TUKAJIANDIKISHE KWENYE DAFTARI LA MKAZI ILI TUPIGE KURA. RC LINDI

 

Mkuu wa Mkoa wa Lindi Mhe. Zainab Telack ametoa wito kwa wananchi wa Mkoa wa Lindi kujitokeza kwa wingi kushiriki zoezi la kujiandikisha kwenye daftari la Mkazi ambalo linatarajiwa kufanyika Oktoba 11 hadi 20, 2024 na upigaji wa kura 27, Novemba 2024 kuchagua viongozi wa serikali za Mitaa.

"Niwaombe vijana wote, niwaombe akina mama, akina Baba tuende tukajiandikishe kwenye daftari la mkazi ili tukaweze kupiga kura " 

Wito huo ameutoa leo tarehe 29 septemba 2024  katika viwanja vya Kilwa Kivinje ambako kivinje Jogging klabu wameandaa bonanza lakualika klabu mbalimbali kutoka maeneo na mikoa mbalimbali kama vile Dodoma, Mtwara, Pwani na Dar Es Salaam lenye lengo la kudumisha afya, ushirikiano, upendo, umoja na hamasa ya kushiriki uchaguzi wa serikali za mitaa ambao unatarajiwa kufanyika mwezi Novemba 27, 2024.

Mhe. Zainabu Telack ametoa angalizo kwa wananchi ambao hawana taarifa sahihi kuhusu vitambulisho walivbyo navyo na zoezi la kujiandikisha katika daftari la mkazi.

"Wapo wenzetu ambao wanasema tayari wanavitambulisho vya kupiga kura  vitambulisho  kwahiyo hawaoni sababu ya kujiandikisha tena , vile vitambulisho ni kwa ajili ya uchaguzi wa Mwaka kesho lakini kwa uchaguzi huu wa serikali za mitaa, serikali zamitaa ,vijiji na vitongoji tunakwenda kujiandikisha kwenye daftari la mkazi " 

Aidha, amewasihii siku ya kupiga kura wajitokeze mapema kwa ajili ya kutimiza wajibu nahaki ya kupiga kura mapema.

Kwa upande wake Katibu Tawala Mkoa wa Lindi Bi. Zuwena Omary amesema kilammojaazishike tarehe hizo muhimu ambazo tarehe 11 hadi 20 Oktoba , 2024 kwa ajili ya kujiandikisha na tarehe 27 siku ya kupiga kura .

RAIS DKT. SAMIA AHITIMISHA ZIARA YA SIKU SITA RUVUMA.

 

Awashukuru wananchi ushirikiano wao, ajivunia mafanikio makubwa utekelezaji wa Ilani ya CCM.

Asisitiza wananchi kujiandikisha Uchaguzi Serikaki za Mitaa.

Mhe. Rais Dkt. Samia amehitimisha ziara yake ya kikazi mkoani Ruvuma kwa kuhutubia mkutano mkubwa wa hadhara, uliohudhuriwa na maelfu ya wananchi takriban elfu 50, katika Uwanja wa kihistoria, wa Kumbukumbu ya Majimaji, mjini Songea,  tarehe 28 Septemba 2024.

Katika hotuba yake mbele ya umati mkubwa wa watu waliofurika kumsikiliza Rais Dkt. Samia, pamoja na masuala mengine, ameendelea kusisitiza wito wake kwa Watanzania wenye sifa kushiriki kikamilifu Uchaguzi wa Serikali za Mitaa, kuanzia ratiba ya kujiandikisha kupiga kura iliyopangwa kuanza Oktoba 11 - 20, mwaka huu. 

Rais Dkt. Samia ametumia mkutano huo pia, kuendelea kuwashukuru Watanzania wanavyoshirikiana na Serikali ya CCM, chini ya uongozi wake, hali ambayo imesaidia utekelezaji wa Ilani ya Uchaguzi ya CCM ya 2020 - 2025, kwa mafanikio makubwa hadi sasa, katika nyanja mbalimbali za maendeleo. 

