DC WELLA APONGEZA USIMAMIZI MZURI MIRADI YA AFYA

By -

 

DC WELLA APONGEZA USIMAMIZI MZURI MIRADI YA AFYA


Na Allan Kitwe, Tabora


MKUU wa Wilaya ya Tabora Upendo Wella ameeleza kufurahishwa na usimamizi mzuri wa miradi ya afya iliyotekelezwa katika Kata za Ipuli na Itonjanda katika halmashauri ya manispaa ya Tabora yenye thamani ya zaidi ya shilingi mil 700.


Akiongea na Wataalamu na Watendaji wa manispaa hiyo juzi DC ameeleza kuwa miradi ya afya iliyopelekwa katika Kata hizo imesimamiwa kwa weledi mkubwa na kukamilika kwa wakati na sasa wananchi wameanza kunufaika.


Amebainisha kuwa serikali inaleta fedha nyingi kwa ajili ya utekelezaji miradi ya maendeleo ambayo hugharimu mabilioni ya fedha, lakini utekelezaji umekuwa ukisuasua kwa baadhi ya miradi kwa sababu ya usimamizi mbovu.


‘Nawapongeza sana Wataalamu wetu akiwemo Mhandisi kwa kusimamia ipasavyo miradi hii iliyotekelezwa katika Zahanati ya Manoleo (Kata ya Itonjanda) na Kituo cha Afya Maili tano katika Kata ya Ipuli, mmefanya kazi nzuri sana’, ameongeza.


DC ametoa zawadi ya shilingi laki mbili kama motisha kwa Mhandisi wa manispaa hiyo kwa kuratibu na kusimamia vizuri miradi hiyo hali iliyopelekea thamani ya fedha kwenda sambamba na kazi iliyofanyika.


Awali Mkurugenzi Mtendaji wa manispaa hiyo Dkt John Pima ametaja miradi iliyotekelezwa kuwa ni jengo la kufulia nguo katika Zahanati ya Manoleo (Itonjanda) na upanuzi wa miundombinu katika Kituo cha Afya Maili 5.


Amefafanua kuwa mradi wa Manoleo ulitengewa shilingi mil 50 lakini kutokana na uratibu na usimamizi mzuri wa Mganga Mfawidhi na Kamati ya Ujenzi zitakatumika sh mil 43 tu na kubakia kiasi cha sh milioni 7.


Na mradi wa upanuzi wa Kituo cha Afya Maili 5 ulitengewa shilingi mil 675 kwa ajili ya ujenzi wa wodi ya akinamama, jengo la mionzi (x-ray), kichomea taka, mfumo wa maji taka na kuweka umeme, kazi hii imekamilika kwa asilimia 100.


‘Kwenye mradi huu zimetumika shilingi mil 550 na kubakia sh mil 125, kutokana na uratibu na usimamizi mzuri, hili ni jambo la kujivunia sana, hawa wote tunawapatia cheti cha pongezi kwa kazi nzuri waliyofanya’, alisema.


Diwani wa Kata ya Ipuli Molo Juma Molo amemshukuru DC, Mkurugenzi na Mstahiki Meya kwa zawadi walizotoa kwa Watumishi wa Kituo cha Afya Maili 5 na Zahanati ya Manoleo, hii itawaongezea molari na kufanya kazi kwa kujituma vizuri zaidi.


Comments

Post a Comment

Popular posts from this blog

RAIS SAMIA AKIPEWA POLE NA VIONGOZI MBALIMBALI

By -
Image
  Makamu wa Rais wa Jamhuri ya Muungano wa Tanzania Mhe. Deogratius Ndejembi, Rais wa  Zanzibar na Mwenyekiti wa Baraza la Mapinduzi Mhe. Dkt. Hussein Ali Mwinyi, Waziri Mkuu Mhe. Dkt. Mwigulu Nchemba pamona na Viongozi mbali mbali wa Vyama na Serikali na Wananchi,  wakimfariji  Mhe. Dkt. Samia Suluhu Hassan Rais wa Jamhuri ya Muungano wa Tanzania walipofika nyumbani kwake Kizimkazi Mkoa wa Kusini Unguja, kufuatia kufiwa na Mume wake Maalim Hafidh Ameir Hassan aliyefariki Dunia katika Hospitali ya Mzena Zanzibar,  tarehe 07 Sept, 2026.
Read more

TARURA YATENGA BIL. 1 KUKABILIANA NA EL NINO TABORA

By -
Image
  TARURA YATENGA BIL. 1 KUKABILIANA NA EL NINO TABORA  Na Allan Kitwe, Tabora WAKALA wa Barabara Vijijini na Mijini (TARURA) Mkoani Tabora wametenga zaidi ya shilingi bilioni 1 kwa ajili ya kuboresha miundombinu ya barabara katika maeneo mbalimbali ili kukabiliana na wingi wa mvua za el nino. Hayo yamebainishwa jana na Afisa wa Wakala huo, Mhandisi Nehemia Chacha kwa niaba ya Meneja wa TARURA Mkoa wa Tabora alipokuwa akitoa taarifa ya hali ya barabara kwenye kikao cha madiwani wa halmashauri ya manispaa. Ameeleza kuwa ili kuhakikisha miundombinu ya barabara katika manispaa hiyo inapitika wakati wote wamekamilisha ujenzi wa madaraja makubwa 2 ya kimkakati katika kata za Ndevelwa, Misha na Kabila. Mhandisi amefafanua kuwa daraja la Ndevelwa ambalo lilikuwa kero kubwa sana kwa wananchi limegharimu zaidi ya shilingi milioni 460 na limekamilika kwa asilimia 100 na sasawananchi wameanza kulitumia, kero imeisha Daraja la pili ni lile linalounganisha Kata za Misha na Kabila ambalo lil...
Read more

