PERA FC. YAILAZA NIANJEMA FC. MABAO 2-1 BAGAMOYO.

Mashndano ya Kombe la Mazingira Kabumbu cup 2017 Wilayani Bagmoyo yamefungwa rasmi jna katika uwanja wa Mwanakalenge mjini Bagamoyo.

Katika mechi ya kufunga mashindano hayo iliyochezwa kati ya timu bingwa ya Halmashauri ya Chalinze Pera FC. na timu bingwa ya Halmashauri ya Bagamoyo ya  Nianjema FC. timu ya Pera iliibuka na ushindi wa mabao 2-1 dhidi ya wenyeji Nianjema.

Katika mchezo huo timu zote zilionyesha uwezo wake uwanjani ambapo dakika ya 8 mchezaji Nyange Kabulu aliipatia timu ya Pera bao la kwanza ambapo bao hilo lilidumu mpaka dakika ya 36 timu ya Nianjema iliposawazisha kupitia mchezaji wake Mwinyi Gandi.

Wakati mchuano ukionekana kuwa mkali kwa timu zote mbili dakika ya 55 timu ya Pera FC. ilijipatia bao la pili kupitia mchezaji wake Rajabu Jongo ambapo mpaka mwisho wa mchezo Pera Fc imetoka na ushindi wa mabao 2-1 dhidi y wenyeji Nianjema FC.

Mkuu wa Wilaya ya Bagamoyo, Alhaj, Majid Mwanga alizipongeza timu zote kwa kushiriki vyema katika mashindano hayo na kuwataka kuendeleza umoja na mshikamano katika mambo mbalimbali ikiwemo usafi wa mazingira ambao ndio lengo la kuanzisha mashindao hayo.

Awali ilichezwa mechi ya ufunguzi kati ya kamati ya ulinzi na usalama ya wilaya ya Bagamoyo na madiwani wa Halmashauri zote mbili ambapo timu ya kamati ya ulinzi na usalama iliibuka na ushindi wa mabao 2-1 

Katika mechi hiyo ya ufunguzi bao la kwanza la kamati ya ulinzi na usalama lilifungwa na askari polisi Samweli  huku bao la pili likiwa limefungwa na askari magereza Yohana huku bao la upande wa madiwani likiwa limefungwa na Diwani wa kata ya Bwilingu Lukasi Lufunga.

Akizungumza mara baada ya kumalizikia kwa mchezo huo, mbunge wa jimbo la Chalinze Ridhiwani Kikwete aliipongeza timu ya Pera kwa kuibuka na ushindi wa mabao 2-1 licha ya kuchezea ugenini na kuwataka waendeleze uwezo walionao ili kukuza vipaji vya vijana katika swala la michezo na hatimae Chalinze iweze kutoa wachezaji bora zaidi.

Aidha, kufuatia ushindi waliopata timu ya Pera FC. Mbunge Ridhiwani kikwete aliwazawadia pesa taslimu shilingi laki moja na nusu wachezaji wa timu ya pera huku laki moja akiitoa kwa wachezaji wa timu ya Nianjema.

Kikosi cha timu ya Pera FC. kilikuwa na wachezaji

       1. Shekhe Natori 

   2. Chama Iddy

       3. Mogela Nahau

          4. Gaudensi Maarifa

     5. Chujo Joseph

     6. Shaibu Jongo

              7. Njechele Nyang'anyi

     8. Rajabu Jongo

9. Juma Mfu

     10. Hassan Waziri

       11. Nyange Kabulu

Kwa upande wa Nianjema FC kikosi kilikuwa ni

    1. Karimu kiga

   2. Ally kibinda

         3. Ismail Chachupa

  4. Issa Kanali

     5. Mtumwa Ally

    6. Yasini Kinala

      7. Mwinyi Gandi

         8. Diksoni Chagulo

         9. salehe Masegele

          10. Ibrahimu Masudi

  11. Eliasi Boazi

 

 Wachezaji na mashabiki wa timu ya Pera FC. wakifurahia ushindi wa mabao 2-1 dhidi ya Nianjema FC.

Mchezaji wa timu ya Pera FC akijaribu kuwatoka wachezaji wa timu ya Nianjema FC.

 

Wachezaji wa akiba, Viongozi na Mashabiki wa timu ya Nianjema FC. wakishikwa na butwaa baada ya kufungwa goli la pili.

 

Mshambuliaji wa timu ya Nianjema FC akijaribu kuwatoka wachezaji wa Pera FC.

 

Baadhi ya wachezaji wa timu ya kamati ya ulinzi na usalama wilaya ya Bagamoyo wakiongozwa na Mkuu wa wilaya hiyo Alhaj, Majid Mwanga wakifuatilia pambano hilo.

 

Mkuu wa wilaya ya Bagamoyo, Alhaj, Majid Mwanga wapili kushoto na Mbunge wa jimbo la Chalinze Ridhiwani Kikwete wa pili kulia wakiwa na nyuso za furaha mara bada ya mpira kumalizika