Katika ziara hiyo, ambayo imemfikisha katika wilaya na halmashauri zote za Mkoa wa Ruvuma, akianzia Songea, kisha Mbinga, Nyasa, Namtumbo na Tunduru, Mhe. Rais Dkt. Samia amekutana, kuwasikiliza na kuzungumza na wananchi kuhusu maendeleo na hali za maisha katika maeneo yao, huku changamoto zilizowasilishwa akizitolea maagizo ya ufumbuzi wa haraka, wa kudumu, na zingine akizichukua kwa hatua zaidi. 

Aidha, katika kuhitimisha ziara hiyo, Mhe. Dkt. Samia akielezea kisekta, amebainisha shughuli zote alizofanya ndani ya Mkoa wa Ruvuma, ikiwemo kilimo, maji, elimu, afya, miundombinu ya barabara na bandari, sanaa, mazingira, utamaduni na utalii.

HAKIMU, WAKILI WA SERIKALI WAJA JUU WAKILI CHUWA KUCHELEWESHA KESI.

 

Na Mwandishi Wetu

HAKIMU Mkazi Mkuu wa Mahakama ya Hakimu Mkazi Kisutu, Dar es Salaam Aaron Lyamuya, ameelezea kukerwa na tabia ya wakili wa utetezi kwenye kesi ya jinai, Edward Chuwa kutaka kesi iahirishwe mara kwa mara.

"Hivi siyo vitu vya kutengeneza vipo kwenye rekodi za mahakama, hili shauri lazima liishe hatuwezi kuja hapa kila siku tunakaa tu hatuna cha kufanya hapa,  kuna polisi, kuna karani na mawakili wapo tu kila siku kuahirisha kesi hapana, “ alisema Lyamuya

Kesi hiyo ya tuhuma za kujeruhi na kutoa lugha ya matusi inawakabili wanandoa Bharat Nathwan (57) na Sangita Bharat (54)  ambapo nathwani anatuhumiwa kuwa Julai 21,2023 akiwa eneo la mtaa wa Mrima-Kisutu, jengo la Lohana, ndani ya Wilaya ya Ilala, Dar es Salaam alimsababishia madhara makubwa Kiran Lalit kwa kuzamisha kichwa chake kwenye ndoo la saruji iliyochanganywa.

Hakimu Lyamuya alienda mbali zaidi kwa kusema kwamba analipwa kwa hiyo anatakiwa kufanya kazi na pia Wakili wa Serikali analipwa anatakiwa afanye kazi.

"Sio kwamba nilikuwa sioni hii hali hapana nilikuwa naona udhuru unaotolewa mara kwa mara ila niliamua kuwa mvumilivu tu, lakini haiwezekani Chuwa acheleweshe shauri hili kila siku haliwezekani  hii kesi iendelee milele inatakiwa ifike mwisho,"alisema Hakimu Lyamuya

Aliwataka washtakiwa wamueleze wakili wao kilichoendelea mahakamani na wamwambie aje mahakamani shauri lisikilizwe ili maisha mengine yaendelee.

 Hakimu Lyamuya alipangia shauri hilo Oktoba 7, 2024 kwa ajili ya kusikiliza, ambapo shahidi alionywa afike tarehe hiyo.

Awali, wakili wa Serikali Faraja Ngukah aliiilalamikia mahakama hiyo kuwa Wakili wa utetezi  Edward Chuwa amekuwa na tabia ya kuchelewesha shauri hilo kwa kutoa udhuru kila wakati.

Aidha, wakili huyo amelalamikia kitendo cha mshtakiwa wa pili Sangita kudai anaumwa na shauri likaahirishwa lilipokuja hivi karibuni, lakini cha kushangaza alikwenda kukesha kwenye sherehe za tamaduni za kihindi.

Ngukah alidai kuwa usikilizwaji wa shauri hilo umeahirishwa mara saba kwa udhuru wa Wakili Chuwa ingawa  Mahakama ilimuachia nafasi apange tarehe ya kusikilizwa kesi.

“Haiwezekani shauri hili likawa linaahirishwa mara kwa mara  kwasababu ya wakili Chuwa, na yeye ndiye alipendekeza tarehe ya leo iweje tena aseme kwamba aka kesi nyingine leo wakati yeye ndiye alipanga tarehe ya leo,” alidai

Alidai kuwa katika vikao hivyo vitatu ni cha Agosti 30, 2024, Septemba 10, 2024 na kikao cha jana cha Septemba 26, 2024 vikao vyote hivyo walipata hudhuru kutoka kwa Wakili Chuwa.

