MKUTANO WA KUJADILI UCHUMI WA KIISLAMU AFRIKA, WAFANYIKA DAR.

Mkurugenzi wa Alhuda Center Of Islamic Banking and Economics, Muhammad Zuberi akiwasilisha mada katika mkutano huo.

...........................

Uchumi wa Kiislamu Afrika unakabiliwa na changamoto za kukosekana kwa sheria maalum zinazosimamia Benki za Kiislamu pamoja na  uelewa mdogo miongoni mwa jamii.

Wakizungumza  wakati wa kuwasilisha mada washiriki mbalimbali wa mkutano wa kujadili Uchumi wa Kiislamu  Afrika, uliofanyika jijini Dar es Salaam, hivi  karibuni,  wamesema Benki za kiislamu Afrika hazina sheria maalum  kutoka  serikalini za  kuwasimamia kutekeleza majukumu yao  kikamilifu.

Wamesema mfumo  unaotumika hivisasa  katika kuendesha  Benki  za  Kiislamu  katika nchi za Afrikani uleunaotumikakuendesha Benki  za  kawaida  zinazotumiaRiba  hali  inayopelekea kukwama katika baadhiya mambo kwenye utekelezaji.

Wameongeza kuwa miamala mbalimbali ya  kifedha  kwa mujibu  wauislamu haipati msaada wa sheria za serikali  ili kuwa na nguvu katika usimamizi wa miamala hiyo kwa mujibu  wa sheria  za nchi.

Walisema  utekelezaji  wa sheria za  kiislamu  hauhitaji  msaada  wa  sheria zingine  lakini katika  miamala ya kifedha  ambayo mara nyingi  inahitaji dhamana  na  uwezeshwaji kutoka  serikalini ni wazi  kuwa bilaya kuwa na  shria maalu inayosimiamia  miamala ya  kiefdha  kwa mujibu  wa uislamu bado kutakuwa na changamoto nyingi  katika kufikia malengo.

MCHANGO WA BENKI  ZA  KIISLAMU  KATIKA KUKUZAUCHUMI.

Wakizungumzia mchango wa Benki za kiislamu katika kukuzaUchumi, washiriki  hao  walisema  Benki za kiislamu zina mchango mkubwa  sio tu katika kukuza uchumi  wa  kiislamu  lakini  pia  hata katika  kuchangia miradi ya  maendeleo ya  nchi  ambapo  nchi mbalimbali  zimefaidika  na mfumo wa  Benki za  kiislamu.

Walitolea mifano ya nchi ambazo zimefaidika na  mfumo  wa Benki za  kiislamu katika kuchangia maendeleo ya serikali ni pamoja  na Afrika ya  kusini, Togo, Nigeria ambapo wametumia njia ya Benki za  kiislamu kuweza  kutekeleza miradi ya maendeleo kama vile Ujenzi wa barabara  na  miradi  mingine mikubwa ya  kitaifa.

Washiriki wa mkutano huo walisema Benki za kiislamu  zinafanyakazi  katika uchumi  halisi kwa kuzingztia uadili na ukweli hali  inayopelekea watumiaji wa huduma hiyo kuweza kukuza  mitaji yao bilaya  kuingia kwenye Riba  ambayo imeharamishwa katika uislamu. 

Walisema  mifumo ya Benki za kiislamu miongoni mwa faida zake ni  kupunguza mfumuko wa bei,  kukuza nafasi za ajira na kuzalisha bidhaa ambazo zinahitajika katika matumizi ya  binadamu kwani kwa kutumia mfumo wa kiislamu kunazingatiwa mahitaji  muhimu ya kijamii katika uwekezaji na hivyo hata matumiziya fedhayanalenga  katika  mahitaji hali ya mwananchi wa kawaida.

Aidha, walisema athari zinazotokana na Riba zinaonekana hata katika nchi  kwa kuongezeka madeni ya nje  ambayo  misingi yake niRiba hivyo ni wazi kuwa ikiwa kama nchiinaweza kutetereka  kutokana na riba  kwenye  mikopo  basi kwa  mwananchi  wa kawaida pia  mfumo huu  utamuathiri  zaidi.

Walisema uislamu   umeharamisha Riba na umehalalisha Biashara hivyo  katika mfumo wa kiislamu fesa sio bidhaa hivyo  mwenye  kukopesha fedha anapaswa kurudishiwa  kiasi kilekile lakini ikiwa anataka faida basi uislamu  umeruhusu kufanya biashara ili upate faida.

UELEWA MDOGO MIONGONI  MWA JAMII

Katika kuwasilisha mada, washiriki  waliweza kutaja miongoni  mwa changamoto zinazoikabili Benki za Kiislamu  katikanchi  za Afrikani pamoja  uelewa mdogo miongoni  mwa jamii.

Akizungumzia hilo, Mkurugenzi  wa Amana Bank, Dkt.  Muhsin  Masoud alisema  Tanzania  kwa sasa inafika  miaka tisa toka  kuwepo kwa Benki za  kiislamu lakinibado  kuna watu hawaelewi mfumo  wa Benki  za  kiislamu.

Alisema wapo  wanodhani  kuwa watumiaji  wa Benki  hizo  ni  waislamu  pekee jambo ambalo siosahihi  lakini pia  bado  kwa  waislamu  kunahitajikakuongeza uelewa ili  kutofautisha  Benki  zinazotumia  mifumo ya Riba na Benki  ambazo hazitumii  mifumo ya Riba.

Alisema Elimu  inahitajika  ili kuifahamisha jamii,nini hasa maana Riba, Madhara  yake,  na namna ya  kuiepuka ili jamii  iondokane na miamala inayoambatana na Riba. 

Mkutano huo  wa siku mbili wa  kujadili Uchumi wa Kiislamu Afrika umeandaliwa na Shirika  la  Kimataifa  la Alhuda Centeter  of Islamic  Banking and Economics (CIBE) lenye makao yake makuu nchini  Dubai, uliolenga  kuwasilisha Changamoto za  kiuchumi na kufungua milango  kwa wawekezaji  kutoka nje  ya  Afrika. 

umehudhuriwa  na  nchi  kumi zaidi ya kumi ambapo kwa  pamoja  wamekubaliana  kuongeza Elimu juu ya  matumizi ya  Benki za  kiislamu, Uharamu  wa Riba  na kuzitaka  Serikali  za nchi za Afrika kutunga Sheria zitakazosimamia uendeshaji  wa Benki  za  Kiislamu.