MENGI ACHANGIA MADAWTI 1,OOO KWA WILAYA ZA BAGAMOYO NA HANDENI YENYE THAMANI YA MILIONI 70.

Mwenyekiti wa makampuni ya IPP, Dkt. Reginald Mengi kulia akimkabidhi mfano wa hundi ya shilingi milioni 35, mkuu wa wilaya ya Bagamoyo, Alhaji Majid Hemedi Mwanga, wanaoshuhudia kwa nyuma kuanzia kushuto ni mkurugenzi wa Halmashauri ya Chalinze, Edes Lukoa, kaimu mkurugenzi wa Halmashauri ya Bagamoyo Natujwa Melau, Mwenyekiti wa Halmashauri ya Bagamoyo Aliy Aliy Issa na Mwenyekiti wa Halmashauri ya Chalinze, Saidi Zikatimu.

Mwenyekiti wa makampuni ya IPP, Dkt. Reginald Mengi kulia akimkabidhi mfano wa hundi ya shilingi milioni 35, mkuu wa wilaya ya Handeni, Husna Rajab,(kushoto) wanaoshuhudia nyuma kuanzia kushoto ni Mkurugenzi wa Mji wa Handeni, Kenneeth Haule, Mwenyekiti wa Mji wa Handeni, Twaha Mgaya na Mwenyekiti wa Halmshauri ya Handeni, Ramadhani Diliwa.

Mkurugenzi mkuu wa makampuni ya IPP, DKT. Reginald Mengi amechangia upatikanaji wa madawati katika wilaya za Bagamoyo na Handeni, ikiwa ni kumuunga mkono Rais wa Jamhuri ya muungano wa Tanzania ,DKT. John Magufuli katika kampeni ya upatikanaji wa madawati kwa nchi nzima ambayo inaishia tarehe 30 mwezi huu.

Akizungumza katika hafla ya kukabidhi mchango huo katika Hoteli ya Serena jijini Dar es Salaam, Dkt. Mengi  alisema ni wajibu wakila mtanzania kuiunga mkono serikali katika harakati za kuhakikisha kila shule inapata madawati ya kutosha ili kuondoa adha ya kukaa chini kwa vijana wanapokuwa madarasni.

Katika mchango huo Mwenyekiti huyo wa makampuni ya IPP amekabidhi hundi ya shilingi milioni 35 kwa mkuu wa wilaya ya Bagamoyo, Alhaji Majid Hemed Mwanga, huku mkuu wa wilaya ya Handeni nae alikabidhiwa hundi ya shilingi milioni 35 ikiwa ni sawa na madawati 500 kila wilaya.

Mengi amesema umoja ni nguvu, hivyo matajiri wote wakiweka azma ya kuchangia kampeni hiyo ya madawati hakuna motto atakae kaa chini darasani.

Wakizungumza mara baada ya kupokea msaada huo wakuu wa wilaya hizo za Bagamoyo na Handeni wamesema wanamshukuru DKT Mengi kwa mchango wake na kuwataka matajiri na wadau mbalimbali waige mfano huo katika kuunga mkono juhudi za serikali.