Alidai kuwa tarehe 30  Chuwa alidai kuwa yuko Mahakama Kuu kwenye usikilizwaji wa shauri na Septemba 10, 2024 alieleza Mahakama kuwa hawawezi kuendelea kwa sababu mteja wake wa pili anaumwa ingawa anayedaiwa kuwa mgonjwa alionekana akiendelea na shughuli zake mitaani.

Wakili Ngukah alidai kuwa siku hiyo mshtakiwa Sangita alikesha kwenye sherehe na pia hata alipoondoka eneo la Mahakama aliendelea na shughuli zake za kijamii na hakuwa anaumwa kama alivyodai wakili wake na badala yake walipanga shauri liendelee.

"Mlalamikaji na washtakiwa wanaishi eneo moja, kwa hiyo anaweza kuona kitu na kukisema, Mheshimiwa Hakimu haki iliyocheleweshwa ni haki iliyokataliwa hili shauri linachukua muda mrefu sana lazimaa lifike mwisho,"alidai Ngukah

“Shauri hili  lilitakiwa kuanza kusikilizwa saa tatu asubuhi, kwa hiyo tulitarajia angefika mahakamani hapa mapema tukaanza na hili kwa sababu shauri la Mahakama Kuu linaanza kusikilizwa saa tano asubuhi,” alidai.

"Wakati kesi hii inaendelea Wakili Chuwa huwa anakuja na wakili Anna Lugendo, lakini cha kushangaza ikitokea ana udhuru Lugendo naye haji mahakamani,"

"Tunaomba Mahakama itoe amri iwapo itapanga tarehe ya kusikilizwa, basi siku hiyo upande wa utetezi uwepo kama kutakuwa udhuru yoyote basi aje wakili mwingine na shauri liendelee, tunaelekea mwaka sasa lilifika hapa Agosti 18,2023  na hadi sasa ni mashahidi wanne tu waliotoa ushahidi,"alidai Ngukah

Ngukah alisema kuwa jana walikuwa na shahidi mmoja ambaye ni mara yake ya tatu kufika  mahakamani lakini hakupata nafasi ya kusikilizwa na kuongeza kuwa hatendewi haki kwa sababu anaacha shughuli zake za kijamii kuja mahakamani.

"Siku shashidi huyu akichoka kufika mahakamani sisi upande wa Jamhuri ndiyo itakuwa imekula kwetu, hatumtendei haki tunaomba wakili wa utetezi Edward Chuwa aonywe,"alidai Ngukah

Hakimu Lyamuya aliwauliza washtakiwa kama wamesikia malalamiko ya wakili wa serikali kuhusu wakili wao Chuwa kutokufika mahakamani na walijibu kuwa wamesikia

RAIS SAMIA AFUNGUA BARABARA YA MBINGA - MBAMBA BAY (KM 66) - RUVUMA

 Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan amefungua barabara  ya Mbinga - Mbamba Bay yenye urefu wa kilometa 66 iliyokamilika kujengwa kwa kiwango cha lami Mkoani Ruvuma, Septemba 25, 2024.

Ujenzi wa Barabara ya Mbinga - Mbamba Bay (km 66) umesimamiwa na Wizara ya Ujenzi kupitia Wakala ya Barabara - TANROADS chini ya Mkandarasi China Henan International Cooperation Group Co. Ltd kutoka China na Mhandisi Mshauri kutoka SMEC International Pty Ltd kutoka Australia kwa gharama ya Shilingi Bilioni 122.76.

Katika utekelezaji wa barabara hiyo, Kiasi cha shilingi Milioni 637.4 kilitumika kulipa fidia kwa wananchi walioathirika na ujenzi kwa mujibu wa sheria.

Barabara ya Mbinga - Mbamba Bay ni sehemu ya barabara kuu ya ushoroba wa Mtwara (Mtwara Corridor) yenye jumla ya urefu wa kilometa 826 inayoanzia Mtwara mpaka Mbamba Bay ambapo pia barabara hiyo inaunganisha Mkoa wa Ruvuma na Mkoa wa Mtwara pamoja na Mkoa wa Mbeya na nchi Jirani ya Malawi kupitia Ziwa Nyasa.