SHULE YA MSINGI IPULI YAPEWA TUZO YA UFANISI

By -
Image
  SHULE YA MSINGI IPULI YAPEWA TUZO YA UFANISI Na Allan Kitwe, Tabora HALMASHAURI ya Manispaa Tabora imetoa tuzo maalumu ya pongezi kwa Uongozi wa Shule ya Msingi Ipuli iliyopo katika Kata ya Ipuli Mjini Tabora kwa usimamizi mzuri wa fedha za maendeleo zilizopelekwa shuleni hapo. Akikabidhi tuzo hiyo (Cheti cha Pongezi) leo, Mstahiki Meya wa Manispaa hiyo Ghullam-Hussein Dewj amempongeza Mwalimu Mkuu wa shule hiyo Chiku Mwaka na Kamati yake kwa kusimamia vizuri maboresho ya miundombinu. Amesema kuwa Uongozi wa shule hiyo umeonesha weledi mkubwa kwa kusimamia kwa dhati mradi wa uboresha elimu (GPE) uliotekelezwa na serikali shuleni hapo kwa mwaka wa fedha uliopita kwa gharama ya zaidi ya shilingi milioni 60. ‘Chini ya usimamizi wa Mwalimu Mkuu na Kamati ya Shule, Mradi umetekelezwa kwa ufanisi wa hali ya juu hali iliyopelekea mazingira ya shule hiyo kubadilika kwa kiasi kikubwa na kufanya watoto na wazazi kupenda shule yao’, ameeleza.     ‘Tunakupongeza sana Mwalimu M...
Read more

MRADI WA BOMBA LA MAFUTA KUANZA JANUARI 2027

By -
Image
  Na Alodia Dominick,  Bukoba, Mradi wa bomba la mafuta ambao utekelezaji wake wa jumla umefikia asilimia 87.7 unatarajia kukamilika na kuanza rasmi Januari 15,2027. Mradi huo ambao mkataba wake ulisainiwa mwaka 2021 unatarajiwa kuanza rasmi ifikapo Januari 15, 2027 na kutokana na mkataba mradi utadumu takribani miaka 25. Mratibu wa utekelezaji wa mradi wa ujenzi wa kusafirisha mafuta ghafi Afrika Mashariki (EACOP) Jumanne Saidi akitoa mafunzo ya siku moja kwa waandishi wa habari mkoani Kagera juu ya mradi wa bomba la mafuta na maendeleo yake ameeleza kuwa, mradi huo utaanza rasmi Januari 15,2027. Amesema sh.bilioni 35.6 zimetumika kulipa fidia kwa wananchi wapatao 10,144 maeneo yote yanayopitiwa na bomba la mafuta na nyumba zilizoguswa ni 340, kwa Kagera ni nyumba 119 ambapo waguswa kwa Kagera wako 118.  "Mikoa inayopitiwa na bomba la mafuta ni nane ambayo ni Kagera, Geita, Shinyanga, Tabora, Singida, Manyara, Dodoma na Tanga na katika mkoa wa Kagera unapita katika wilay...
Read more

MAKAMU WA RAIS AMWAKILISHA RAIS DKT. SAMIA SULUHU HASSAN, UTOAJI WA TUZO ZA PYMA.

By -
Image
  MAKAMU WA RAIS AMWAKILISHA RAIS DKT. SAMIA SULUHU HASSAN, UTOAJI WA TUZO ZA PYMA.   Makamu wa Rais wa Jamhuri ya Muungano wa Tanzania Mhe. Deogratius Ndejembi amemwakilisha Rais wa Jamhuri ya Muungano wa Tanzania Mhe. Dkt. Samia Suluhu Hassan katika hafla ya utoaji wa tuzo za 19 za Rais za Wazalishaji Bora Viwandani, hafla iliyofanyika katika ukumbi wa Super Dome, Masaki Jijini Dar es Salaam.   Akizungumza katika hafla hiyo, Makamu wa Rais ametoa wito kwa Wizara ya Viwanda na Biashara kwa kushirikiana na wazalishaji wa saruji nchini, kuhakikisha wanatafuta suluhu ya haraka ili kurejesha bei ya kawaida ya saruji kwa wananchi. Amesema maono ya Rais Dkt. Samia Suluhu Hassan ni kuona wananchi wanaweza kununua mfuko wa saruji kwa gharama nafuu hivyo ni lazima kuoanisha uzalishaji wa malighafi zote zinazochangia katika uzalishaji wa saruji ili bidhaa hiyo ipatikane kwa urahisi.   Halikadhalika, Makamu wa Rais amesema ni muhimu kufanya tathimini ya ukuaji wa viwanda hapa ...
Read more

