Rais
wa Jamhuri ya Muungano wa Tanzania Dkt. John Pombe Magufuli akitoa maagizo kwa
Mkuu wa wilaya ya Bagamoyo, Alhaji, Majid Mwanga baada ya kuongea na
wanakjijiji wa Fukayosi wilayani humo aliposimama kwa muda na
hatimaye kutoa maelekezo ya namna ya kutatua migogoro kati ya wakulima na
wafugaji akiwa njia kuelekea Dar es salaam akitokea katika ziara
ya kikazi ya Dodoma leo Machi 17, 2017.
Rais
wa Jamhuri ya Muungano wa Tanzania Dkt. John Pombe Magufuli akisikiliza
changamoto za wakulima na wafugaji kutoka kwa Mkuu wa Wilaya ya Bagamoyo, Alhaji,
Majid Mwanga katika kijiji cha Fukayosi
akiwa njia kuelekea Dar es salaam akitokea katika ziara ya kikazi ya
Dodoma leo Machi 17, 2017.
Rais wa Jamhuri ya Muungano wa Tanzania Dkt. John Pombe Magufuli akiongea
na wanakjijiji wa Fukayosi wilaya ya Bagamoyo mkoa wa Pwani
aliposimama kwa muda na hatimaye kutoa maelekezo ya namna ya kutatua
migogoro kati ya wakulima na wafugaji
akiwa njia kuelekea Dar es salaam akitokea katika ziara ya
kikazi ya Dodoma leo Machi 17, 2017
Baadhi
ya wananchi wakishangilia hotuba ya Rais Dk. John Pombe Magufuli wakati
alipoongea nao katika kijiji cha Fukayose wilaya ya Bagamoyo mkoani Pwani.
Rais wa Jamhuri ya Muungano wa Tanzania Dkt. John Pombe Magufuli
akiongea na wanakjijiji wa Fukayosi wilayani humo aliposimama
kwa muda na hatimaye kutoa maelekezo ya namna ya kutatua migogoro kati ya
wakulima na wafugaji akiwa njia kuelekea Dar es salaam akitokea
katika ziara ya kikazi ya Dodoma leo Machi 17, 2017.
PICHA NA IKULU
Rais wa Jamhuri ya Muungano wa Tanzania Mhe. Dkt. John Pombe Magufuli amemuagiza Mkuu wa Wilaya ya Bagamoyo Mkoani Pwani Alhaji Majid Mwanga kuwasaka, kuwakamata na kuwafikisha katika vyombo vya sheria wafugaji wote wanaodaiwa kuhusika katika matukio ya kuwashambulia kwa viboko wananchi wa Kijiji cha Fukayosi kilichopo Wilayani humo.
Mhe. Dkt. Magufuli aliyekuwa akisafiri kwa gari kutoka Dodoma kwenda Jijini Dar es Salaam ametoa agizo hilo leo tarehe 17 Machi, 2017 aliposimama katika kijiji hicho baada ya kuona wananchi wengi wakiwa wamekusanyika kando ya Ofisi ya Kata.
Baada ya kusimamisha msafara wake, Mhe. Rais Magufuli aliwaita wananchi waliokuwa wamekusanyika huku wakiwa wameshika mabango yaliyoandikwa ujumbe wa kutaka wafugaji wa jamii ya Wamang’ati waondolewe na kisha akatoa nafasi kwa baadhi yao kueleza dukuduku lao.
Wananchi hao ambao ni wakulima na mfugaji mmoja aliyejitokeza wakaeleza kuwa Wamang’ati wamekuwa wakiwanyanyasa kwa kuingiza mifugo katika mashamba yao ya mazao na wakithubutu kuwakataza wamekuwa wakichapwa viboko na baadhi kuuawa.
Katika majibu yake, pamoja na kutaka wote wanaodaiwa kuwashambulia wananchi kwa viboko wakamatwe Mhe. Rais Magufuli amemtaka Mkuu wa Wilaya ya Bagamoyo kukomesha mara moja vitendo vya wafugaji kuwapiga wakulima na wakulima kuwapiga wafugaji, na pia kukomesha vitendo vya wafugaji kulisha mifugo yao katika mashamba ya wakulima.
“Kuanzia leo isitokee mfugaji kumpiga mkulima, mkulima kumpiga mfugaji wala mfugaji kulisha mifugo yake kwenye mashamba ya wakulima, na suala hili nitalifuatilia mimi mwenyewe.
“Kwa hiyo Mkuu wa Wilaya na Viongozi mlishughulikie hili kabla mimi sijawashughulikia nyinyi, wale waliopiga watu, nataka wote wakamatwe na wafikishwe kwenye vyombo vya sheria” amesema Mhe. Dkt.Magufuli.
Gerson Msigwa
Mkurugenzi wa Mawasiliano ya Rais, IKULU
Dar es Salaam
17 Machi, 2017