JKCI YAENDELEA KUWA LULU UTALII TIBA AFRIKA

 

Madaktari wake waitwa Zambia kufanya upasuaji wa moyo

Na Mwandishi Wetu

 

Uwekezaji mkubwa uliofanywa na Rais Samia Suluhu Hassan kwenye sekta ya afya umeendelea kuipaisha Tanzania ambapo sasa madakati bingwa wanne wa Taasisi ya Moyo ya Jakaya Kikwete JKCI wako nchini Zambia wakiendelea  kufanya upasuaji wa moyo.

Timu hiyo ya madakari hao itashirikiana na wenzao wa Hospitali ya Taifa ya Moyo ya Zambia na watafanyakazi upasuaji wa moyo kwa muda wa wiki moja .

Mkuu wa ujumbe huo, Dk Viviane Mlawi wa (JKCI),  ambaye ni daktari bingwa wa moyo kwa watoto, alisema  ujumbe huo pia umeambatana na mtaalam mbobezi wa chumba cha upasuaji na mtaalamu wa usingizi katika upasuaji Moyo.

Alisema wameambatana pia na mbobezi katika  kuhudumia wagonjwa wa nje wanaokuja kupata matibabu Tanzania,  Dk. Maiyer Msengi na wauguzi wawili ambao ni wabobezi wa chumba cha wagonjwa mahututi (ICU).

Dk Mlawi alisema malengo makubwa ya safari hiyo  ni matano ambayo ni kufanya upasuaji wa moyo kwa wahitaji ambao ni wengi nchini Zambia na kuwajengea uwezo madaktari wa Zambia mbinu za upasuaji ambazo bado hawajawa nazo na kubadilishana ujuzi.

Alitaja lengo lingine kuwa ni kukagua kwa pamoja na kubainisha maeneo ambayo Tanzania inaweza kushirikia na Zambia katika kuwasaidia wazambia matibabu ya kibingwa kwa wepesi na gharama nafuu.

Dk. Mlawi alisema madaktari hao watakagua na kubainisha vifaa tiba ambavyo vipo na vile ambavyo havipo ili kuweka mikakati ya jinsi gani wanaweza kushirikiana kuvipata ili kuboresha huduma zao.

Alitaja lengo lingine kuwa ni kuona maeneo mbalimbali ya ushirikiano katika  tafiti, teknolojia na mambo ya msingi ambayo Tanzania iko  mbele sana katika eneo hilo kwa ukanda huu wa Afrika Mashariki na Kati.

Naye Dk. Maiyer ambaye ni mtaalam wa usimamizi wa wagonjwa kutoka nje ya nchi, alisema  yapo mambo mengi ambayo JKCI na Hospitali ya Taifa ya Moyo Zambia wanaweza kuyafanya kwa kushirikiana kwaajili ya maendeleo ya nchi hizo mbili.

Alitaja masuala hayo kuwa ni kuhakikisha wanarahisisha utoaji wa vibali vya kuingia kwenye nchi hizo (visa), malazi kwa wanaotembelea nchi hizo na usajili wa mawasiliano ya namba za simu na vibali vya kwenda kupata matibabu.

Alisema kwa upande wa Tanzania watahakikisha kunakuwa na uhakika wa miadi ya kukutana na madaktari bingwa na kupata huduma kwa wakati ili kupunguza gharama za kuishi nchini kwa muda mrefu .

Alisema watahakikisha kunakuwa na huduma bora wakati na baada ya upasuaji wa wagonjwa wa moyo na kufanya JKCI iendelee kuwa kimbilio kwa mataifa mengi ya Afrika na kwingineko.

Alisema jambo lingine la msingi ambalo watahakikisha linazingatiwa ipasavyo ni uhakika wa gharama sahihi za vipimo na matibabu na usalama wa mgonjwa kwa kulinda haki zake zote akiwa anapata matibabu.

Alisema kuna umuhimu wa kuendelea kuboresha uhusiano baina ya mataifa hayo mawili katika utoaji wa taarifa  ubalozini hasa kwa kuzingatia kuwa kuna mahitaji makubwa ya watu kuja nchini kupata matibabu ya moyo.