MAONESHO YA MADINI YAIPAISHA LINDI KIMAPATO - MAKUSANYO YAFIKIA BILIONI 10.5

By -
Image
  MAONESHO YA MADINI YAIPAISHA LINDI KIMAPATO - MAKUSANYO YAFIKIA BILIONI 10.5 Na Hadija omary  LINDI. Mkoa wa Lindi umeandikisha mafanikio makubwa katika Sekta ya Madini baada ya makusanyo ya maduhuli ya Serikali kuongezeka kwa zaidi ya mara nne ndani ya kipindi cha miaka sita. Hayo yamebainishwa na Afisa Madini Mkoa wa Lindi, Mhandisi Emmanuel Shija, alipozungumza kuhusu mwenendo wa sekta hiyo na maandalizi ya Maonesho Makubwa ya Kimataifa ya Madini yanayotarajiwa kufanyika Wilayani Ruangwa. Mhandisi Shija amesema kuwa kwa miaka sita iliyopita, Mkoa wa Lindi ulikuwa unakusanya maduhuli ya wastani wa Shilingi Bilioni 2.5 pekee, lakini katika mwaka wa fedha wa 2025/2026, makusanyo hayo yamepanda hadi kufikia takribani Bilioni 10.5. "Mkoa wetu wa Lindi ulikuwa unakusanya maduhuli ya Serikali Bilioni 2.5 lakini mpaka kufika mwaka uliopita wa fedha Mkoa wetu wa Lindi umeweza kukusanya Bilioni takribani 10.5," amesema Mhandisi Shija. Ameeleza kuwa ongezeko hilo linatokana na ukua...
Read more

MBEYA DC YAPOKEA MRADI KUHIFADHI MAZINGIRA BONDE LA MTO SONGWE

By -
Image
  MBEYA DC YAPOKEA MRADI KUHIFADHI MAZINGIRA BONDE LA MTO SONGWE Halmashauri ya Wilaya ya Mbeya leo tarehe 03 Septemba,2026 imepokea Mradi wa Uhifadhi wa Mazingira (Sustainably Manage the Basin Natural Resources) kutoka Tume ya Pamoja Kati ya Nchi ya Tanzania na Malawi inayoshughulikia Uhifadhi wa Bonde la Mto Songwe (SONGWECOM) unaomwaga maji yake katika Ziwa Nyasa pamoja na uendelezaji wake. Akisoma taarifa hiyo mbele ya ugeni kutoka Wizara ya Maji Makao Makuu Dodoma, Afisa Kilimo wa Halmashauri ya Mbeya, Aidan Mlawa amesema kuwa mradi huo ulifanyika katika Tarafa ya Isangati kwenye Kata za Izyra na Iwiji ndani ya vijiji vinne (4) ambavyo ni: Izyra; Isende; Masewe na Izumbwe II.  Amesema mradi huo umelenga kuwajengea uwezo wa kiuchumi wananchi ambao wanafanya shughuli za kiuchumi na kijamii katika vyanzo na kingo za mito inayomwaga maji yake katika Mto Songwe unaopeleka maji katika Ziwa Nyasa ili ziweze kuachana na uharibifu wa mazingira katika maeneo hayo. Mkurugenzi Msaidi...
Read more

MWENYEKITI MBEYA DC ASHIRIKIANA NA WANANCHI KUCHIMBA MSINGI WA SHULE

By -
Image
  MWENYEKITI MBEYA DC ASHIRIKIANA NA WANANCHI KUCHIMBA MSINGI WA SHULE Wananchi wa Kitongoji cha Mbalizi, Kata ya Utengule Usongwe katika Halmashauri ya Wilaya ya Mbeya, wamejiunga pamoja na kuanza kuchimba msingi kwa ajili ya Mradi wa Ujenzi wa Shule ya Sekondari katika Eneo la Shigamba Pipeline ambalo wananchi hao wamejitolea, ikiwa ni mkakati wa kuunga mkono jitihada za Serikali ya Rais Dkt. Samia Suluhu Hassan, baada ya kutoa fedha kiasi cha shilingi milioni 583, hatua inayotajwa itasaidia kuondoa adha ya watoto kuandikishwa katika shule nyingine za maeneo ya mbali. Diwani wa Kata ya Utengule Usongwe, ambaye pia ni Mwenyekiti wa Halmashauri ya Wilaya ya Mbeya, Mhe. Aidda C. Haule, ambaye ameongoza zoezi hilo kwa kushirikiana na wananchi wa makundi mbalimbali ikiwemo vijana, wanawake, na hata wazee, amesema kuwa, uwepo wa shule ya sekondari katika eneo hilo, ilikuwa ni kiu ya muda mrefu, hali ambayo imewasukuma wananchi kujitokeza kwa wingi, na kujitolea kushiriki zoezi la kuchi...
Read more