DC BAGAMOYO AANZISHA MATIBABU YA MACHO MASHULENI.

Mkuu wa Wilaya ya Bagamoyo, Alhaji majid Mwanga kwa kushirikiana na Child Eye and Vision Organization  ameanzisha mpango wa matibabu ya macho katika shule za msingi na Sekondari ili kukabiliana na uono hafifu mashuleni.

Akizungumza katika uzinduzi huo Mwenyekiti na muanzilishi wa Child Eye and Vision Organization Dkt. Asha Mweke alisema wanamshukuru Mkuu wa wilaya huyo kwa kuwatafuta na kuwataka waanzishe mpango wa kupima macho mashuleni ili kuwaondolea watoto uoni hafifu.

Dkt. Asha alisema wameanza Bagamoyo katika shule ya Msingi Mbaruku na kwamba mpango huo utakuwa wilaya nzima na baadae mkoa wote wa Pwani.

Alisema mpango huo wameupeleka mashuleni kwasababu ndio watoto wengi wana matatizo ya macho na kwamba hakuna mtu wakuwakagua ili kuwapatia matibabu ya macho.

Nae Mbunge wa Jimbo la Bagamoyo Dkt. Shukuru Kawambwa ambae ndiyo aliyekuwa mgeni rasmi katika uzinduzi huo alisema iko haja kwa wabunge kuishauri serikali kuanzisha mpango wa matibabu ya macho kwa watoto kuanzia ngazi ya kaya ili kuwaondolea matatizo ya uoni hafifu.

Alisema watoto wanataraji kusoma ili wapate elimu ambayo itawasaidia katika maisha yao lakini pia ndio viongozi tunaotarajia kuja kushika nafasi mbalimbali nchini hivyo wakishindwa kuona darasani hawatafanya vizuri katika masomo yao.

Alisema tatizo la macho kwa mtoto hawez kuligundua mapema hivyo hupelekea kushindwa kufahamu vitu vingi kwakuwa anavyofundishwa darasani.

Alisema endapo Serikali ikianzisha mpango huo wa matibabu ya macho kwa watoto itasaidia kugundua matatizo ya macho kuanzia nganzi ya kaya na kulishughulikia tatizo hilo kabla haljawa kubwa

Mbunge wa jimbo la Bagamoyo Dkt. Shukuru Kawambwa akizungumza na wakati wa kuzindua matibabu ya macho katika shule ya msingi Mbaruku

Mbunge wa Jimbo la Bagamoyo Dkt. Shukuru Kawambwa akifanya vipimo vya macho wakati wa uzinduzi wa matibabu ya macho mashuleni wilayani Bagamoyo kushoto ni mwenyekiti wa Child Eye and Vision Organization Dkt. Asha Mweke 

 

Baadhi ya watoto wanaosoma katika shule ya awali Mbaruku wakiwa kwenye foleni kupima macho yao

Mkurugenzi wa bagamoyokwanza blog ndugu Athumani Shomari akipata vipimo vya macho wakati wa uzinduzi wa mpango wa kupima macho kwa watoto wanaosoma shule za msingi na Sekondari Mpango ulioanzishwa na Mkuu wa wilaya ya Bagamoyo akishirikiana na Child Eye and Vision Organization 

Wanafunzi wa shule ya msingi Mbaruku Bagamoyo, wakisubiri kupimwa macho

Mwenyekiti na mwanzilishi wa Child Eye and Vision Organization Dkt. Asha Mweke akizungumza na waandishi wa Habari.