Msemaji wa Hospitali ya Moyo ya Taifa ya Zambia, Dk. Chabwela Shumba alisema wamekutana na madaktari wa Tanzania na baada ya kufanya uchambuzi wa uwekezaji ambao serikali imefanya kwa JKCI wameona kwamba watanufaika kwa kiwango kikubwa kama watashirikiana na Tanzania.

“Tumeshangaa sana kuona uwekezaji mkubwa uliofanywa  katika vifaa vya kisasa kama MRI, CT SCAN, rasilimali watu, teknolojia na kiwango kikubwa cha wagonjwa waliofanyiwa upasuaji wa moyo kwa mafanikio makubwa,” alisema Shumba.

Alisema wamebaini kuwa JKCI inateklojia ile ile inayotumiwa na mataifa yaliyoendelea hivyo hakuna haja ya kuwapeleka wagonjwa wao kwenye nchi hizo kwani wanaweza kupata huduma kama hizo taasisi ya JKCI.

MAJID MWANGA AZINDUA SAMIA BODABODA DAY, MLELE.

 

Tarehe 23 September 2024 imekuwa ni siku ya neema na kukumbukwa kwa maafisa usafirishaji wa wilaya ya Mlele maarufu Kama bodaboda hii ni baada ya Ofisi ya mkuu wa wilaya ya mlele chini ya mkuu wa wilaya Mh Alhaj Majid mwanga kuandaa siku maalumu ya SAMIA BODABODA DAY iliyo fanyika halmashauri ya mlele shule ya msingi inyonga na kupambwa na kauli mbiu ya MIMI NI KIJANA WA SAMIA "nitashiriki uchaguzi wa serikali za mitaa November 27/ 2024

Siku hiyo maalumu ya boda boda Samia day imeyakutanisha makundi yote ya BODABODA kutoka pande zote za halmashauri ya mlele na kuhudhuriwa na viongozi mbalimbali wa kiserikali Kama Mkurugenzi mtendaji wa halmashauri ya wilaya ya mlele BI SIGILINDA MDEMU, Pia Wakuu mbalimbali wa taasisi, akiwemo mkuu wa kitengo cha usalama barabarani ambae alipata wasaa wa kutoa nasaha kwa madereva hawa wa bodaboda na kuwaasa kuzingatia sheria za usalama barabarani ili kuepusha ajali mbazo zimekuwa zkijitokeza mara kwa mara kutokana na uzembe.

Akizungumza katika siku hiyo maalum ya SAMIA BODABODA DAY, Mkuu wa wilaya ya Mlele Alhaj Majid Mwanga amewataka vijana wilayani humo kuweka kumbukumbu ya tarehe ya uchaguzi wa serikali za mitaa ili kila mmoja aweze kushiriki.

Alisema usoefu unaonyesha vijana wengi hawajitokezi kupiga kura jambo ambalo wanajinyima haki yao kikatiba ya kuwachagua viongozi wanaowataka ili wawaletee maendeleo.

Aliongeza kwa kusema kuwa vijana wa wilaya ya Mlele wanapaswa kutambua kuwa wana mambo matatu ya kufanya katika uchaguzi wa serikali za mitaa unatarajiwa kufanyika mwezi Novemba.

Majid Mwanga, ameyataja mambo matatu hayo kuwa ni viajna waombe nafasi za kugombea nafasi za uongozi, wajiandikishe na kisha wakapige kura siku ya uchaguzi.

Kwa upande wake Mkurugenzi Mtendaji wa Halmashauri ya wilaya ya Mlele Bi Sigilinda Mdemu, amesema ni matumaini yake kuwa vijana watajitokeza kupiga kura ili kuchagua viongozi wao 

Kwa upande wao vijana hao wa bodaboda wamesema wamefurahishwa sana na kitendo cha kuwakusanya pamoja na kufanya siku maalum kwao jambo lilioongeza upendo na mshikamano baina yao na serikali pia.

Aidha, wameomba ushirikiano huo uendelee kila siku na kujenga mahusiano mema baina ya waendesha bodaboda na mkuu wa usalama barabarani wilaya (DTO) ili vijana waweze kupata elimu ya usalama barabarani mara kwa mara.

