa Jamhuri ya Muungano wa Tanzania Mhe. Deogratius Ndejembi amemwakilisha Rais wa Jamhuri ya Muungano wa Tanzania Mhe. Dkt. Samia Suluhu Hassan katika hafla ya utoaji wa tuzo za 19 za Rais za Wazalishaji Bora Viwandani, hafla iliyofanyika katika ukumbi wa Super Dome, Masaki Jijini Dar es Salaam.   Akizungumza katika hafla hiyo, Makamu wa Rais ametoa wito kwa Wizara ya Viwanda na Biashara kwa kushirikiana na wazalishaji wa saruji nchini, kuhakikisha wanatafuta suluhu ya haraka ili kurejesha bei ya kawaida ya saruji kwa wananchi. Amesema maono ya Rais Dkt. Samia Suluhu Hassan ni kuona wananchi wanaweza kununua mfuko wa saruji kwa gharama nafuu hivyo ni lazima kuoanisha uzalishaji wa malighafi zote zinazochangia katika uzalishaji wa saruji ili bidhaa hiyo ipatikane kwa urahisi.   Halikadhalika, Makamu wa Rais amesema ni muhimu kufanya tathimini ya ukuaji wa viwanda hapa ...
Read more

MUME WA RAIS DKT. SAMIA AFARIKI DUNIA.

By -
Image
 MUME WA RAIS DKT. SAMIA AFARIKI DUNIA. Makamu wa Rais wa Jamhuri ya Muungano wa Tanzania Mhe. Deogratius Ndejembi ametangaza kifo cha Mhe. Hafidh Ameir Hassan ambaye ni mume wa Rais wa Jamhuri ya Muungano wa Tanzania Mhe. Dkt. Samia Suluhu Hassan kilichotokea leo Septemba 07, 2026 majira ya saa mbili  asubuhi katika Hospitali ya Kumbukumbu ya Emilio Mzena Zanzibar alipokuwa akipatiwa matibabu ya ugonjwa wa moyo. Mipango ya mazishi inaendelea kufanyika Kizimkazi Zanzibar 
Read more