SERIKALI YAIPONGEZA GREEN ACRES KWA KUENDELEA NA KUFANYA VIZURI KITAALUMA.

 

Na Mwandishi Wetu

SERIKALI imeipongeza shule ya msingi na sekondari, Green Acres ya jijini Dar es Salaam kwa namna ambavyo imekuwa ikifanya vizuri katika matokeo ya mitihani ya kitaifa kuanzia ngazi ya Wilaya hadi taifa.

Pongezi hizo zilitolewa mwishoni mwa wiki na Mkurugenzi Msaidizi wa Elimu wa Wizara ya Elimu,  Sayansi na Teknolojia, Victor George, wakati wa mahafali ya 24 ya  shule hiyo  yaliyohusisha wanafunzi wa awali, msingi na sekondari.

“Nawapongeza sana kwa kuendelea kufanya vizuri kitaaluma na nawashauri muendelee kuwekeza kwa wanafunzi hawa maana bila hivyo hatuwezi kuwa na taifa bora la kesho na mmeweka miundombonu mizuri ambayo inawawezesha kusoma kwa utulivu,” alisema.

Alisema serikali ya awamu ya sita imeweka kipaumbele kwenye kuwekeza kwenye ngazi zote za  elimu kuanzia awali, msingi sekondari, vyuo vikuu vikuu vya kati ili watoto wanaopata fursa ya kwenda huko kupata elimu bora.

“Vijana huu ni mwanzo tu wa safari ndefu ya maisha, msione mmefika mwisho mnapaswa kuwekaa bidii sana katika masomo yenu kwa hiyo ili mpate mafanikio maishani lazima mhakikishe mnasoma kwa bidii sana,” alisema

Aliwataka wazazi waendelee kuwa karibu na wanafunzi hao kwa kuhakikisha wanasoma kwa bidii kufikia elimu ya vyuo vikuu ili waweze kufikia ndoto zao.

Alisema amefurahi kuona vipaji mbalimbali vilivyoonyeshwa na wanafunzi wa shule hiyo kwenye maonyesho ya kitaaluma hali inayoonyesha kwamba walimu wa shule hiyo wamefanyakazi kubwa kuwaandaa.

“Hata matokeo yenu ya kuanzia shule ya msingi na sekondari yamekuwa mazuri mwaka hadi mwaka nawapongeza sana mmekuwa mkifanya vizuri kuanzia ngazi ya Wilaya, Mkoa na Kitaifa msibweteke endeeni kufanya vizuri zaidi,” alisema

Naye Mwenyekiti wa Bodi ya Green Acres,  John Pinda alisema wanafunzi wa shule hiyo kuanzia awali, msingi na sekondari wameandaliwa vizuri na wanatarajiwa kufanya vizuri kwenye mitihani yao ya kitaifa.

Alisema wamefanikiwa kutengeneza chumba cha Teknolojia ya Habari na Mawasiliano TEHAMA, maktaba kubwa ya kisasa, uwanja wa kisasa yote hiyo katika kuongeza mnyororo wa thamani wa elimu.

  “Wizara imeelekeza kila shule iwe na darasa la TEHAMA sisi tumeshakamilisha kwasababu tunataka wanafunzi wawe na uwezo wa kujua masuala mbalimbali ya teknolojia ya kisasa duniani kwa hiyo tunakwenda na wakati,” alisema

RAIS SAMIA AWEKA JIWE LA MSINGI MRADI WA MAJI MTYANGIMBOLE KWA NIABA YA MIRADI 30 YA MAJI MKOA WA RUVUMA.

 

Rais wa Jamhuri ya Muungano wa Tanzania Mhe.Dkt,Samia Suluhu Hassan leo September 24,2023 ameweka Jiwe la Msingi la Mradi wa Maji Mtyangimbole Wilaya ya Madaba Mkoani Ruvuma kwa niaba ya Miradi 30 ya Maji inayotekelezwa Mkoani humo.

Mradi wa tank la Maji Mtyangimbole una uwezo wa kupokea Lita milioni 1.9 na utahudumia Wananchi takribani 14,000.